АНУ-ын дэд ерөнхийлөгч Камала Харрис өнгөрсөн амралтын өдрүүдийг Цагаан ордны баруун жигүүрт байрлах өрөөгөө чимэглэхэд зориулсан гэж ярьснаас болж шүүмжлэлд өртжээ. Зул сар, шинэ жилийн баярын уур амьсгал орж, тэргүүн хатагтай Цагаан ордны гацуураа хэдийнэ зассан. Харин дэд ерөнхийлөгчийг өрөөгөө чимэглэснийг шүүмжлэх хүмүүс түүнд улс оронд тулгараад байгаа олон чухал асуудалд анхаарлаа хандуулах ёстойг нь сануулжээ.

Түүнчлэн долоон догол мөр бүхий ярилцлагадаа тэрбээр өөрийн барьж буй бодлого, авч хэрэгжүүлж буй арга хэмжээгээ бус, уран зураг, гэр бүлийн зураг, тавилга хэрэгсэл, өрөөгөө хэрхэн чимэглэсэн талаар ярьсан аж. Мөн тэрбээр өөрийнх нь рейтинг унаж буй талаар асуусан сэтгүүлчийн асуултад хариулаагүй байна.

Эх сурвалж: RADAR ONLINE