Германы Гадаад хэргийн сайд Пүрэв гаригт "Орос улс хөрш Украины эсрэг милитарист алхам хийвэл улс төр, эдийн засгийн өндөр үнэ" төлнө гэж анхаарууллаа. Украины хилийн ойролцоо цэргээ цуглуулсан Орос дайсагнасан хөршүүдтэй харьцахдаа Европын нэгдсэн байр суурийг зохицуулах шаардлагатайг Гадаад хэргийн сайд Анналена Баербок онцолжээ.

“Украины нутаг дэвсгэрийн бүрэн бүтэн байдал, бүрэн эрхт байдлын тухай яриа хэлэлцээ хийх боломжгүй" гэж Баербок албан тушаалаа авснаас хойш нэг өдрийн дараа Парист анхны гадаад айлчлалаа хийх үеэрээ хэлэв. Цэргийн хурцадмал байдлаас зайлсхийх нь хамгийн чухал зүйл гэж тэр нэмж өгүүлжээ.

“Украины төрийн эрхийг дахин зөрчсөнийхөө төлөө Орос улс улс төр, эдийн засгийн өндөр төлбөр төлөх болно" гэж Баербок Францын Европ, Гадаад хэргийн сайд Жан-Ив Ле Дриантай хамт хэвлэлийн бага хурлын үеэр сэтгүүлчдэд мэдэгдэв. "Бид зөвхөн дипломат замаар шийдлийг олж чадна” гэжээ.

ОХУ-ын Ерөнхийлөгч Владимир Путин Пүрэв гаригт Ангела Меркельтэй утсаар ярихдаа одоо тэтгэвэртээ байгаа Германы канцлерт олон жил үр бүтээлтэй хамтран ажилласанд талархал илэрхийлэв.

В.Путин Меркелийг 16 жил удирдахдаа “Орос-Германы харилцааг хөгжүүлэхэд чухал хувь нэмэр оруулсан” гэдгийг онцлоод, түүнийг Орост үргэлж баяртайгаар хүлээж авах болно гэжээ.Меркель хариуд нь Путинд Германы шинэ канцлер Олаф Шольцтой “яриа хэлэлцээр байгуулахад” амжилт хүслээ.

Эх сурвалж: ABC NEWS
Т.ИСҮ