ШӨХТГ: Үнийг зохиомлоор хөөргөсөн нэгжүүдийг 143 сая төгрөгөөр торгосон | News.MN

ШӨХТГ: Үнийг зохиомлоор хөөргөсөн нэгжүүдийг 143 сая төгрөгөөр торгосон

ШӨХТГ: Үнийг зохиомлоор хөөргөсөн нэгжүүдийг 143 сая төгрөгөөр торгосон

ШӨХТГ: Үнийг зохиомлоор хөөргөсөн нэгжүүдийг 143 сая төгрөгөөр торгосон

Өндөржүүлсэн бэлэн байдлын үед өргөн хэрэглээний хүнсний бараа бүтээгдэхүүний нийлүүлэлт, үнийг тогтвортой байлгах, зохиомол хомстол үүсгэхээс сэргийлж мэргэжлийн байгууллагууд хяналт шалгалтыг хийж буй. Тэгвэл Шударга өрсөлдөөн хэрэглэгчийн төлөө газраас нийт 3500 гаруй хяналт, шалгалт хийж, 196 зөрчил арилгуулж, 143 сая төгрөгийн торгууль ногдуулсан байна. Тодруулбал, хил гаалийн асуудалтай холбоотойгоор зохиомол хомсдол үүсгэсэн аж ахуй нэгжүүдийг хуулийн дагуу шалгаж, хариуцлага тооцжээ.

Хамгийн сүүлд л гэхэд ШӨХТГ хилээр нэвтрүүлэх ачаа, барааны тээвэрлэлтийн хөлсийг зохиомлоор нэмсэн иргэд, аж ахуй нэгжид хариуцлага тооцсон. Эрээн боомтыг хааснаас болж, Эрээн-Замын-Үүд чиглэлийн тээврийн хөлс нэмэгдсээр байгаа. Хэдийгээр хил нээлттэй ч автозамын тээвэрлэлт хийхгүй байгаагаас ийнхүү үнэ нэмэгдсэн гэх тайлбарыг өгч буй юм. Хил хаахаас өмнө нь нэг машины тээвэрлэлтэд дөрвөн сая төгрөгийн хөлс төлдөг байсан бол өнгөрсөн дөрөвдүгээр сараас 20-30 сая төгрөг болж нэмэгдсэн байна. Харин наймдугаар сараас эхлэн тээврийн жолоочтой хариуцлагын гэрээ байгуулж дараалалд байгаа Эрээн-Улаанбаатар хүртэлх тээвэрлэлтийн зардлыг 10 сая төгрөгөөс хэтрүүлэхгүй байх шийдвэрийг Засгийн газраас гаргасан.

Харамсалтай нь, урд хөршид Covid-19 халдварын тохиолдол батлагдсантай холбоотойгоор тээврийн зардал нэмэгдсээр байгаа аж. Тухайлбал, аравдугаар сард Эрээнд халдварын тохиолдол бүртгэгдэж, чингэлгээр ачааг тээвэрлэхээр болсон. Энэ нь тээвэрлэлтийн зардлыг дахин 20-30 сая хүртэлх төгрөгөөр нэмэгдүүлсэн байна.

Өмнө нь нэг машинд багтдаг байсан ачаа одоо 2-3 чингэлэгт багтахаар болжээ. Ингэснээр нэг метр куб ачааг 800-1000 юаниар ачдаг байсан бол одоо 1800-2000 юаниар ачиж байгаа юм. Энэ талаар ачаа бараа нь гацсан иргэд Шударга өрсөлдөөн хэрэглэгчийн төлөө газарт гомдол гаргажээ.

Үүний дагуу ШӨХТГ хяналт шалгалтыг хийж ачаа барааны таталт дээр үнэ зохиомлоор нэмсэн иргэд, аж ахуй нэгжүүдийг торгосон байна. Тодруулбал, импортын бараа бүтээгдэхүүн болох хүнсний ногоо буюу нарийн ногоо, жимс жимсгэнийг Эрээн хотоос Улаанбаатар хотын чиглэлд үнэ хөөрөгдөж 20-30 сая төгрөгөөр тээвэрлэсэн иргэн, аж ахуй эрхлэгчдийн 243 сая төгрөгийн хууль бус орлогыг хурааж, 38 сая төгрөгийн торгууль оногдуулжээ.

Энэ мэдээнд өгөх таны сэтгэгдэл?
2
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-12-30 66.181.185.215

Ээ хөөрхий ингэж ёс төдий ажиллах гэж дээ, нэг бол татан буулгах. Эсвэл бүгдийг нь халж тэтгэвэрт гарсан ахмад хуульчдаар соль

Avatar

иргэн 2021-12-30 66.181.181.201

Энэ байгууллагыг татан буулгая

Avatar

Зочин 2021-12-30 213.87.139.220

>>>>> Шилдэг тавтай морилно уу секс болзоо сайт — https://mysp.ac/50fjz

Avatar

Юм юмны үнэ нэмэгдээд л байна. 2021-12-30 202.131.235.250

Аливаа зүйлийн үнэ ханш байнга нэмэгдэж байгаад хяналт тавихгүй байгаа нь харамсалтай.

Avatar

ТодорхоЙ 2021-12-30 203.17.23.197

Тэрбумаар торго. Наадуул чинь иргэдийг хохироож тэрбум тэрбумаар нь ашиг олсон

NewsMN Гар утасны хувилбар Татах
NEWS.mn

Мэдээллийн эх сурвалж