Шинэ жилийн үдэш Коуртни Кардашиан болон Травис Баркер нар хуримаа хийхээр төлөвлөж байгааг өмнө нь мэдээлсэн ч гэрлэх ёслол болоогүй. Харин дүү Кендалл Женнер нь сагсчин найз залуутайгаа нууцаар хуримласан байж магадгүй гэх дуулиан дэгдлээ. Тодруулбал, Кендаллын инстаграмдаа нийтэлсэн зурагт найз залуу Девин Бүүкер нь ядам хуруундаа бөгж зүүсэн байгааг гярхай хүмүүс ажиглажээ. Хосууд үерхэж эхлээд нэг жил болж байгаа бөгөөд харилцаа нь хурдацтай ахиж байгааг эх сурвалжууд мэдээлсэн.

Өдгөө 26 настай Девин Бүүкер АНУ-ын мэргэжлийн сагсан бөмбөг /NBA/-ийн Финикс Санс багт харъяалагддаг.

“Кардашианыхантай хамт” реалити шоу 14 жилийн турш үргэлжилсний эцэст өндөрлөсөн. Кардашианы гэр бүлийнхэн реалити шоуг бүрмөсөн орхиогүй бөгөөд тэд энэ оны эхээр нээлтээ хийх “Hulu” цувралаар эргэн ирэх юм.

Эх сурвалж: HOLLYWOOD GOSSIP