Баянзүрх дүүрэг 2022 онд газар чөлөөлөлт – бүтээн байгуулалтын ажлыг эрчимжүүлэхээр төлөвлөж байна. Энэ хүрээнд Дүүрэг орон нутгийн хөгжлийн төлөө хамтран зүтгэх хүсэлтэй иргэд, аж ахуй нэгжүүд Баянзүрх дүүргийн Засаг дарга, холбогдох удирдлагуудтай уулзлаа.

Энэ үеэр Баянзүрх дүүргийн Засаг дарга Н.Баярмөнх хэлэхдээ :

"Дүүрэг орон нутагтайгаа хамтраад хийж бүтээе гэсэн иргэн, аж ахуй нэгж байгууллагуудыг бид бүх талаар нь дэмжинэ. Гэхдээ та бүхэн гол нь тухайн тохижилт, бүтээн байгуулалт хийх газрынхаа иргэдтэй зөвшилцөж, нэг ойлголтод хүрсэн байх ёстой. Тэгээгүй тохиолдолд бид та бүхний хийх ажлыг дэмжиж, хамтран ажиллах боломжгүй" талаар хэллээ.

Баянзүрх дүүрэгт үйл ажиллагаа явуулдаг аж ахуй нэгж байгууллагуудын хувьд дүүргийн удирдлагуудтай уулзаж өөрсдийн санал, хамтран ажиллах хүсэлтээ тогтмол илэрхийлж байгаа гэж Баянзүрх дүүргээс мэдээллээ.