Бэлэг нэртэй хороос татгалзъя! | News.MN

Бэлэг нэртэй хороос татгалзъя!

Бэлэг нэртэй хороос татгалзъя!

Бэлэг нэртэй хороос татгалзъя!

Covid-19 халдварын  улмаас хоёр жил хөл хорионд шинэ оноо угтсан монголчууд энэ жил баяраа нижгэр тэмдэглэх шинжтэй. Албан байгууллагууд ганган ногоон гацуураа засч, том, жижиг гэлтгүй худалдааны төвөөр хүүхдийн бэлэг сурагласан хүмүүс олон. 

"Номин" супермаркет хүүхдэд зориулсан хайрцагтай бэлэг зарж байна. Ингэхдээ  гацуурхан, цасхан, санта багц гаргасан бөгөөд үнийн хувьд 17-26 мянган төгрөг.  Харин "Оргил" худалдааны төвд ууттай бэлэг зарж байна.  Уутан доторх бэлэгний тоо ширхэгээс хамаарч үнийн хувьд 4500-25000 мянган төгрөг. Хүүхдийн бэлгэнд ихэвчлэн төрөл бүрийн чихэр, чипс, цэлцэгнүүр, ундаа, шоколад зэрэг багтдаг.  Эдгээр нь бүгд сахарын агууламж өндөртэй учраас  хүүхдийн шүд цоорч, цаашлаад янз бүрийн өвчин үүсгэх эрсдэлтэй гэдгийг эмч, мэргэжилтнүүд анхааруулсаар ирсэн.  

Тухайлбал, улсын хэмжээнд 2-6 насны хүүхдийн 90 гаруй хувь нь шүдний цоорол, цоорлын хүндрэлээс шалтгаалсан идээт үрэвсэлтэй гэх албан бус тоо баримт бий.

"НЭГ ХҮҮХДИЙН 20 ШҮД БҮГД ЦООРОЛТТОЙ БАЙСАН"

“Эцэг эхчүүд хүүхдээсээ шинэ жилийн баярын  бэлгэнд ирсэн чихэр жимсийг нь харамлаж чадсангүй гэдэг. Нөгөө хэсэг нь хүүхдээ буруу эрхлүүлж чихэр, сахарын агууламжтай хүнсийг хяналтгүй өгчихөөд "өөрөө л идээд байсан" гэж хүүхдээ буруутгадаг гэдгийг “Oral Care” шүдний эмнэлгийн Ерөнхий эмч, АУ-ны магистр Б.Баярмаа хэлж байв.

Тэрбээр "Нэг хүүхдийн 20 шүд бүгд цооролттой, үүний 10 нь идээт үрэвсэлтэй тохиолдол байсан. Үнэхээр амьдралын боломж муутай айлын хүүхэд шүдээ эмчлүүлэх боломжгүйгээс болсон уу гэхээр бас тийм биш. Боломжийн амьдралтай айлын хүүхэд харагддаг. Тэгэхээр эцэг, эхчүүд хүүхэддээ тавих анхаарал сулраад ирэхээрээ хайр, халамжаа чихрээр орлуулдаг байх талтай" гэдгийг ч онцолсон.

НОМ, ОНЬСОН ТОГЛООМ СОНГОХ НЬ ЗӨВ

Мэргэжлийн хяналтын ерөнхий газрын Хүнсний аюулгүй байдал, хөдөө аж ахуйн хяналтын газрын дарга Т.Балжинням "Эцэг эхчүүд  хүүхэддээ бэлэг сонгохдоо эрүүл мэнд, аюулгүй байдлыг нь онцгой анхаарах хэрэгтэй. Юуны түрүүнд хүүхдийн бэлэгний сахарын агууламжийг харах нь зөв. Хүүхдийн бэлгэнд сахарын өндөр агууламжтай чихэр, жимсээс илүү ном, оньсон тоглоом, үндэсний үйлдвэрийн сүү, сүүн бүтээгдэхүүнийг сонгох нь илүү зөв сонголт.  Мэргэжлийн хяналтын байгууллага хяналт шалгалтын төлөвлөгөөгөө жилийн өмнө гаргадаг. Энэ дагуу арванхоёрдугаар сарын 1-ээс  шинэ жилийн урьдчилан сэргийлэх хяналт шалгалтыг улсын хэмжээнд  хийж эхэлсэн. Одоогоор  ямар нэгэн зөрчил илрээгүй байна. Өмнөх жилүүдэд  хадгалалтын хугацаа дуусах дөхсөн бүтээгдэхүүнийг хүүхдийн бэлгэнд боох, хаяг шошгийн зөрчилтэй байх зэрэг тохиолдол гарч байсан" гэлээ.

ТЭГВЭЛ БУСАД УЛС ОРНЫ ЭЦЭГ ЭЧХҮҮД ХҮҮХДЭДЭЭ ЯМАР БЭЛЭГ ӨГДӨГ ВЭ?

Австраличууд гэхэд зориулж авсан хувцас, гоёл чимэглэл бэлэглэхийг илүүд үзнэ. Үүнээс гадна шинэ жилээр хүүхэдтэйгээ хамт заавал ямар нэгэн үзвэр, урлагийн тоглолт үзнэ.

  • Англи: Өөрийн гараар хийсэн бэлэг өгнө. Түлхүүрийн оосор, утасны чимэглэл, анхилуун үнэртэй лаа, аяга таваг, бэлэг тэмдэг агуулсан дурсгалын зүйлс гээд сэтгэл зүрхээ бэлгэндээ шингээдэг.
  • Герман: Бэлэг бэлгийн дээд ном гэж үздэг. Тиймээс хүүхдүүдэд шинэ жилээр ном бэлэглэх нь түгээмэл. Үүнээс гадна гэр бүлээрээ аялалд явж, хамтдаа дурсамж бүтээдэг.
  • Франц: Чин сэтгэлийн үгтэй мэндчилгээ эсвэл дурсгалын зүйл бэлэглэнэ. Ингэхдээ өвлийн өвгөнөөс хүссэн хүүхдийнхээ дуртай тоглоомыг хариу захидлын хамт гацуурын доор үлдээнэ.
  • Япон: Ихэвчлэн хүүхдэд үндэсний уламжлалт чихмэл тоглоом бэлэглэдэг.
Энэ мэдээнд өгөх таны сэтгэгдэл?
9
ЗөвЗөв
2
ТэнэглэлТэнэглэл
1
ХөөрхөнХөөрхөн
0
ХахаХаха
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

9 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-12-17 202.179.21.219

1. Ганц өдөр идээд цоорохгүй. Олон шүд нь цоорхой хүүхдүүд байнга иддэг, идсэн ч шүдээ зайлдаггүй гэсэн үг. Эхлэд эцэг эх нь шүд бол одоогоор орлогчгүй насанд турш хэрэглэх эрхтэн гэдгийг ойлгох хэрэгтэй. Ганц сахар биш манайхан гурилан идэх зүйл их иддэг тул паалан цоорох бас нэг шалтгаан болдог. 2. Хүүхдээс санал асуухад үргэлж ууттай буюу амттантай бэлэг сонгодог. Мөнгө авах уу гэхэд хүртэл татгалздаг. 3. Ийм бэлэг өгөх болсон уламжлалын шалтгаан ядуурал ховор хомс байдалтай холбоотой.

Avatar

Зочин 2021-12-17 202.179.21.219

4. Бусад бэлэг нь үнэтэй байдаг. Жишээ нь нэг эмэгтэй нэг хүүхэлдэй худалдаж авахад л 60 000 төгрөг. Тэгэхээр олон хүүхэдтэй эсвэлс анхүүгийн боломжгүй айл мөнгө тусгайлж хураагаагүй л бол хүүхэд бүрт тийм бэлэг авч өгөх боломжгүй тул ууттай амттан авна.

Avatar

Зочин 2021-12-17 202.179.21.219

Ном авах гэхээр чанар нь маш муудсан, Аль нь сайныг ядаж зөв бишгийн эсвэл хэвлэлийн алдаагүй болохыг мэдэх мэдээлэл байдаггүй. Монголд бол ном авах маш хэцүү, хүний үгэнд ч найдаж болохгүй. Учир нь олон удаа дүрэм өөрчилсөөр үе үеийнхэн өөр өөр ойлголттой тул нөгөөгийнхөө үгэнд найдаж болохгүй. Заавал өөрөө уншиж сонгох гэхээр цаг байхгүй. Хамгийн чанаргүй бүтээл Монголд бол ном. Зүгээр захын ном дэлгэж үзээд шидмээр санагддаг.

Avatar

Зочин 2021-12-17 202.179.21.219

Шинэ оноор бэлэг өгдөггүй. Есүсийн төрсөн өдрөөр л бэлэг өгдөг. Шинэ оны заагаар аялдаггүй эсрэгээрээ гэртээ байж манайхан яг Цагаан сарын битүүнээр юу хийдэг вэ тэрийг хийдэг. Гэр орноо цэвэрлэдэг. Хүүхдүүдэд бэлэг өгдөг өдрүүд нь орон орноосоо шалтгаалж өөр өөр өдөр байдаг.

Avatar

Зочин 2021-12-17 213.87.131.171

*** Шилдэг тавтай морилно уу секс болзоо сайт — https://mysp.ac/50fjz

Avatar

Чимэг-очир 2021-12-17 202.21.98.34

хүй нэгдлийн сэтгэхүйгээсээ салмаар л байна аа

Avatar

Зочин 2021-12-17 202.126.88.228

ГАДНЫХАН МОНГОЛЧУУДЫГ ИХ ГАЙХДАГ ЮМ…БАЯР БОЛОХОР Л ХҮҮХДҮҮДДЭЭ ТОР ДҮҮРЭН ЧИХЭР ӨГНӨ, ӨӨРСДӨӨ ТОГОС ШИГ ГОЁЖ АВААД ШИНЭ ЖИЛДСЭН НЭРТЭЙ ГАНЦ ОРОЙ САВААД ОРЖ ИРДЭГИЙГ….

Avatar

Монголын дэлгүүрүүд хүүхдийн төлөө сэтгэлгүй 2021-12-17 59.153.114.131

Хугацаа нь дуусах гэж байгаа чихэр чипс гээд бүх хор болох шахсан лангууны хогоо бэлэг болгож боогоод өндөр үнээр зардаг. Хүмүүсээ энэ сэтгэлгүй муухай бэлгийг нь хүүхдүүддээ битгий аваарай !!!

Avatar

Зочин 2021-12-17 202.179.21.219

Өөр бэлэг авбал чөлөөтэй. Зарим хүмүүс өөр бэлэг аваад өөрөө боогоод өгдөг. харин Монголд бэлгийн цаасны асуудал их байдаг. Гоё гоё боочихоор хямд цаас байдаггүй. Бусад оронд захын дэлгүүрт байдаг эд, зарим дэлгүүр худалдан авагчдаа бэлгэнд авсан бараагаа өөрөө бооход зориулж булан ширээ гаргасан байдаг.

NewsMN Гар утасны хувилбар Татах
NEWS.mn

Мэдээллийн эх сурвалж