"The Hu" хамтлаг ирэх дөрөвдүгээр сард АНУ-д болох "Coachella-2022" хөгжмийн наадамд оролцохоор болжээ.  Энэ наадамд Монголоос анх удаа "The Hu" хамтлаг урилгаар оролцох гэж байна. Монголыг олон улсад сурталчилж буй "The Hu" хамтлаг 2021 оны анхны аялан тоглолтоо АНУ-аас эхлүүлсэн. Тэд “Хүн” нэртэй аялан тоглолтоо 2021 оны есдүгээр сарын 1-нээс аравдугаар сарыг дуустал тоглолт хийсэн юм.

"The Hu" хамтлагийнхан Европын орнуудаар тоглолт хийхээр төлөвлөжээ. Тодруулбал, ирэх гуравдугаар сард Герман, Дани, Чех, Швед зэрэг улсад 15-50 мянган үзэгчэй битүү стадионд тоглолт хийх гэнэ.

Тэд 2019 онд  амжилт, бүтээлээр арвин жил байсан. Хамтлаг дэлхийд гарч, Европыг байлдан дагуулсан. Нийтдээ 13 оронд 23 тоглолтоо хийсэн бол Хойд Америкийн нутгаар 90 хоногийн турш аялан, 56 хотоор 60 гаруй тоглолтыг хийсэн билээ.