АНУ-аас 60 сая ам.долларын аюулгүй байдлын тусламж үзүүлэх хүрээнд Украинд өчигдөр зэвсэг, сум нийлүүлсэн талаар тус улсын төрийн департментаас мэдээллээ. Энэхүү тусламжийн сүүлчийн хэсгийг ирэх оны эхээр хүргэхээр төлөвлөсөн бөгөөд дөрвөн ширхэг радарын төхөөрөмж нийлүүлэх аж.

АНУ-ын ерөнхийлөгч Жо Байден өнгөрсөн есдүгээр сарын 1-нд Украины төрийн тэргүүн Владимир Зеленскийг Цагаан ордонд хүлээн авч уулзах үеэрээ энэхүү тусламжийг баталсан юм. Пентагоны төлөөлөгч Жон Кирбийн мэдээлснээр АНУ-аас Украины аюулгүй байдлыг хамгаалах зорилгоор Жавелин танк эсэргүүцэгч зэрэг тулааны зэвсгүүдийг нийлүүлнэ гэж мэдэгдсэн.