Иргэдийг хэт тайвшруулаад эрсдэл дагуулах вий! | News.MN

Иргэдийг хэт тайвшруулаад эрсдэл дагуулах вий!

Иргэдийг хэт тайвшруулаад эрсдэл дагуулах вий!

Иргэдийг хэт тайвшруулаад эрсдэл дагуулах вий!

Эрдэмтдийн зөвлөл цар тахлын дөрөв дэх давлагаа эхэлж, оргил үедээ өдөрт 15-40 мянган хүн өвдөх тооцоо гаргасан. Иймд Эрүүл мэндийн яам 20 мянган ор дэлгэхээр төлөвлөөд байгаа юм. Эрүүл мэндийн сайдын тушаалаар хүүхэд, жирэмсэн болон өндөр настан, хүнд өвчтэй иргэдийг хэвтүүлэн эмчлэхээр болсон. Гэсэн ч УОК-ын Шуурхай штабын багийнхан “улаан бүс”-ийг халдвар авч өвдсөн хүмүүсийг эмнэлэгт хэвтүүлэх боломж тааруу, орны эргэлт муу байна гэж дүгнэсэн. Харин Эрүүл мэндийн яам, Эрдэмтдийн зөвлөлийнхөн Covid-19-өөр хөнгөн өвдсөн иргэдийг гэртээ тусгаарлагдахыг зөвлөж, омикроныг томуутай адилтгаж буй юм.

Өнөөдрийн байдлаар гэрээр өөрсдийгөө эмчилж байгаа хүмүүс 30 мянга давж, хоногт 1000-2000 орчим хүн өвдөх болов. Үүний цаана өвдсөн эсэхээ ч мэдэхгүй, бас бүртгэлгүй хэчнээн хүн халдвар авсныг таах аргагүй. Ямартай ч батлагдсан тохиолдлоос 4-5 дахин их өвчлөл байх магадлалтай аж.

Омикрон хувилбарын хувьд томуутай адил ханиалгаж, хоолой сэрвэгнэх, халуурах зэрэг шинж тэмдэг илэрдэг тул хүндрэл, нас баралт бага болохыг ч эрүүл мэндийн салбарынхан мэдээлэх болсон нь иргэдийг тайвшрахад хүргэж байна. Харин ДЭМБ-ын дарга Тедрос Адханом Гебрейесус “Омикрон нь дельтатай харьцуулахад, ялангуяа вакцинтай хүмүүс бага зэрэг хүндэрдэг ч энэ нь хөнгөн гэж ангилагдах ёстой гэсэн үг биш юм. Өмнөх хувилбаруудын нэгэн адил омикроны хувилбараар өвчилсөн иргэд эмнэлэгт хэвтэж, нас барж байна. Омикрон хувилбарын халдварлах чадвар өндөр бөгөөд Covid-19-ийн эсрэг дархлаажуулалтад бүрэн хамрагдсан ч халдвар авна. Гэхдээ Covid-19-ийн эсрэг вакцин нь хүндрэлээс сэргийлэх тул чухал ач холбогдолтой хэвээр байна” гэж онцолсон байна.

Тэгэхээр ДЭМБ-ын зөвлөмжийн дагуу омикрон хувилбарыг бид “басч” болохгүй. Монголд омикрон бүртгэгдсэнээс хойш хоногт бүртгэгдэх тохиолдлын тоо 1000 давж, 7000 гаруй хүн хэвтэн эмчлүүлж, өдөрт дунджаар хоёр хүн амь насаа алдах болов. Үүнээс харахад омикрон хувилбар нь Эрүүл мэндийн яам, Эрдэмтдийн зөвлөлийнхний ярьж байгаа шиг ханиад шиг хөнгөн биш бололтой. Харин Эрдэмтдийн зөвлөлөөс Covid-19-ийн шинэ мутацлагдсан хувилбар дахин гарахгүй бол айх зүйлгүй гэх мэдээллийг дахин хэлж байгаа юм. Эрүүл мэндийн сайдын зөвлөх О.Батбаяраас энэ талаар цөөн асуултад хариулт авлаа.

ХАЛДВАР АВСАН ХҮМҮҮС БАТЛАГДСАН ТОХИОЛДЛООСОО 4-5 ДАХИН ӨНДӨР БАЙНА

Covid-19-ийн мутацлагдсан омикрон хувилбарыг дельтатай харьцуулахад илүү хөнгөн шинж тэмдэгтэй болохыг эрүүл мэндийн салбарын мэдээлж байна. Гэсэн ч хүн бүрт өвчний хүндрэл харилцан адилгүй байна. Монгол Улсад омикрон хувилбар бүртгэгдсэнээс хойш өдөр бүр хоёр хүн нас барж байна?

-Омикрон хувилбар нь шинж тэмдэг тод боловч хөнгөн байна. Хоолой өвдөх, үе мөчөөр булчингаар өвдөх гэх мэт хүчтэй өвдөлтүүд байгаа ч уушгины эд эс лүү нэвтэрч, хатгаа болох чадвар нь буурсан. Гэтэл дельта хувилбар шинж тэмдэг илрэхгүй атал богино хугацаанд хатгаа болж, хүндрэх эрсдэл их байсан. Омикроны үед үе мөчөөр өвдөх зэрэг шинж тэмдэг илэрсэн ч хатгаа болохгүй байна.

Эмнэлэгт хэвтэн эмчлүүлж буй өвчтөнүүдийн биеийн байдал хэр байна вэ. Омикроны шалтгаант нас баралт бүртгэгдсэн үү?

-Өнөөдрийн байдлаар эмнэлэгт 7000 гаруй хүн хэвтэн эмчлүүлж байна. Халдварт өвчин судлалын үндэсний төвийн сэхээн амьдруулах тасагт байгаа 12 хүнээс омикроны шалтгаантай сэхээнд орсон тохиолдол байхгүй. Тэд омикроны шалтгаанаар биш үндсэн өвчин буюу хавдар, бөөрний өвчин, чихрийн шижин гэх мэт өвчтэй хүмүүс халдвар авснаас хүндэрч сэхээнд хэвтэж байна.

Дельта давалгааны үед зөвхөн дельта хувилбарын шалтгаанаар хүндэрч сэхээнд ордог байсан. Архаг хууч болон хавсарсан өвчнийг омикрон хүндрүүлж байна.

Өмнө нь дельта хувилбарын давлагааны үед Халдварт өвчин судлалын үндэсний төвд хэвтэн эмчлүүлж байгаа хүмүүсийн 60 хувь амьсгалын аппаратад ордог байсан. Харин өнөөдөр омикроны тархалтын үед 30 хувь нь амьсгалын аппаратад орж байна.

Гэсэн ч омикрон хувилбарын шинж тэмдэг ханиад, томуунаас ялгаагүй хөнгөн гэж нийгэмд ойлголт өгч тайвшруулах нь эргээд сөрөг үр дагавартай биш үү. Омикрон хувилбар нийт батлагдсан тохиолдлын хэчнээн хувийг эзэлж байна вэ?

-Халдварын тархалт нэмэгдэж байгаа нь омикроноос шалтгаалж байна.

Онолын хувьд бүртгэгдээгүй тохиолдол бүртгэлтэйгээс 4-5 дахин өндөр байдаг гэж эрдэмтэд үздэг шүү дээ. Хөнгөн өвдөөд байгаа хүмүүс шинжилгээ өгч, системд бүртгүүлээгүй бол бид мэдэхгүй.

Халдварт өвчин судлалын өнөөдрийн дата мэдээллээс харахад омикрон хувилбар нь нийт батлагдсан тохиолдлын 80-90 хувийг эзэлж байна.

Омикроны тархалт нэмэгдэхээс өмнө Эрдэмтдийн зөвлөлийнхөн тандалт судалгаа хийсэн үү. Ялангуяа цагаан сарын дараа халдварын тархалт ямар байх вэ. Урьдчилсан тооцоо бий юү?

-Урьдчилсан тооцооллуудыг хийж байна. Халдварын давлагаа нэгдүгээр сарын 20-ны үеэр оргилдоо хүрч, сүүлчээр буурах тооцоо байна. Харин цагаан сарын дараах халдварын тархалтын тухай мэдээлэл өгөх боломжгүй. Шинэ хувилбар л гарч ирэхгүй бол айх зүйлгүй. ДЭМБ-аас олон сая хүн омикроноор зэрэг өвдөх нь шинэ мутац үүсэх эрсдэл бий болгох боломжтойг мэдэгдсэн.

ЦАГААН САРЫГ ГЭР БҮЛИЙН ХҮРЭЭНЭЭС ХЭТЭРЧ ТЭМДЭГЛЭВЭЛ ХАЛДВАР НЭМЭГДЭНЭ

Хэт тайвширч назгайрвал цагаан сарын дараа халдварын давлагаа дахин дэгдэх магадлалтай биш үү?

-Бид бүхэн цагаан сарын баярыг гэр бүлийн хүрээнд тэмдэглэхийг зөвлөж байна. Тохиолдлын тоо гэр бүлийн хүрээнээс хэтэрч тэмдэглэвэл халдвар нэмэгдэх эрсдэлтэй.

УОК-ын Шуурхай штабын багаас Covid-19-ийн омикрон болон дельта хувилбараар өвдсөн иргэдийг хэвтүүлэн эмчлэх  нь хангалтгүй, орны эргэлт муу байна гэх дүгнэлт гаргасан. Ямар үед иргэдийг хэвтүүлэн эмчилж байна вэ. Гэрийн нас баралт бүртгэгдэхгүй гэх баталгаа байхгүй. Өнөөдрийн байдлаар нийт дэлгэхээр төлөвлөсөн 20 мянган орны хэдэн хувийг дэлгэсэн бэ?

-Бид хэвтэн эмчлүүлэх шаардлагатай хүмүүсээ эмчилж байна. Хамгийн гол нь маш олон хүн хэвтэн эмчлүүлэх гэж зохиомол ачаалал үүсгэж байна.

Эмнэлэгт хэвтэх дуудлага өгсөн иргэдэд тандалтын багийнхан очиход эмнэлэгт хэвтэх шаардлага хангаагүй хүмүүс байгаа юм.

Өөрөөр хэлбэл, хөнгөн өвдсөн хүмүүс. Түүнээс биш эмнэлэгт хэвтэх шаардлагатай жирэмсэн эмэгтэй, архаг хууч өвчин хавсарч хүндэрсэн зэрэг эмнэлэгт хэвтэх шаардлагатай хүмүүс ор хүлээсэн тохиолдол байхгүй. Өнөөдрийн байдлаар “Ачтан”, Монгол Японы эмнэлэгт дэлгэсэн. Өмнө нь МҮИС-д ор дэлгэсэн.

Хамгийн гол нь, иргэдийн дунд халдварт өртсөн бол заавал хэвтэн эмчлүүлэх ёстой гэсэн ойлголт хандлага байна. Нийт ор одоогоор 7000 хүрээд байна. Бид 14000 хүртэл үе шаттай нэмнэ. Хөнгөн хүнийг авахгүй.

Гэсэн ч бид өрхөөр дамжуулан эм, витамин үнэ төлбөргүй олгож байна. Энэ нь Covid-19-тэй тэмцэх нэг чухал тактикийн хэсэг юм. Бид дельта давлагааны үед өрхөөр дамжуулж, эрт эмчилгээ эхлүүлсэнээр дельтагийн давлагааг хохирол багатай даван туулсан.

2022 оны арванхоёрдугаар сарын 31-ний байдлаар Их Британи, Итали, АНУ зэрэг улсад 1 сая хүнд 2200 орчим нас баралт бүртгэгдсэн нь Монгол Улсаас гурав дахин өндөр байна. Монголд 1 сая хүнд 660 орчим нас баралт бүртгэгдсэн. Энэ нь нас баралт бага байхад вакцины хамралт сайн, өрхийн тусламж сайн, орны тоо хангалттай байсан нь нөлөөлсөн.

Томуугаас омикроныг ялгах арга нь түргэвчилсэн шинжилгээ өгөх. Гэхдээ хүндэрсэн тохиолдолд нийтлэг ямар шинж тэмдэг илрэх юм?

-Ерөнхийдөө толгой болон хоолой өвдөх, булчин, үе мөч өвдөх шинж тэмдэг илэрч байна. Өвчний хүндрэл гэхээр хатгаа л болно. 38 хэм хүрч халуурах, амьсгаадах, уруул хөхөрч амьсгалын дутагдалд орно. Харин булчин, үе мөчөөр хүчтэй өвдсөн бол эмнэлэгт хэвтэх шаардлагагүй. Томуу илүү нусархаг, мөн нүдний салстын үрэвсэл, мөн гэдэсний үрэвсэл ба ходоодны үрэвслийн шинж тэмдэгтэй байна. Үүгээрээ ялгаатай.

Энэ мэдээнд өгөх таны сэтгэгдэл?
2
ТэнэглэлТэнэглэл
1
ЗөвЗөв
1
ХахаХаха
1
ХарамсалтайХарамсалтай
0
ХөөрхөнХөөрхөн
0
ГайхмаарГайхмаар
0
БурууБуруу
Баярлалаа!

Холбоотой мэдээ

9 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2022-01-18 151.46.69.25

Сайн байна уу, энэ нь олон нийтэд тэнгэрийн туршлага зээл, a
хувийн зээлийн зээлдүүлэгч нь хэнд ч санхүүгийн боломжийг нээж өгсөн
хэнд санхүүгийн тусламж хэрэгтэй байна. 5000 еврогоос 100,00 евро Бид
хувь хүн, аж ахуйн нэгж, аж ахуйн нэгжүүдэд 2 хувийн хүүтэй зээл олгоно
ойлгомжтой, ойлгомжтой арга, нөхцөлөөр. өнөөдөр бидэнтэй холбоо барина уу
(contact@skyexperienceloan.com) эсвэл (skyexperienceloan@gmail.com) хаягаар цахим шуудангаар https://skyexperienceloan.com/ вэбсайтад зочилно уу.

Avatar

Зочин 2022-01-18 213.87.157.252

)))) Шилдэг тавтай морилно уу секс болзоо сайт — https://mysp.ac/50fjz

Avatar

Зочин 2022-01-18 202.9.46.81

ЭМЯ ЗГ УОКийнхон эхлээд иргэдийг айлгах тактик барьж хэвлэл сэтгүүлчидээр хэт хөөргөсөн мэдээлэл тарааж байснаа. өөрсдөө өөрсдийнхөө мэдээнд үнэмшээд одоо айдасын ховсонд орчихлоо. Бодит байдал болон вакциныхаа үр дүнг хэтрүүлсэн мэдээлэл байнга яриастай. Энэ хүмүүс бүгд сэтгэцийн хямралд оржээ. дахиад жаахан удвал галзуурах байх. Эртхэн эрүүл мэндээ бодоод болиьол яасийн.

Avatar

Irgen 2022-01-18 202.126.88.128

Ard tumendee hungun yavtstai bna gej horlohoo bolivil yasan yum bee, eruul mendiin yam, UOK ajlaa hiimeer bna, hungun geed tararaachihaar manai mongolchuudiin soyol hariutslaga gej bdag biluu

Avatar

Зочин 2022-01-18 182.232.161.221

Omicron delta g displace hiigee davamgailj baina gedeg mash sain medee. Iluu horuu chanartai variant g hungun yvtstai, haldvarlah chsdvar undurtei variant orloj bga ni pandemic endemic ru shiljih goridlogo turuulj baina. Omicron s iluu haldvarlah chadvar undurtei variant garch ireed omicron g shahaad pandem bploh magadlal mash baga.. Tsaashda omicron ergtend baidag busad coronvirus tai adil bolchvol,

Avatar

Зочин 2022-01-18 192.82.72.149

Гадаад яваад ирсэн иргэдээ 3 хоног цагдан хориод ч нэмэр болсонгүй!!! Таг битүү Хойд Солонгост хүртэл ковид илэрч байхад одоо цагт хаах, хорих аргаар дэлхийн өвчнөөс өөрийгөө хаацайлах ямар ч арга байхгүйг манай УОК-ийн ухаантан мэргэдүүд ойлгож л байдаг байгаа даа??!!

Avatar

Зочин 2022-01-18 64.119.17.174

нэгнийхээ мууд дурладаг, мууг нь үзэх дуртай адгийн зангаа болиогүй цагт өвчин зовлон дарагдахгүй ээ. Энэ хорвоод түр зуур ирчихээд сайхан сэтгэлтэй байх ёстой. Хүний зовлон хэзээ нэгэн цагт өөрийнх болдог юмаа. Муухай авгай хүүхнүүд олон болжээ!

Avatar

zocnin 2022-01-18 197.211.58.122

Сайхан мэдээ, шинэ жил ирлээ, та санхүүгийн түвшингээ өөрчлөх боломжийг хайж байна уу, сайн сайхан амьдрахын тулд мөнгө хэрэгтэй юу, та нэг бөөрөө 760 000 доллараар зарж, эрүүл хэвээр байх боломжтой, fortis-тэй холбоо бариарай. эмнэлэг @
fortis.hospital.in@gmail.com Тэд танд хамгийн сайн анхаарал халамж тавьж, таныг ирэхээс өмнө мөнгөнийхөө талыг төлж, хагалгааны дараа бид танд төлөх үлдэгдлийг төлж, өнөөдөр тэдэнтэй холбогдож, ядуурлаас үүрд ангижрах болно fortis.hospital.in @gmail.com

Avatar

Зочин 2022-01-18 192.82.69.35

Ийм айхтар агаарын бохирдолтой газар арай л илүү хүндрээд байх шиг байна. Баруунд mild буюу хөнгөвтөр өвдөөд байгаа нь аргагүй байхоо орчин нь хамаагүй цэвэрхэн шүү дээ. Гэхдээ mild гэдгийн доор хатгаа болчихгүй өнгөрөхийг ойлго гэсэн бнлээ.

NewsMN Гар утасны хувилбар Татах
NEWS.mn

Мэдээллийн эх сурвалж