Шадар сайд С.Амарсайхан Газпром-ын удирдлагуудтай уулзлаа | News.MN

Шадар сайд С.Амарсайхан Газпром-ын удирдлагуудтай уулзлаа

Шадар сайд С.Амарсайхан Газпром-ын удирдлагуудтай уулзлаа

Шадар сайд С.Амарсайхан Газпром-ын удирдлагуудтай уулзлаа

Монгол Улсын Ерөнхийлөгч Ухнаагийн Хүрэлсүх ОХУ-д албан ёсны айлчлал хийж байна. Айлчлалын бүрэлдэхүүнд дагалдан яваа Монгол Улсын Шадар сайд С.Амарсайхан болон Ерөнхийлөгчийн Тамгын газрын дарга Я.Содбаатар нарыг ОХУ-ын "Газпром" НХН-ийн ТУЗ-ийн орлогч дарга Бурмистрова Елена Викторовна, Маркелов Виталий Анатольевич, Ганкевич Мария Александровна тэргүүтэй албаны төлөөлөл өнөөдөр (2021 оны 12 дугаар сарын 16) хүлээн авч уулзлаа.

Уулзалтын эхэнд Шадар сайд С.Амарсайхан хоёр орны хооронд дипломат харилцаа тогтоосны түүхт 100 жилийн ойгоор дараагийн 100 жилийн хөгжлийн түүхийг бүтээх нэгэн том төсөл болох Монгол Улсын нутаг дэвсгэрээр дамжуулан ОХУ-аас БНХАУ руу байгалийн хий дамжуулах хоолой барих төслийн ажил цар тахлын хүнд хэцүү нөхцөл байдлаас үл хамааран Хамтарсан ажлын хэсгийн төлөвлөгөөний дагуу эрчимтэй урагшилж буйд сэтгэл хангалуун байгаагаа илэрхийлэв.

Өнгөрөгч аравдугаар сард уулзахад хэлэлцэж тохирсончлон Монгол Улсын Төрийн тэргүүний айлчлалаас өмнө Байгалийн хийн хоолой барих төслийн ТЭЗҮ боловсруулах ажлыг эцэслэнэ гэсэн зорилтдоо хүрсэн учраас дараагийн хэлэлцээр болон бусад баримт бичгийн төслүүдийг боловсруулах ажлыг ойрын хугацаанд эхлүүлэх нь зүйтэй гэдэг дээр талууд санал нэгдэв.

Энэ үеэр Ерөнхийлөгчийн Тамгын газрын дарга Я.Содбаатар "Энэхүү төсөл нь манай хоёр орны “Иж бүрэн стратегийн түншлэлийн харилцаа”-г баяжуулан өргөжүүлэхэд чухал ач холбогдолтой бөгөөд хоёр улсын төр засгийн түвшинд, ялангуяа Төрийн тэргүүнүүд өндөр ач холбогдол өгч, дэмжин ажиллаж буйд талархалтай байна" хэмээн онцолсон юм.

Шадар сайдын зүгээс Байгалийн хийн хоолойн бүтээн байгуулалтад шаардлагатай мэргэжилтнүүдийг дотооддоо болон ОХУ-д бэлтгэх, сургах асуудлаар хамтран ажиллах хүсэлтэй байгаагаа энэ үеэр илэрхийлэв.

"Гадаад харилцааны сайд Б.Батцэцэг “Газпром” НХН-ийн Захирлуудын зөвлөлийн дарга, ТУЗ-ийн дарга А.Б.Миллэртэй өнгөрсөн тавдугаар сард хийсэн уулзалтын үеэр Монгол Улсын олон улсын стандартын шаардлага хангасан ноос, ноолуур, арьс, шир, нэхий болон махан брэнд бүтээгдэхүүнийг “Газпром”-ын хэрэгцээнд нийлүүлэх санал дэвшүүлсэн.

уулзалтын төгсгөлд Шадар сайд "Энэ асуудлыг ажил хэрэг болгохоор Монголын талаас эхний ээлжинд нийлүүлэх боломжтой бараа, бүтээгдэхүүний танилцуулга, үнийн саналыг А.В.Маркелов даргын ажлын албанд хүргүүлсэн. Танай талаас авах боломжтой бараа, бүтээгдэхүүний мэдээллээ ойрын хугацаанд эцэслэж өгвөл дараа дараагийн худалдаа үйлдвэрлэл нэмэгдэнэ гэж найдаж байна" хэмээн хэллээ.

Энэ мэдээнд өгөх таны сэтгэгдэл?
6
ЗөвЗөв
1
ХахаХаха
1
ТэнэглэлТэнэглэл
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

ЕВРО -5 2021-12-16 66.181.161.90

одоо чанартай түлш,бензинээ оруулж ирээчээ.цаадуул чинь импортлогч нарын өгсөн үнэнд нь таарсан л юм явуулаад байна ш дээ .үнэтэй ч гэсэн ЕВРО-5 стандарт хангасан шатахуунаа авбал үнэ өсөх нэг их хамаарал болохгүй харин ч хэрэглэгчдийн хүүсэн үр дүнд хүрэх алхам болно доо…

Avatar

Зочин 2021-12-16 64.119.16.58

Улсаа өөрсдөө аваад явах ухаангүй малнууд гээд шоолж байгаа биз!Ши жин Пинтэй цахим хийгээд наадуул чинь юу гуйж ирэхийг нь надад хэлээрэй гэсэн байх!

Avatar

Рэ 2021-12-16 150.129.143.209

Наад мэдээ чинь 2 талын уулзалтын тухай мэт, гэтэл? Орос гаазан ноёд хатагтай түшмэлүүд ган хийгээгүйг бодоход манай 2 хашааны гаднаас гуйлга гуйгаад хаалга нүдэж нүдэж буудалруугаа буцаж дээ?!

Avatar

Зочин 2021-12-16 202.131.225.197

gazprom-d nehii nooluur yamar hamaa bainaa???

Avatar

Зочин 2021-12-16 192.82.76.162

Эсгий хийх газар нохой хэрэггүй гэж,энд Содбаатар ямар ч хамаагүй байх аа.

Avatar

Зочин 2021-12-16 213.87.155.224

!!!! Шилдэг тавтай морилно уу секс болзоо сайт — https://mysp.ac/50fjz

Avatar

Зочин 2021-12-16 192.82.76.162

Содбаатар энд ямар ч хамаагүй хүн байтлаа энэ уулзалтанд яах гэж оролцсон юм бэ. Уулвал тэр ОХУ-ын Ерөнхийлөгчийн Тамгын газрын даргатай л уулздаг юм байгаа биз. Тэр нь ч тоож уулзахгүй байх. Шал дэмий нөхөр Ерөнхийлөгчийн айлчлалын бүрэлдэхүүнд явж байна ш дээ. Орос хэл гэж юу ч байхгүй,нойлын ногоон тэг.

NewsMN Гар утасны хувилбар Татах
NEWS.mn

Мэдээллийн эх сурвалж