"Хөдөлгөөнд оролцож байсан автобусны хөдөлгүүрт гал гарсан" | News.MN

"Хөдөлгөөнд оролцож байсан автобусны хөдөлгүүрт гал гарсан"

"Хөдөлгөөнд оролцож байсан автобусны хөдөлгүүрт гал гарсан"

"Хөдөлгөөнд оролцож байсан автобусны хөдөлгүүрт гал гарсан"

Нийслэлийн Баянгол дүүргийн 20 дугаар хороо, Цамбагараваас Саппоро явах замд зорчигч тээвэрлэж явсан автобус шатжээ. Дуудлагын дагуу Сонгинохайрхан дүүргийн Онцгой байдлын хэлтсийн Гал түймэр унтраах, аврах 26 дугаар ангийн алба хаагчид очиход “Эрдэм Транс” ХХК-ийн “Нарангийн гол-Дүнжингарав” чиглэлийн Хюундэй загварын автобусны доод эд анги шатаж байжээ. Албан хаагчид галыг 10 минут ажиллан унтраасан байна. Тухайн үед зорчиж байсан хүмүүсийн хэлж байгаагаар хөдөлгүүрт гал гарч эхэлсэн байна. Тус автобусыг актлах эсэх нь одоогоор тодорхойгүй байгаа аж.

Нийслэлийн нийтийн тээвэрт өнөөдрийн байдлаар “Зорчигч тээвэр гурав” ОНӨААТҮГ, “Зорчигч тээврийн нэгтгэл” гэсэн нийслэлийн хөрөнгө оруулалттай хоёр компани, хувийн хэвшлийн 17 компанийн 960 гаруй автобус үйлчилгээнд явж байна. Эдгээрийн тал хувийг ирэх сард актад гаргахаар болсон ч ашиглалтын хугацааг нэг жилээр сунгажээ. Учир нь нийтийн тээврийн парк шинэчлэлтэд зарцуулах төсөв тодорхой батлагдаагүй байна.

Үйлчилгээнд явж буй 532 автобусны ашиглалтын хугацаа хэдхэн хоногийн дараа дуусах талаар албаныхан мэдээлсэн. Гэсэн ч эдийн засгийн боломжгүйн улмаас шинээр авч чадахгүй тул засварлаж, тоног төхөөрөмжийг нь сольж байгаа аж.

Ийнхүү засварлаж, ашиглах хугацааг сунгаж байгаа ч хөдөлгөөнд оролцож байхдаа эвдэрч, олон цагаар түгжрэл үүсгэх асуудал гарсаар байгааг Тээврийн цагдаагийн алба болон зорчигч тээврийн нэгдлүүдийн төлөөлөл хэлж байна. Актад гарах хугацаа нь болсон эдгээр автобусыг хэзээ шинэчлэх талаар Нийслэлийн нийтийн тээврийн газраас асуухад "Парк шинэчлэлтийн төсөв батлагдвал асуудалгүй" гэлээ.

Автобусыг хамгийн дээд тал нь 12 жил ашиглах хугацаатай байдаг ч Монголд заасан стандарт хугацааг хэтрүүлж ашигладаг нь нэг талаар ийнхүү замын хөдөлгөөнд оролцож байхдаа шатах эрсдэл дагуулж буй юм.

Энэ мэдээнд өгөх таны сэтгэгдэл?
3
ХарамсалтайХарамсалтай
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

2 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Saxilga 2021-12-22 103.11.193.202

Shatsan avtobusiig aktlax esex ni still todorxoigui naasn 🙁

Avatar

Зочин 2021-12-22 213.87.154.185

>>>>> Шилдэг тавтай морилно уу секс болзоо сайт — https://mysp.ac/50fjz

NewsMN Гар утасны хувилбар Татах
NEWS.mn

Мэдээллийн эх сурвалж