Канадын “Prince Edward” арлаас АНУ руу дахин шинэхэн төмс экспортлохоор боллоо гэж тус улсын Хүнсний хяналтын газраас Баасан гаригт мэдэгдэв. Тус мужаас төмс татан авалт хийхийг арваннэгдүгээр сард зогсоосон. Учир нь сүүлийн 21 жилийн хугацаанд анх удаа буюу өнгөрсөн аравдугаар сард тус арлын хоёр ч фермээс төмсний мөөгөнцөр илэрсэн юм.

Энэ асудал дээр дорвитой арга хэмжээ авахгүй бол “Prince Edward” арлаас төмс импортлохоо бүрмөсөн зогсооно гэж АНУ мэдэгдээд байв. Үүнтэй холбогдуулан АНУ-аас үрийн төмсний талбайд бүхэлд нь мөөгөнцрийн шалгалт хийхийг шаардсан. Үрийн төмс экспортлож, дараа нь тарьж ургуулдаг учраас хэрвээ мөөгөнцөр байх аваас бусад бүх төмс мөөгөнцөртөх эрсдэлтэй юм.

Канадын Хүнсний хяналтын газраас бүрэн хэмжээний судалгаа, шинжилгээ хийхэд Оттавагийн зохицуулалтгүй тариалангийн талбайн үрийн төмсөөс мөөгөнцөр илрээгүй байна. Шинжилгээний дээжийг өнөөдөр АНУ-ын Амьтан, ургалмлын эрүүл мэндийн хяналтын албанд хүлээлгэн өгчээ.

Шинэхэн төмс экспортлох үйл ажиллагаагаа дахин сэргээхэд аливаа аюулгүй гэсэн баталгааг АНУ-д өгөх ёстой гэж Канадын Хүнсний хяналтын газраас мэдэгдэв. Мөн төмсний мөөгөнцөр нь ургацын хэмжээг бууруулдаг боловч хүний амь нас, эрүүл мэндэд сөрөг нөлөөгүйг мэдэгджээ. Харин АНУ-ын Амьтан, ургамлын эрүүл мэндийн хяналтын албанаас энэ талаар ямар нэг хариу ирээгүй байна.

“Prince Edward” арал дээр Канад улсын нийт ургацын 20 хувийг тарьж ургуулдаг бөгөөд жил бүр 781 сая ам.долларын ашиг улсдаа оруулдаг ажээ.

Эх сурвалж: REUTERS