Дэлхий дахинд Covid-19 цар тахал гарснаар гурван жилийн нүүр үзэж байна. Саяхан шинэ төрлийн омикрон хувилбар илэрсэн. Мөн өнгөрсөн долоо хоногт Францын нэгэн эмнэлэгт омикрон  хувилбараас ондоо шинэ мутаци илэрсэн гэх мэдээлэл цацагдсан. Тэгвэл  Киприйн эрдэмтэн дельта  болон омикрон  хувилбаруудын шинж чанарыг хослуулсан Covid-19-ийн шинэ хувилбар бий гэсэн дүн шинжилгээ гаргаж, баталлаа.

Эрдэмтэн Леонидос Кострикис нь "дельтакрон" гэж  нэршсэн шинэ мутацилагдсан коронавирусийн хувилбарыг илрүүлсэн байна. Бусад эрдэмтэд дельтакроныг лабораторийн бохирдлоос болж бий болсон гэж үзэж байгаа ч Леонидос тайлбартаа “Үндсэн мутациудын тухай мэдэж авахын тулд хувьслын шатыг харуулсан нэг төрлийн үйл явдлын үр дүн биш” гэж тэмдэглэжээ.

Киприйн их сургуулийн биологийн шинжлэх ухааны профессор, био технологич , молекул вирус судлалын лабораторийн эрхлэгч Кострикис хэлэхдээ, “Дельтакрон халдвар нь Covid-19-ийн улмаас эмнэлэгт хэвтсэн өвчтөнүүдийн дунд илүү тархсан  байдаг тул бохирдлын үр дүнд бий болсон гэх  таамаглалыг үгүйсгэж байна” гэв.  Нэмж дурдахад шинэ мутацилагдсан  вирусийн дээжийг нэгээс олон оронд дарааллын шат дамжлагатайгаар судалжээ. Дэлхийн мэдээллийн санд хадгалагдсан Израйльд  дор хаяж нэг вирусийн хувилбар  нь дельтакроны генетик шинж чанарыг харуулсан  гэж тэр хэлэв.

Вирусийн генүүд нь хэд хэдэн тусгай үүрэг гүйцэтгэдэг уургийн хэлбэртэй байдаг байна. Омикрон  ба дельта   тус бүр нь баяжуулалтын уурагт мутацитай  байдаг бөгөөд энэ нь хүний ​​эс рүү нэвтрэх чадварт нөлөөлдөг. Гэхдээ омикрон  нь илүү халдварлах чадвартай гэсэн судалгаа бий. Тус хоёр хувилбарын рекомбинант хэлбэр болох дельтакрон нь техникийн үүсэлтэй байх магадлалтай гэж шинжээчид үзэж байна. Киприйн эрүүл мэндийн сайд Майкл Хаджипантела Ням гаригт хэлэхдээ, шинэ хувилбар нь санаа зовох зүйлгүй бөгөөд энэ долоо хоногт болох хэвлэлийн бага хурал дээр илүү дэлгэрэнгүй мэдээлэл өгөх болно гэж “O Phileleftheros” сонин мэдээлэв.

Эх сурвалж: Bloomberg