“Эрдэнэт Мах Маркет” ХХК нь  Эрдэнэт хотын Орхон Молл худалдааны төвд нэрийн дэлгүүрээ нээлээ. Нээлтийн урамшуулал болгож иргэд худалдан авсан бүтээгдэхүүний үнийн дүнгээс хамаарч 5-10 хувийн хямдрал эдлэнэ. Тодруулбал, 100 мянган төгрөгийн худалдан авалт хийгээд 10 хувь, 50 мянган төгрөгийн худалдан авалт хийгээд таван хувийн хөнгөлөлт авах юм.

Мөн “Эрдэнэт Мах Маркет” ХХК нь монголын ууган махны үйлдвэрүүдийн нэг бөгөөд бод, бог мах төхөөрөх, дайвар бүтээгдэхүүн боловсруулах, ангилан шулах мөн төрөл бүрийн хагас болон бүтэн боловсруулсан мах махан бүтээгдэхүүн үйлдвэрлэдэг юм. Тус үйлдвэр нь малчны хотноос авсан малын гарал үүслийг мал эмнэлгийн цахим системээр тодорхойлж, худалдан авагч иргэд болон харилцагч байгууллагууддаа эрүүл аюулгүй, гарал үүсэл тодорхой бүтээгдэхүүнийг нийлүүлж байгаа юм.

Өнөөдрийн байдлаар 50 гаруй нэр төрлийн бүтээгдэхүүн үйлдвэрлэж, өөрсдийн салбар нэрийн барааны дэлгүүрүүдээр худалдаалж байна.