Н.Учрал: Монгол Улс кибер аюулгүй байдлаа хамгаалах боломж бүрдлээ | News.MN

Н.Учрал: Монгол Улс кибер аюулгүй байдлаа хамгаалах боломж бүрдлээ

Н.Учрал: Монгол Улс кибер аюулгүй байдлаа хамгаалах боломж бүрдлээ

Н.Учрал: Монгол Улс кибер аюулгүй байдлаа хамгаалах боломж бүрдлээ

Өнөөдрийн Улсын Их Хурлын чуулганы нэгдсэн хуралдаанаар “Кибер аюулгүй байдлын тухай хууль”-ийн төслийн эцсийн хэлэлцүүлгийг хийлээ. Монгол Улс өнөөдрийг хүртэл Кибер аюулгүй байдлаа хамгаалах, аливаа эрсдэл, халдлагаас урьдчилан сэргийлэх, халдлага үйлдэгдсэн тохиолдолд хариу арга хэмжээ авах тогтолцоо бүрдээгүй хэвээр байсан. Тагнуулын Ерөнхий газар, Үндэсний аюулгүй байдлын зөвлөл, Батлан хамгаалах яам зэрэг энэ чиглэлийн байгууллагуудад тус тусдаа бие даасан бүтэц, нэгжүүд байснаас биш Үндэсний тогтолцоо өнөөдрийг хүртэл бүрдээгүй байсан нь олон эрсдэл дагуулж байна.

Орчин үед олон улс хоорондын сөргөлдөөн, дайн, үндэсний аюулгүй байдлын асуудал цэрэг зэвсгээр бус цахим орчин, кибер хэлбэрээр явагддаг болсон гэхэд хилсдэхгүй. Тиймээс энэ чиглэлд онцгойлон анхаарч хууль эрх зүйн орчныг бүрдүүлэх, тогтолцоогоо тодорхой болгох нэн чухал шаардлага үүсээд байсан юм.

Монгол Улсын Засгийн газраас өнгөрсөн зун өргөн мэдүүлсэн “Кибер аюулгүй байдлын тухай анхдагч хуулийн төсөл”-ийг Улсын Их хурлаас хэлэлцэж, өнөөдөр эцсийн хэлэлцүүлгийг хийлээ. Тус хуулийн төслийн ажлын хэсгийн ахлагч Н.Учрал: “Энэ хууль бол анхдагч хууль. Өөрөөр хэлбэл өнөөдрийг хүртэл тогтолцоо болоод эрх зүйн орчин нь тодорхойгүй байсан Кибер аюулгүй байдлын асуудал ийнхүү тодорхой зохицуулалт болоод тогтолцоотой боллоо. Энэ бол маш том дэвшил. Мэдээллийн аюулгүй байдал бол улс орнуудын хувьд Үндэсний аюулгүй байдлын чухал бүрдэл хэсэг гэж үздэг. Мэдээллээ алдвал бүгдийг алдана. Мэдээлэл бол орчин үед улс орны хамгийн том баялаг болчихоод байна. Тиймээс энэ батлан гаргах гэж буй хууль бол маш том дэвшил, маш том үр өгөөж бүхий нэн чухал хууль. Цаашдаа Монгол Улс кибер аюулгүй байдлаа хамгаалах, халдлагаас сэргийлэх, сөрөг арга хэмжээ авах эрх зүйн болоод тогтолцоо, бүтцээ тодорхой болголоо” гэсэн юм.

Энэ мэдээнд өгөх таны сэтгэгдэл?
2
ЗөвЗөв
1
ТэнэглэлТэнэглэл
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

2 сэтгэгдэл

News.mn сайтад сэтгэгдэл оруулахад анхаарах зүйлс

Avatar

/*-*/ 2021-12-16 49.0.178.107

Энэ бид 2-ын IT мэддэг гэж юу ч вэ дээ, 'Чингис Хаан судлаач-Чингис зүйч' хүн шүү дээ. МАН-ыг дагавал ам тосдоно гэж л энэ байх даа

Avatar

зочин 2021-12-16 43.228.130.188

за ямар ч байсан хэрэгтэй асуудал, харин хамгаалах асуудал, үүрэг, бүрэн эрх, IT-компаниуд, мэдээлэл цуглуулсан байгууллага болон хянах байгууллагуудын хариуцлага тодорхой байх хэрэгтэй шүү, анхаарна их олон зүйл бий

NewsMN Гар утасны хувилбар Татах
NEWS.mn

Мэдээллийн эх сурвалж