Хэрэв НАТО аюулгүй байдлын баталгааны саналыг хүлээн авахаас татгалзвал сөрөг заналхийллийг бий болгоно гэж ОХУ-ын гадаад харилцааны дэд сайд Александр Грушко Бямба гаригт “Соловьев” сувагт мэдэгдэв.

"Бид цэрэг-техникийн хувилбараас улс төрийн үйл явц руу шилжих талаар ярихад бэлэн гэдгээ тодорхой илэрхийлж байна. Евро-Атлантын далай, Евразийн бүс нутаг дахь бүх улсын аюулгүй байдлыг бэхжүүлэх болно" гэж хэлэв.  Тэрбээр "Хэрэв энэ нь бүтэхгүй бол бид тэдний эсрэг аюул заналхийллийг бий болгоход шилжинэ гэсэн дохио өгсөн боловч бид яагаад ийм шийдвэр гаргасан, яагаад эдгээр системийг байршуулсан талаар асуухад хэтэрхий оройтсон байх болно” гэв.

Европчууд Евроази тивийг цэргийн сөргөлдөөний талбар болгон хувиргах хэтийн төлөвийн талаар бодох ёстой гэж тэр нэмж дурдав.

ОХУ Баасан гаригт АНУ-тай  байгуулсан "Аюулгүй байдлын баталгаа", "ОХУ болон Умард Атлантын эвслийн гишүүн орнуудын аюулгүй байдлыг хангах арга хэмжээний тухай гэрээ"-ний төслийг нийтэллээ.  Арванхоёрдугаар сарын 15-нд ОХУ-ын ГХЯ-нд болсон уулзалтын үеэр саналуудыг АНУ-ын төлөөлөгчдөд гардуулсан байдаг.

ОХУ-ын ерөнхийлөгч Владимир Путин өмнө нь НАТО-д хандан Орост найдвартай, урт хугацааны аюулгүй байдлын баталгаа өгөхийн тулд бодитой яриа хэлэлцээ хийхийг уриалсан боловч барууныхан өмнө нь амласан амлалтаасаа буцсан гэж Путин хэллээ.

Кремлийн хэвлэлийн төлөөлөгч Дмитрий Песков хэлэхдээ, Кремлийн туслах Юрий Ушаков нь  Салливанд Орос улс аюулгүй байдлын баталгааны тухай хэлэлцээрийг нэн даруй эхлүүлэхэд бэлэн байна гэж мэдэгдэв.  Хэлэлцээнд ОХУ-ыг Гадаад хэргийн дэд сайд Сергей Рябков төлөөлөн оролцоно.

Эх сурвалж: Tass

Т.Исү