Мэргэжлийн сүмо бөхийн Хацү башёгийн гурав дахь өдрийн барилдаанууд өчигдөр /2021.01.11/ Токио хотын Рёогокү Кокүгикан ордонд боллоо. Энэ өдөр ёкозүна Тэрүнофүжи Г.Ган-Эрдэнэ маэгаширагийн нэгдүгээрт эрэмбэтэй Кирибаяама Б.Лхагвасүрэнтэй барилдаж, ээлжит даваагаа авлаа. Аваргын хувьд ийнхүү гурван даваатай, ганц ч унаагүй башёг тэргүүлж байна.

Харин озэки цолтой хоёр бөх өвдөг шороодов. Тодруулбал, озэки Такакэйшо Үрад өвдөг шороодон, нэг даваа, хоёр унаатай болсон бол озэки Шодаи комүсүби Дайэйшод ялагдаж, хоёр даваа, нэг унаатай болжээ.

Бусад монгол бөхчүүдийн тухайд, Хошорюү С.Бямбасүрэн, Чиёошома Г.Мөнхсайхан нар өрсөлдөгчөө дийлж, Ичиножо А.Ичинноров, Тамаваши Б.Мөнх-Оргил нар өвдөг шороодов.

Домогт ёкозүна Тайхогийн ач хүү Охо гурван даваа, нэг ч унаагүй Тэрүнофүжи, Аби, Оношо, Митакэүми нарын хамтаар башёг тэргүүлж байна.