Итали даяар Covid-19-ийн вакцинд хамрагдаагүй иргэдийг олон нийтийн хөдөлгөөнд оролцохгүй байх дүрэм гаргажээ. Тус дүрэм хэрэгжиж эхэлсний маргаашаас Анкона хот дахь сувилагч эрэгтэй хуурамч вакцин үйлдвэрлэж, вакцинд хамрагдаагүй хүмүүст тодорхой тарифаар зарж, хуурамч гэрчилгээ олгож  байсныг илрүүлсэн байна. Уг этгээдийг авлига, хуурамч гэрчилгээ, нийтийн эд хөрөнгийг үр ашиггүй зарцуулсан хэргээр тус хотын шүүх шалгаж эхэлжээ. Шүүхээс мэдээлснээр, тэрбээр нийт 50 гаруй хүнд хуурамч вакцин зарж, тарьсан байна.

Тус сувилагчийг вакцинд хамрагдаагүй иргэдтэй зуучилж өгдөг дөрвөн этгээдийг мөн шалгаж байгаа ба хуурамч гэрчилгээ авсан 45 хүнийг илрүүлэн, хотоос гарахыг хоригложээ. Тус бүлэглэл нийт хуурамч вакцинаар 18000 еврогийн ашиг олсон байна. Мөн луйвраас гадна вакцинд хамрагдахыг хүсэхгүй байгаа иргэд олшрон, хуурамч гэрчилгээ худалдаж авдаг болсон аж.

Вакцин эсэргүүцэгчид хуурамч гэрчилгээ авахын тулд Италийн нутаг бүрээс Анкона хотыг зорьж, гэрчилгээ тус бүрийг 400 орчим евро төлж авдаг гэсэн дүгнэлт гарчээ.

Эх сурвалж: SKY NEWS