Казахстанд амь үрэгдсэн хүний тоо 164 болж өслөө

Хуучирсан мэдээ: 2022.01.10-нд нийтлэгдсэн

Казахстанд амь үрэгдсэн хүний тоо 164 болж өслөө

Казахстанд амь үрэгдсэн хүний тоо 164 болж өслөө

Казахстанд улсад үүссэн зөрчил үймээний улмаас цагдаа нар болон жагсагчдын хооронд буудалцаан болж амь үрэгдсэн хүний тоо 164-т хүрснийг эх сурвалжууд мэдээлж байна. Үүнээс 103 нь Алматы хотод бүртгэгдсэн аж. Өмнө нь амь үрэгдсэн хүний тоог 44 гэж мэдээлж байв.

Казахстанд нэгдүгээр сарын 2-ноос хойш  онц байдал тогтоон, жагсагч, тэмцэгчдийг хүчээр дарах ажиллагаа эхлүүлснээр 6000 гаруй хүнийг баривчилсан байна. Тэдний дунд гадаадын олон тооны иргэд байгааг Казахстаны ерөнхийлөгчийн албан ёсны сайтад мэдээлжээ. Онц байдал тогтоосон хугацаанд шөнийн цагаар хөл хорио үйлчилж буй.

Казахстаны ерөнхийлөгч Кассын Токаевын мэдээлснээр 20 мянга орчим "танхай этгээд" сануулгагүйгээр хууль сахиулагчид руу гал нээсэн гэж мэдэгдээд ард түмнийхээ эсрэг галт зэвсэг ашиглахыг цагдаа нарт зөвшөөрсөн юм. Үүнийг АНУ-ын төрийн нарийн бичгийн дарга Энтони Блинкен хурцаар шүүмжилжээ.

Шатахууны үнийг нэмэгдүүлэхийн төлөө эхэлсэн тайван жагсаал сүүлдээ үймээн болж, Казахстаны ерөнхийлөгч гадаадын орноос тусламж хүссэнээр өнгөрсөн долоо хоногт ОХУ-ын тэргүүлдэг хамтын нийгэмлэг энхийг сахиулагчдаа илгээсэн юм. Жагсаал цуглаан өргөжиж, улс даяар өрнөж буй нь Казахстаныг сүүлийн 30 жил удирдсан ерөнхийлөгч асан Нурсултан Назарбаев суудлаасаа буусан ч одоо ч залгамжлагчаараа дамжуулан нөлөөгөө тогтоосоор буйг ард түмэн эсэргүүцэн боссон юм.

ЭХ СУРВАЛЖ: ВВС

Энэ мэдээнд өгөх таны сэтгэгдэл?
3
ЗөвЗөв
2
ХахаХаха
2
ХарамсалтайХарамсалтай
2
БурууБуруу
1
ХөөрхөнХөөрхөн
1
ТэнэглэлТэнэглэл
0
ГайхмаарГайхмаар
Баярлалаа!
NewsMN Гар утасны хувилбар Татах
NEWS.mn

Мэдээллийн эх сурвалж