Дэлхийн олон оронд шинэ жилийн баяраар “Цөмөөхэй” бүжгэн жүжгээр бэлэг барьдаг. Энэ уламжлал Монголд тогтоод багагүй хугацаа өнгөрчээ. Уг бүжгэн жүжгийг Монгол Улсын гавьяат жүжигчин Д.Алтанхуяг Монголынхоо үзэгчдэд долоо дахь жилдээ хүргэхээр зорьж буй юм. Тэрбээр өнөөдөр (2021.12.16) Дуурь, бүжгийн эрдмийн театрын гоцлооч болох Соёлын элч О.Анужин, А.Эрдэнэболд, М.Нандинцэцэг, Д.Нацагдорж, А.Тэмүүлэн нартай хамтран "Цөмөөхэй" балетын талаар хэвлэлийн бага хурал хийлээ.

Тэд цар тахлын үед "Цөмөөхэй" балет тоглож, уламжлал ёсоор үзэгч олонд хүргэж байгаадаа баяртай буйгаа илэрхийлээд, халдвар хамгааллын дэглэмээ баримтлан, нийт таван тоглолт зохион байгуулахаа мэдэгдлээ. Энэ жилийн тоглолт энэ Бямба гаригт буюу арванхоёрдугаар сарын 18-нд 17:00 цагт эхлэх юм байна.