Монгол Улсын төрийн далбаа мандуулах ёслол өглөө 09:00 цагт боллоо. Үндэсний эрх чөлөө, тусгаар тогтнолоо сэргээсний 110 жилийн ой тохиож байна. Энэхүү түүхэн өдрийг нийтээр тэмдэглэх тэмдэглэлт өдөр болгох хуулийг Монгол Улсын Их хурлаас 2007 оны наймдугаар сарын 16-ны өдөр батлан гаргасан бол 2011 оны арванхоёрдугаар сарын 23 өдрийн хуулиар өөрчлөлт оруулж "Үндэсний эрх чөлөө, тусгаар тогтнолоо сэргээсний баярын өдөр" хэмээн албан ёсоор нэрлэсэн түүхтэй. Жил жилийн энэ өдөр бүх нийтээрээ амардаг.

ГЭРЭЛ ЗУРГИЙГ Л.ЭНХ-ОРГИЛ