Мэргэжлийн сүмо бөхийн Хацү башёгийн 12 дахь өдрийн таамаглаагүй үр дүнтэй барилдаанууд өчигдөр /2021.01.20/ Токио хотын Рёогокү Кокүгикан ордонд боллоо. Башёг тэргүүлэгчид өвдөг шороодож, бусад бөхчүүдэд түрүүлэх боломж гарч ирэв.

Тухайлбал, ёкозүна Тэрүнофүжи Г.Ган-Эрдэнэ комүсүби Мэйсэйд, сэкивакэ Митакэүми маэгаширагийн тавдугаар эрэмбэтэй Оношод тус тус өвдөг шороодсон. Харин Аби сэкивакэ Таканошог давж, тэргүүлэгчидтэй тэнцлээ.

Тэрүнофүжи, Митакэүми, Аби нар гурвуулаа арван даваа, хоёр унаатай явж байна. Мөн есөн даваа, гурван унаатай Котоновака бий.

Тэрүнофүжиг давсан Мэйсэй “Ийм хүчтэй ёкозүнаг ялсандаа баяртай байна. Үлдсэн барилдаанууддаа давахыг хичээх болно” гэжээ.

Бусад монгол бөхчүүдийн тухайд, Ичиножо А.Ичинноров, Хошорюү С.Бямбасүрэн нар өрсөлдөгчөө дийлж, Кирибаяама Б.Лхагвасүрэн, Тамаваши Б.Мөнх-Оргил, Чиёошома Г.Мөнхсайхан нар өвдөг шорооджээ.

Хошорюү С.Бямбасүрэн найм дахь даваагаа авч, качикоши хийв.