Хонгконгийн шүүх 1989 онд Бээжин Тяньаньмэний талбай болон эргэн тойронд жагсагчдыг дарж байсныг сануулж, өнгөрсөн оны зургадугаар сарын 4-нд зөвшөөрөлгүй цуглаан зохион байгуулсан хэргээр ардчиллын төлөөх гурван нэрт зүтгэлтэн болох Жимми Лай, Чоу Хантунг, Гвинет Хо нарыг Пүрэв гаригт гэм буруутайд тооцжээ.

Хонгконг 1997 онд Хятадын эрхшээлд буцаж орсноор эрх чөлөөний амлалт авсан. Жил бүрийн зургадугаар сарын 4-ний өдөр дэлхийн хамгийн том жагсаалыг зохион байгуулдаг боловч өнгөрсөн жил цагдаа нар зөвшөөрөл олгоогүй байна.

Хэвлэл мэдээллийн магнат Жимми Лай, өмгөөлөгч Чоу Хантунг болон сөрөг хүчний улстөрч асан Гвинет Хо нарын эсрэг гаргасан шийдвэр Бээжин Үндэсний аюулгүй байдлын тухай хууль хэрэгжүүлснээс хойш олон тооны идэвхтэн баривчлагдаж, шоронд хоригдож, оргон зугтсан нь ардчиллын хөдөлгөөнд хамгийн сүүлийн цохилт боллоо.

Лай, Чоу, Хо нар 2020 оны зургадугаар сарын 4-ний өдөр болсон цуглаантай холбоотой хэргүүдэд өөрсдийгөө буруугүй гэж мэдэгджээ. Прокурорууд Лай, Чоу нар бусдыг жагсаалд  оролцохыг өдөөн турхирсан гэдгийг "хөдөлбөргүй нотолж чадсан" гэж дүүргийн шүүгч Аманда Вүкок шийдвэртээ бичжээ. Чоуг хүмүүсийг Хонгконг даяар, тэр дундаа Виктория цэцэрлэгт хүрээлэнгийн талбайд "лаа асаах"-ыг уриалж, өдөөн турхирсан гэж үзсэн байна.

Лай цэцэрлэгт хүрээлэнд 15 минут өнгөрөөснөөр гэм буруутайд тооцогдсон байна. Вудкокийн хэлснээр, тэрбээр үг хэлээгүй ч "Дараа нь болох зөвшөөрөлгүй цуглааныг дэмжих, олон нийтийн анхаарлыг татах зорилгоор зориуд хийсэн үйлдэл юм" гэжээ.

Хог цуглаанд оролцсоноор гэм буруутайд тооцжээ. Шүүх хурлын үеэр Хятад дахь эх оронч ардчилсан хөдөлгөөнийг дэмждэг Хонгконгийн эвслийн удирдагч асан Чоу "Тэдний эрх, эрх чөлөө" хэмээн жил бүрийн цуглааны талаар хэлж байв.

Шүүлтийн дагуу цагдаа нар тус цуглааныг хориглосон нь Covid-19-ийн тархалтыг хумих зорилготой байсан гэжээ. Цуглааныг зохион байгуулагчдын шийтгэлийг арванхоёрдугаар сарын 13-ний өдөр зарлана.

Шүүмжлэгчид, тэр дундаа АНУ-ын засгийн газар энэ хуулийг хотын эрх чөлөөг хумих, эсэргүүцэгчдийг дарах хэрэгсэл болгон ашигласан гэж үзэж байгаа ч Бээжин санхүүгийн төвд тогтвортой байдал, дэг журам авчирсан гэж үзэж байна.

Эх сурвалж: REUTERS
Т.ИСҮ