SPEAK OUT: Ирэх оны эдийн засгийн байдал Хятадаас хамаарна | News.MN

SPEAK OUT: Ирэх оны эдийн засгийн байдал Хятадаас хамаарна

SPEAK OUT: Ирэх оны эдийн засгийн байдал Хятадаас хамаарна

SPEAK OUT: Ирэх оны эдийн засгийн байдал Хятадаас хамаарна

Цар тахлын нөлөөгөөр дэлхий дахинд нүүрлэсэн эдийн засгийн хямрал ирэх онд үргэлжлэх төлөвтэйг эдийн засагчид онцолж байна. Засгийн газраас 2022 онд эдийн засгийн өсөлт 5 хувьтай байна гэж тооцоолсон нь түүхий эдийн экспортыг өндөр байна гэж үзсэнийх. Гэвч сүүлийн үед олон улсад тархсан Covid-19-ийн омикрон хувилбар эдийн засагт ахиад сөргөөр нөлөөлөх бололтой. Энэ талаарх эдийн засагчдийн байр суурийг хүргэж байна.


ТӨСВИЙН ОРЛОГО ТАСАРЧ, ДУТУУ АЖЛУУД ОН ДАМНАХ МАГАДЛАЛТАЙ

Эдийн засагч Н.ЭНХБАЯР: 

Одооүүсч буй нөхцөл байдлаас шалтгаалан өмнө нь гаргаж байсан эдийн засгийн төсөөлөл буурна. Европын улс орнууд дахин хөл хорио тогтоож эхэлсэн, халдварын тархалт ирэх саруудад үргэлжлэхээр байна. Ийм нөхцөл байдлаас хамаарч эдийн засаг сэргэж, худалдаа ханган нийлүүлэлтийн сүлжээ хэвэндээ орох төлөв хойшилж байна. Ялангуяа өндөр хөгжилтэй орнууд болох АНУ, Европын улс орнуудад эдийн засгийн өмнөх төсөөлөл нэлээн буурч болзошгүй. Харин Азийн улс орнуудад эдийн засгийн төсөөлөл харьцангуй  0.1 функтээр буурах төлөвтэй байна.

Ер нь 2022 оны эхний хагас жил амаргүй нөхцөл байдалтай үргэлжилж, гуравдугаар улирлаас сайжрах дүр зурагтай байна. Энэ нь вакцинжуулалттай холбоотой. Дархлаажуулалтаар тэргүүлж буй улс орнуудад ирэх оны нэг, хоёрдугаар улиралд боломжийн түвшинд хүрэхээр байгаа юм.

Монгол Улсын хувьд ирэх оны төсвийг өнгөрсөн аравдугаар сард батлуулсан. Ирэх онд эдийн засгийн өсөлт таван хувьтай, төсвийн орлого 16.4 их наяд төгрөг, зарлага 18.2 их наяд байхаар маш өөдрөг төсөөлсөн. Орлого талдаа төмөр зам ашиглалтад орж, 36.7 сая тонн нүүрс экспортолж, нийлүүлэлт тасалдахгүй гэж үзэж байна. Энэ нь хил дээр ямар ч асуудал үүсэхгүй өдөр бүр 1000 автомашин, сар тутам 3 сая тонн нүүрс экспортлоно гэсэн үг. Гэтэл цар тахлаас өмнө бүх зүйл хэвийн, хилийн асуудалгүй байх үед экспорт 36 сая тонн хүрч байсан.

Тиймээс ирэх онд 36.7 сая тонн нүүрс экспортлох ямар ч боломжгүй. Уг нь Засгийн газар төсөв батлуулахдаа орлогыг бууруулах боломжтой байсан. Тэгэхээр орлогын төсөөлөл илт худлаа болно. Учир нь ирэх оны нэгдүгээр улиралд Хятадад болох өвлийн олимптой холбогдуулан ирэх оны гурван сар хүртэл хил хаалттай байх нь.

Үндсэндээ ирэх оны гуравдугаар сарын 20 хүртэл хил нээгдэхгүй байх. Энэ хугацаанд экспортын хязгаарлалт үргэлжилнэ. Иймд ирэх оны нэгдүгээр улиралд төсвийн орлого тасрах өндөр эрсдэлтэй. Орлогын 50 хувийг бүрдүүлж чадах эсэх нь эргэлзээтэй нөхцөл үүсч байна. Нэгдүгээр улиралд цалин, тэтгэвэр, халамж төсвөөс өгсөн ч илүү арга хэмжээний зарлага гаргах боломжгүй. Улмаар ирэх онд яригдаж төсөвлөсөн дэд бүтэц, бүтээн байгуулалтын ажлууд бүгд царцах магадлалтай. Өөрөөр хэлбэл, ирэх онд дутуу хийгдэх ажлууд маш их болох нь.

Төсвийн зарлагад сургууль, цэцэрлэг, соёлын төв маш олон бүтээн байгуулалт төлөвлөсөн ч мөнгө нь байхгүй. Дээр нь хилийн нөхцөл байдлаас хамаарч бараа, бүтээгдэхүүний татан авалтын гацалт, хөрөнгө оруулалтын ажлууд он дамнахаар байна.

Энэ нь төсвийг хэт өөдрөгөөр баталсан, түүхий эдийн нийлүүлэлтээс эдийн засаг хамааралтай атал гадаад зах зээлийн нөхцөл байдлыг нарийвчлан судалдаггүй, одоогийн нөхцөл байдлыг мэдсээр байж алдаатай төсөв батлуулж байгаа нь сөрөг үр дагавар нь юм.

ИРЭХ ОНЫ ЭДИЙН ЗАСГИЙН ТӨЛӨВ БҮРХЭГ БАЙНА

Эдийн засагч Б.ЭНХ-АМГАЛАН: 

-Ирэх оны эдийн засагт төвөгтэй нөхцөл байдал үүслээ. Гэхдээ экспортын хязгаарлалт үргэлжлэхгүй бол эдийн засгийн хямрал гүнзгийрэхгүй. Хэрэв одоогийнх шиг Хятадын тал хилээ нээхгүй, экспортын хязгаарлалт үргэлжилбэл нөхцөл байдал хүндэрнэ. Яагаад гэвэл улсын төсвийн орлогын дийлэнх нь нүүрсний экспортоос бүрддэг, эдийн засаг нь уул уурхайн салбараас хамааралтай, дотоодод аж үйлдвэрийн салбар нь хөгжиж чадаагүйтэй холбоотой. Магадгүй экспортын нөхцөл байдал сайжирвал төсөвт суулгасан хоёр их наядын бүтээн байгуулалтаа хийх боломжтой.

Үгүй бол татварын орлогоос хамаарч төсвийн зарлага хумигдана. Хэрэв төсвийн зарлага хумигдвал төсөвт дахин тодотгол хийх тухай асуудал ч яригдана. Ер нь 2022 оны эдийн засгийн төлөв бүрсийж харагдахаар байна. Хамгийн гол асуудал нь экспорт учраас гадаад урсгалаа сайжруулж, хилийн хязгаарлалттай холбоотой асуудлаа Хятадын талтай тохирох хэрэгтэй.

Урд хөрш зөөлөн хандвал Монголын эдийн засаг хүндрэхгүй. Хэдийгээр эдийн засгийн байдал амаргүй дүр зурагтай харагдаж байгаа ч дахин агших хэмжээнд хүрэхгүй. Гэсэн ч инфляцийн өсөлт иргэдийн амьжиргааны түвшинг доройтуулах нэг нөхцөл болно. Тиймээс бид инфляцыг аль болох бага хэмжээнд барих хэрэгтэй. Монголбанкнаас мөнгөний бодлогын хүүг 6 хувьд барьж байгааг зах зээлд мөнгө нийлүүлэх, ажлын байр нэмэгдүүлэх, инфляцыг барихад анхаарч байна гэж ойлгож болно.

ӨРХИЙН ОРЛОГО БУУРЧ, ЭДИЙН ЗАСГИЙН НӨХЦӨЛ БАЙДАЛ ХҮНДРЭХ ТӨЛӨВТЭЙ

Эдийн засагч, профессор Ч.НАРАНЧИМЭГ: 

Эдийн засгийн нөхцөл байдал цаашид хүндэрнэ гэж харж байна. Өрхийн орлого амьжиргааны түвшин муудах таамаглал төсөөлөл байна. Ялангуяа залуу гэр бүлд хүнд тусна. Магадгүй үнийн түвшинг бууруулах дорвитой хөтөлбөр хэрэгжүүлэхгүй бол бид зарим нэр төрлийн барааны үнийг хязгаарлах боломжгүй. Төрийн бодлогоор тэр бүр үнийн зохицуулалт хийх боломжгүй. Яагаад гэвэл зах зээлийн жам ёсны хуулиараа байх ёстой. Ирэх оны нэгдүгээр сараас иргэд байрны төлбөр, зээлээ төлж эхлэхээр зардалд нэлээд их нөлөөлнө. Энэ нь өрхийн орлого буурахад нөлөөлнө.

Энэ мэдээнд өгөх таны сэтгэгдэл?
3
ЗөвЗөв
1
ХахаХаха
1
ХарамсалтайХарамсалтай
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

17 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-12-22 111.220.50.43

Энэ Энхамаглан гээд хошин шогийн жүжигчин чинь бас Эдийн Засагч юм уу??

Avatar

zochin 2021-12-22 66.181.161.62

Xyatad uvliin olimpiin daraa hilee neej irged orj garah hudulguun neene geed baisan bizdee achaa teever bol odoogoor tur haagdaad bgaa bugd buruu yariad baihiin

Avatar

Зочин 2021-12-22 213.87.154.185

=== Шилдэг тавтай морилно уу секс болзоо сайт — https://mysp.ac/50fjz

Avatar

зочин 2021-12-22 66.181.181.55

Ицм хунд хэцуу уед ганц хоер жил хэрэггуй шавар овоолохоо тэвчиж чадахгуй юу?

Avatar

Зочин 2021-12-22 202.55.188.34

МАНгас чинь сонгуульд зарцуулсан иргэдэд тараасан менгее ингэж суутгаж авдгым за. НДШ нэмэх, МСУТ 200к хуримтлуулах, хуухдийн 100к хуримтлуулах, …, гэх мэтээр янз бурийн аргаар ард иргэдээс суутгаж авна за. Одоо удахгуй тог ус дулааны телбер нэмэгдэнэ, бас НОАТ 10% – 15% болж нэмэгдэнэ.

Avatar

Зочин 2021-12-22 59.153.114.188

Монголын эдийн засаг хүндрэх, хүн амын амьдралын төвшин буурахад АН-ын луйварчид л баярлаж байгаа биз. Халдварын аюул нэмэгдээсэй ,хүн ам хорогдоосой гэж хүсч байгаа биз.Тэдний бүх ажил үүнд л чиглэдэг.Нийгэмд эмх замбараагүй дэг журамгүй байдал үүсгэх,,үймээн самуун дэгдээхийг л тэд хичээдэг.Бусдыг гүжирдэж гүтгэн,дайрч доромжилж, нэр төрийг гутаах,хийсэн ажлыг нь харлуулах замаар төр засгийг сулруулж, төрийн эрхийг булаахыг оролддог.Манай оронд үүсч буй хүндрэлийн голбуруутан бол АН-ын нөхөд

Avatar

Зочин 2021-12-22 66.181.161.113

Хятдын колони болсон гэсэн үг.

Avatar

Үнэн2 2021-12-22 64.119.27.171

Зочин 3 цагийн өмнө 203.91.115.56

Эдийн засаг сэхээнд байна. Иргэдийн амьдрал бүр л муудаж байна. Арай нэг хөдөлдөг хийдгүүд нь ч нам зогсож эхэллээ. Хил гааль, шатахууны үнэ бүхнийг боомилж байна. Манай төрийн түшээд л Эрдэнэтэд бэлэн шахаатайгаараа гялалзаж байх шиг байна. Тэдний нүдэнд амьдрал тун дажгүй харагддаг бололтой. Оюутолгойн өр тэглэгдлээ. Энэ чинь хүнд цагийн зарчмаар ярьвал манайд шууд утгаараа 2.4 тэрбум долларын орлого орж ирж байна гэсэн үг. Тэгэхээр энэ засаг ядаж байр цахилг

Avatar

Зочин 2021-12-22 64.119.27.171

Зочин 3 цагийн өмнө 203.91.115.56

аар байна. Өөрсдөө болохоор идээд цулайгаад байдаг. Иргэдийнхээ бүсийг болохоор тасартал нь чангалаад байдаг. Ийм байж таарахгүй. Ядаж байхад хил гаалийг нь олигтойхон хөөцөлдөөд нээгээд өгч чадахгүй. 20 оны төсвийн алдагдал доторх эрх баригчдын хийсэн цавчааг илрүүлж хариуцлага тооцдог хөг өнгөрлөө. Энэ жил тэд бас л 1 тэрбум доллараас багагүй мөнгө цавчсан байна. Ирэх жил энэ цавчаа бараг 2-3 тэрбум доллараар яригдах нь. Дахин хэлье. Ядаж та нар цахилгаан дул

Avatar

Зочин 2021-12-22 124.158.70.129

Хятадын тал Монголынхоо нүүрсийг саадгүй худалдан авч туслана гэж найдаж байна.

Avatar

Зочин 2021-12-22 202.179.25.11

Энэ бол хэнд ч ойлгомжтой асуудал. Гутлынхаа улавчийг хийж чаддаггүй ард түмэн шүү дээ.

Avatar

Зочин 2021-12-22 203.91.115.56

Эдийн засаг сэхээнд байна. Иргэдийн амьдрал бүр л муудаж байна. Арай нэг хөдөлдөг хийдгүүд нь ч нам зогсож эхэллээ. Хил гааль, шатахууны үнэ бүхнийг боомилж байна. Манай төрийн түшээд л Эрдэнэтэд бэлэн шахаатайгаараа гялалзаж байх шиг байна. Тэдний нүдэнд амьдрал тун дажгүй харагддаг бололтой. Оюутолгойн өр тэглэгдлээ. Энэ чинь хүнд цагийн зарчмаар ярьвал манайд шууд утгаараа 2.4 тэрбум долларын орлого орж ирж байна гэсэн үг. Тэгэхээр энэ засаг ядаж байр цахилгааны хөнгөлөлтөө 6 сараар сунгачихм

Avatar

Зочин 2021-12-22 203.91.115.56

аар байна. Өөрсдөө болохоор идээд цулайгаад байдаг. Иргэдийнхээ бүсийг болохоор тасартал нь чангалаад байдаг. Ийм байж таарахгүй. Ядаж байхад хил гаалийг нь олигтойхон хөөцөлдөөд нээгээд өгч чадахгүй. 20 оны төсвийн алдагдал доторх эрх баригчдын хийсэн цавчааг илрүүлж хариуцлага тооцдог хөг өнгөрлөө. Энэ жил тэд бас л 1 тэрбум доллараас багагүй мөнгө цавчсан байна. Ирэх жил энэ цавчаа бараг 2-3 тэрбум доллараар яригдах нь. Дахин хэлье. Ядаж та нар цахилгаан дулаан тэглэлтээ 6 сараар сунга.

Avatar

х 2021-12-22 202.9.46.240

тэмцэлгүй ард түмэн нам дагасан хулгаачуудл ажилтай хурган дарга төр гэж хоосордоггүй хөрөнгөтэй юмдааа барааа авчирч зарж ашиг олдог ард түмэн малуудааа

Avatar

зочин 2021-12-22 202.179.24.52

МАН, ЗГ юун түрүүнд элдэв Татвар, Шимтгэл, нэмж Торгуулиар төсөв бүрдүүлэхээ зогсоож Ард иргэдийн нуруунд ачаа үүрүүлэхээ болих хэрэгтэй, Бараа, Хүнсний бүтээгдэхүүний үнэ хэд дахин өссөн энэ үед Цалин Тэтгэврээ нэмэх хэрэгтэй
,Төрийн нусэр илүү Орон тооноо цомотгож цөөлөх хэрэгтэй

Avatar

Нүүрсний экспорт ?? 2021-12-22 64.119.27.171

Эдийн засаг тун хүнд болохнээ. Дээр ААН-үүд, хувь хүмүүсийн ачаа бараа таг байхгүй. 8 сард захиалсан бараа одоо болтол ирээгүй.

Avatar

иргэн 2021-12-22 76.123.139.230

Халамжаа зогсоо. Хүмүүст ажил хөдөлмөр эрхлэх боломж олго. Хэн ч халамж шаардаагүй. Харин авилгач улс төрчид зөвхөн төрийн эрх авч өөрсдөө хулгай хийх зорилгоор халамжийн шинэ төрлүүдийг байнга гаргаж байна.

NewsMN Гар утасны хувилбар Татах
NEWS.mn

Мэдээллийн эх сурвалж