Удахгүй болох ОХУ-Беларусийн хамтарсан цэргийн сургуулилалт нь Украин руу хойд зүгээс цохилт өгөх боломжийг Москвад олгож магадгүй гэж АНУ-ын Төрийн департаментын өндөр албан тушаалтан хэвлэлийн бага хурал дээр мэдэгдэв.

"Тогтмол хуваарьт хамтарсан цэргийн сургуулилалтын дагуу явагддаг Оросын цэргүүд Беларусь руу шилжиж байгаа тухай мэдээлэл анхаарал татаж байна" гэж тэрбээр онцлон тэмдэглэв. "Хугацаа нь анхаарал татаж байна. Мэдээж ОХУ нь Украин руу хойд зүгээс довтлохын тулд хамтарсан цэргийн сургуулилалт нэрийн дор цэргээ Беларусь руу байршуулах бодолтой байна гэсэн болгоомжлолыг төрүүлж байна. Ийм довтолгоонд Беларусь оролцохыг миний зүгээс хүлээн зөвшөөрөхгүй байна. Беларусьчууд бидэнд, холбоотон түншүүдэд мөн эрх баригчдад хувийн байдлаар анхааруулга өгсөн" гэж дипломатч нэмж хэлэв.

Түүний хэлснээр, ердийн сургуулилалтад 9000 орчим цэрэг оролцвол 42 хоногийн өмнө олон улсад мэдэгдэх шаардлагатай боловч 13000 цэрэгтэй бол олон улсын ажиглагч зайлшгүй байлцах шаардлагатай.

"Энэ сургуулилалт ердийн мэт боловч огт өөр санаа агуулж байна" гэж албаны хүн дурдав. Учир нь олон улсын ажиглагчгүй бол ямар нөхцөл байдал болж буйг мэдэж чадахгүй юм.

Беларусийн батлан хамгаалах яамны Олон улсын цэргийн хамтын ажиллагааны газрын дарга Олег Воинов өчигдөр цэргийн үйл ажиллагаанд зориулсан хэвлэлийн бага хурал дээр хэлэхдээ, "Холбооны улсын хариу арга хэмжээг шалгах ажлын хүрээнд Беларусь-Оросын хамтарсан сургуулилалт хоёрдугаар сарын 10-20-ны хооронд болно" гэж мэдэгджээ.

ЭХ СУРВАЛЖ:TASS