УИХ-ын П.Анужин өөрийн цахим хуудастаа сэтгэгдлээ илэрхийлжээ. Тэрбээр “Поп” гэж доромжлогддог нэр бүхий гишүүдийн хамт УИХ-аас байгуулагдсан “Оюутолгой”-н түр хороонд хамт ажиллалаа. Явж явж тэр хэд чинь Монголын төлөө үнэн сэтгэлтэйг мэдсэн, мэдэрсэн. Арай Монголоо гэснийг нь шигшиж намнаад, ард түмнээр нь доромжлуулан, элэглүүлдэг юм биш биз дээ" гэжээ.

П.Анужин постынх нь дор сэтгэгдэл бичсэн хүмүүст "Ойлгож мэдэрсэн зүйлээ хуваалцлаа. Олон нийтийн бодол ижил байх албагүй" гэж хариу бичжээ.

Ямартай ч энэ жил түүний хувьд танхимд ч, цахим орчинд ч өөрийн байр сууриа илэрхийлж чадсан он байлаа хэмээн хүмүүс хэлж байна. Харин өөрийнх нь хувьд иргэдийн эрхийг хамгаалах, эх орондоо хүчин зүтгэхэд онцгой нөлөөтэй жил байжээ.