ҮСХ: Улсын хэмжээнд 67.3 сая толгой мал тоологдлоо | News.MN

ҮСХ: Улсын хэмжээнд 67.3 сая толгой мал тоологдлоо

ҮСХ: Улсын хэмжээнд 67.3 сая толгой мал тоологдлоо

ҮСХ: Улсын хэмжээнд 67.3 сая толгой мал тоологдлоо

Үндэсний статистикийн хороо (ҮСХ)-ноос өнөөдөр (2021.12.28) мал, тэжээвэр амьтад, хашаа, худгийн тооллогын 2021 оны урьдчилсан дүнг танилцуулав. Улсын хэмжээнд энэ оны эцэст 67.3 сая толгой мал тоологдлоо. ҮСХ-ны Хөдөө аж ахуй, байгаль орчин, үйлдвэрлэлийн статистикийн хэлтсийн дарга Э.Мягмархандын мэдээлснээр нийт малын тоо өмнөх оноос 268.4 мянгаар буюу 0.4 хувиар өсчээ.

Мал тооллогын урьдчилсан дүнгээр:

4.3 сая адуу,

5 сая үхэр,

453.8 мянган тэмээ,

31.1 сая хонь,

26.5 сая ямаа тоологдлоо.

Нийт мал сүрэгт:

Хонь 46.2 хувийг

Ямаа 39.3 хувь

Адуу 6.4 хувь

Үхэр 7.5 хувь

Тэмээ 0.7 хувийг эзэлж байна.

Өмнөх онтой харьцуулахад хонь 1 сая буюу 3.4 хувиар, үхэр 288.8 мянга буюу 6.1 хувиар, адуу 230.1 мянга буюу 5.6 хувиар тус тус өсөж, ямаа 1.3 сая буюу 4.6 хувиар, тэмээ 19.1 мянга буюу 4.0 хувиар буурчээ.

Энэ оны мал тооллогын урьдчилсан дүнгээр Хөвсгөл аймаг 5.9 сая мал тоолуулж тэргүүлсэн бол Архангай аймаг 5.6 сая, Хэнтий аймаг 5 сая, Төв аймаг 4.7 сая, Сүхбаатар аймаг 4.2 сая мал тоолуулж, улсад хамгийн их малтай байна.

Орхон, Сэлэнгэ, Завхан, Баян-Өлгий, Дорноговь, Архангай, Булган, Хэнтий, Дорнод, Сүхбаатар, Ховд, Увс, Хөвсгөл аймгуудад малын тоо өмнөх оноос 17.4-440 мянгаар өссөн аж. Харин Дархан-Уул, Говьсүмбэр, Улаанбаатар хот, Төв, Говь-Алтай, Өмнөговь, Өвөрхангай, Дундговь, Баянхонгор аймгуудын хувьд малын тоо өмнөх оноос 5.2-712.8 мянгаар буурчээ.

Архангай аймаг адуу, үхэр, хонины тоогоор, Өмнөговь аймаг тэмээний тоогоор, Хөвсгөл аймаг ямааны тоогоор тэргүүлсээр байна.

Хамгийн олон малтай сумд:

Нийт малын тоогоор Хэнтий аймгийн Өмнөдэлгэр сум 662.0 мянга, Хэнтий аймгийн Хэрлэн сум 529.3 мянга, Сүхбаатар аймгийн Баяндэлгэр сум 523.1 мянга, Хөвсгөл аймгийн Цагаан-Уул 494.1 мянга, Архангай аймгийн Эрдэнэмандал сум 485.5 мянга мал тоолуулж малын тоогоор тэргүүлжээ.

Урьдчилсан дүнгээр төллөсөн хээлтэгч өмнөх оноос 2.9 сая, бойжуулсан төл 2.6 саяар буурчээ. Мөн 100 эхээс бойжуулсан төл 68 байгаа нь өмнөх оноос зургаан төлөөр буурсан аж. Мөн улсын хэмжээнд гурван сая том мал зүй бусаар хорогдсоноос ямаа 1.5 сая, хонь 1.1 сая, үхэр 187.8 мянга, адуу 117.3 мянга, тэмээ 22.2 мянга байна.

Малтай өрхүүдийн тухайд,

  • 50 хүртэлх малтай өрхийн тоо 7.2 хувь
  • 51-200 хүртэлх малтай өрх өрхийн тоо 1.7 хувь
  • Мянгаас дээш малтай өрхийн тоо 5.4 хувь
  • 201-500 малтай өрх өрхийн тоо 1.4 хувиар тус тус өсчээ. Харин 501-999 малтай өрхийн тоо 1.5 хувиар буурсан байна.

Энэ мэдээнд өгөх таны сэтгэгдэл?
1
БурууБуруу
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
Баярлалаа!

Холбоотой мэдээ

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-12-28 213.87.89.72

>>>>>>>>> Шилдэг тавтай морилно уу секс болзоо сайт — https://mysp.ac/50fjz

Avatar

Иргэн 2021-12-28 202.55.188.97

Монголын мал сүрэг жилийн жилд цөөрсөөр байгаа юм байна даа. Аргагүй л дээ. Монголчуудын шунал нь гадаадынхны шуналтай нийлээд ирэхээрээ мал сүрэг нь цөөрсөн дээрээ цөөрөхөөс ч яахав. Хойч үе маань мах биш тариа будаа төмс ногоо л идэх нь дээ!

Avatar

Зочин 2021-12-28 103.212.119.155

1990 оноос өмнө малчид амьны малынхаа тоог дарж тоолуулдаг байсан. 90 оноос 2021 хүртэл банкнаас ахиухан зээл авахын тулд малынхаа тоог хий өсгөж тоолуулдаг болсон гэх. Гэтэл 2022 оноос малын хөлийн татвар авах болсон болохоор яах бол? Санал бодлоо хуваалцааж та минь.

Avatar

Баяраа ах нь 2021-12-28 66.181.182.165

Монгол улс малын тоогоор малчидын хөдөлмөрийн бүтээмжийг үнэлдэг нь Эдийн засгийн буруу тооцоо юм.Зах зээлд нийлүүлсэн бүтээгдэхүүнээр тооцдог загварт шилжих ёстой. ХААЯамыг татан буулгаж Хөдөө аж ахуйн Биржид үүрэг хариуцлагыг нь шилжүүлж, Малчдаа нийгэмшүүлмээр байна.Малчид эдийн засгийн хувьд балар Эртний сул иргэн шиг л байх юм.Малчидыг ХАА биржээр дамжуулжуулан цалинжуулж,бүтээгдэхүүний нийлүүлэлтээс нь суутган тооцдог болмоор. ХАА-д эдийн засаг, зохион байгуулалтын ямар ч тулах цэг алга.

Avatar

Зочин 2021-12-28 103.80.210.183

амаар нь тоолоод энэ байх даа. татвар өндөр болбол улам л тоо нь буурна

Avatar

Кса 2021-12-28 202.126.88.181

Малын хөлийн татвараас болоод малын тоо буурсан. Ган, зуд болоогүй, гадагш мал мах гаргахыг зогсоосон байхад тоо толгой буураад байгаа нь эргэлзээтэй. Монгол улс яг бодит байдал дээрээ 40 орчим сая малтай. Мянгат малчин болохын тулд аав ээж, хүүхэд, ах дүүсийнхээ малыг өөр дээрээ давхар тоолуулдаг. Бас банкнаас зээл авахад хэрэг болж магад гээд өсгөж тоолуулдаг. 60-70 сая малтай бол мах ийм өндөр үнэтэй байх уу?

Avatar

ханвув 2021-12-28 66.181.166.134

монгол мал давжаа биетэй, махны гарц муутай шүү дээ. бас үхэр маш цөөхөн. тийм учраас л малын тоо 70 саяд хүрсэн ч махны үнэ буурахгүй. ойлгосон уу, оркоо

NewsMN Гар утасны хувилбар Татах
NEWS.mn

Мэдээллийн эх сурвалж