3,415.19
Монгол Улсын хэмжээнд 2021 онд 12 дугаар анги төгсөгч 40618 шалгуулагч 10 хичээлээр Элсэлтийн Ерөнхий Шалгалт өгсөн. Үүнээс Нийслэлийн хамгийн их хүн ажиллаж, амьдардаг Баянзүрх дүүргээс 3028 сурагч Элсэлтийн Ерөнхий Шалгалт өгсөн байна. Шалгалтын үр дүнд Баянзүрх дүүргээс хамгийн өндөр оноог буюу 800 оноог авсан 30 гаруй сурагч авсан. Энэ үзүүлэлтээр Баянзүрх дүүрэг Улс, Нийслэлийн хэмжээнд 2 дугаарт шалгарчээ.
Тэгвэл Баянзүрх дүүргээс сонгогдсон УИХ-ын гишүүд болох Б.Саранчимэг, Э.Бат-Амгалан, дүүрэг орон нутгийн удирдлагууд дүүргийн шилдэг 8 сургуулийн удирдлагуудыг хүлээн авч, батламж гардуулан хүндэтгэл үзүүллээ.
Шилдэг 8 сургуулиас Оюунлаг сургууль нь улсын хэмжээнд нэгдүгээр байранд орсон бол Шинэ Монгол, Олонлог, Уудам Монгол, 33, 84, 14, 133 дугаар сургуулиуд элсэлтийн ерөнхий шалгалтын дундаж онооны үзүүлэлтээр дүүрэгтээ шилдгээр шалгарчээ.
Энэ үеэр ирэх онуудад боловсролын салбарт томоохон бүтээн байгуулалтын ажил хийгдэж, хүүхдэд ээлтэй сургалтын орчин бүрдүүлж, 3 ээлжээр хичээллэх явдлыг зогсооно гэдгийг УИХ-ын гишүүд хэлж, боловсролын салбараа үргэлж дэмжиж, уялдаа холбоотой ажиллахаа илэрхийллээ гэж Баянзүрх дүүргийн ИООНХХ-ээс мэдээллээ.
Холбоотой мэдээ