Эмэгтэй тамирчдыг дэмжих бизнесийн хөтөлбөрт О.Хулан багтав

Хуучирсан мэдээ: 2021.12.10-нд нийтлэгдсэн

Эмэгтэй тамирчдыг дэмжих бизнесийн хөтөлбөрт О.Хулан багтав

Эмэгтэй тамирчдыг дэмжих бизнесийн хөтөлбөрт О.Хулан багтав

Олон улсын аудитын “Ernst and Young” байгууллагаас санаачлан хэрэгжүүлж буй эмэгтэй тамирчдыг дэмжих "Women Athletes Business Network" хөтөлбөрт 3х3 сагсан бөмбөгийн тамирчин, “Токио-2020” олимпийн Монголын багийн тугч Онолбаатарын Хулан хамрагдахаар боллоо.

ОУОХ-ны гишүүн, МҮОХ-ны тэргүүн дэд ерөнхийлөгч, Монголын багийн ахлагч Б.Баттүшиг “Токио-2020” олимпод оролцсон эмэгтэй тамирчидтай ярилцсаны үндсэн дээр О.Хуланг сонгосон. Манай тамирчин хөтөлбөрт тэнцсэн болохыг баталгаажуулсан албан бичиг өнөөдөр (2021.12.10) ирсэн байна.

Энэхүү хөтөлбөр нь 2022 оны 1-11 дүгээр сар хүртэл арван сарын турш үргэлжлэх бөгөөд тамирчид спортын замналаа өндөрлүүлсний дараа бизнесийн салбарт амжилттай хөл тавихад туслах зорилготой.

Хөтөлбөрийн хүрээнд тухайн тамирчны бизнесийн мэдлэг, ур чадварыг сайжруулах, энэ салбарын нэр алдартай хүмүүсийн хүрээлэлд орох үүд хаалгыг нээх, цаашдын карьераа төлөвлөх, амьдрал дээр тулгарах аливаа асуудлыг шийдвэрлэхэд туслах зэрэг олон төрлийн сургалт, хичээлд хамрагдана.

Улмаар хөтөлбөрт хамрагдсан тамирчид гуравдугаар сард АНУ дахь "Nike" компанийн байранд зочилж, эмэгтэй тамирчдын бизнесийн сүлжээ уулзалтад оролцох юм.

О.Хулангийн хувьд Австралид суралцаж байсан, англи хэлний өндөр мэдлэгтэй нь энэхүү хөтөлбөрт хамрагдахад нөлөөлжээ. МҮОХ-ноос эмэгтэй тамирчдаа тус хөтөлбөрт тогтмол хамруулахыг зорьж байна.

Энэ мэдээнд өгөх таны сэтгэгдэл?
7
ЗөвЗөв
4
ТэнэглэлТэнэглэл
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

NewsMN Гар утасны хувилбар Татах
NEWS.mn

Мэдээллийн эх сурвалж