Казахстаны ерөнхийлөгч асан Нурсултан Назарбаевын гэр бүлийн хоёр гишүүн газрын тос, байгалийн хийн тээвэрлэлтийн удирдах албан тушаалаасаа огцорсон тухай Төв Азийн улс орнуудын тусгаар тогтносон сан Бямба гаригт мэдэгдлээ.

Казахстаны удирдагч байсан Назарбаев 2019 онд огцрохоосоо өмнө 30 жилийн турш тус улсыг удирдсан. Өнгөрсөн долоо хоногт түүний залгамжлагч Касым-Жомарт Токаев үймээн самууны үеэр Назарбаевыг Аюулгүй байдлын зөвлөлийн даргаас огцруулах хүртэл бүрэн эрхээ хадгалсаар ирсэн. Жагсаал эхэлснээс хойш Назарбаев олон нийтэд ил гарч ирээгүй,  нуугдмал байсан. Мөн Токаев түүний талаар шүүмжлэлтэй мэдээлэл цацсанаас болж, ажиглагчид Токаев болон Назарбаев нар хоорондоо муудалцсан байж магадгүй гэж үзэж буй.

Самрук-Казына төрийн сангийн мэдэгдэлд Бямба гаригт, Кайрат Шарипбаев, Димаш Досанов нар тус улсын газрын тос дамжуулах хоолойн "KazTransOil" компани болон байгалийн хийн хоолойн оператор "QazaqGaz" компанийн гүйцэтгэх захирлын албан тушаалыг орхижээ. Шарипбаев нь  экс ерөнхийлөгчийн том охин Дарига Назарбаеватай гэрлэсэн. Досанов нь Назарбаевын бага охин Алия Назарбаевагийн нөхөр юм. Яг ямар учир шалтгааны улмаас захирлын албан тушаалаа орхисон нь тодорхойгүй байна.

Токаев энэ долоо хоногт Назарбаевын хамтрагчдыг буяны шинэ санд тогтмол хандив өргөх замаар баялгаа олон нийтэд хуваалцахыг хүсч байгаагаа мэдэгдсэн. Үндэслэлгүй нэмэгдсэн шатахууны үнэ нь эрчим хүчний сайд болон холбогдох албан тушаалтнуудын буруу гэж цагдаагийн байгууллагаас  үзэж байгаа тул Бямба гаригт тус эрчим хүчний  албаны хүмүүсийг саатуулжээ.

Эх сурвалж: Reuters