ЧУУЛГАН: Төр УЦС-ын асуудалд төмөр нүүрээ үзүүлэх ёстой | News.MN

ЧУУЛГАН: Төр УЦС-ын асуудалд төмөр нүүрээ үзүүлэх ёстой

LiveЧУУЛГАН: Төр УЦС-ын асуудалд төмөр нүүрээ үзүүлэх ёстой

16 : 22
2021-12-10

"Импортын эрчим хүчний үнэ Эрдэнэбүрэнгийнхээс 5-6 дахин өндөр"

Чуулганы хуралдаан үргэлжилж байна. 

УИХ-ын гишүүн С.Бямбацогт:

-9.7 тэрбум төгрөгөөс хэд нь өрхүүдэд хуваарилах юм. Ойролцоо баримжаа тоо байх ёстой. Энэ дээр үнэлгээ хийсэн компаниуд тоогоо хэл. Өмнөговь сумын Иргэдийн хурал Эрдэнэбүрэнгийн УЦС-ыг зогсоох шийдвэр гаргасан байна лээ. Энэ шийдвэр эрх зүйн хувьд чадамжтай юу. Төрийн бодлогыг орон нутагт хэрэгжүүлэх үүрэгтэй хүмүүс шиг санагдах юм. Буруу шийдвэр гаргасан хүмүүст ямар хариуцлага хүлээлгэх ёстой вэ? Төр Эрдэнэбүрэнгийн УЦС-ын асуудалд төмөр нүүрээ үзүүлэх ёстой. Сумын Иргэдийн хурал дураараа шийдвэр гаргах эрх байхгүй. Хуулийн ямар заалтаар хариуцлага хүлээлгэж болох вэ?

Байгаль орчны сайд Н.Уртнасан:

-Засаг захиргаа, нутаг дэвсгэрийн тухай хуулиараа сумын иргэдийн хурлын төлөөлөгчдийн тогтоолыг Аймгийн ИТХ-ын хурлаар авч хэлэлцэж, тодорхой шийдвэр гаргах боломжтой. Одоо мөрдөгдөж буй Байгаль орчинд хийх үнэлгээний тухай хуулиар олон нийтийн оролцоог хангах, бусад хуульд заасан эрхээ хэрэгжүүлэх нөхцөлийг хангахаар тусгасан. Багийн иргэдийн нийтийн хурал сумын иргэдийн нийтийн хурлаас байгаль орчны нарийвчилсан үнэлгээний тайланг хэлэлцэх, улс орны томоохон бүтээн байгуулалтын төслийг хэрэгжүүлэх эсэх талаар бие даан шийдвэр гаргах боломжгүй гэсэн хуулийн үндэслэлийг мэргэжилтнүүд тайлбарлаж буй.

Байгаль орчин, нийгмийн нөлөөний үнэлгээний судалгааны багийн ахлагч, усны инженер н.Сособарам:

-Хоёр жил орчим энэ төслийн судалгаанд байгаль орчин болоод нийгмийн нөлөөллийн судалгаанд ажилласан. Орон нутагт дөрвөн удаа явж ажилласан. Түүний дунд хамгийн нөлөөлөлд өртөж буй нь Баян-Өлгий аймгийн Баяннуур сум, Увс аймгийн Өмнөговь сумын 270 айлаар орж уулзсан. Газрын тухай хуульд заасны дагуу тухайн өрхийн тэргүүнүүдтэй харилцан тохиролцоод, нөхөн олговрын асуудлаар санал солилцоход бүгд дэмжсэн. Дараа нь уулзалт болоход бүгд эсэргүүцсэн.

УИХ-ын гишүүн Б.Баттөмөр:

-90 мегаваттын УЦС барихыг дэмжиж байна. Ардчилалд шилжсэн 30 жилийн хугацаанд эрчим хүчний салбарт хийгдсэн томоохон бүтээн байгуулалтын ажил. Баруун бүсийн таван аймагт 390 мянган хүн ажиллаж амьдардаг. Баруун бүс хэрэглээний 70 хувийг ОХУ, БНХАУ-аас импортоор авдаг. Импортоор авч буй эрчим хүчний үнэ Эрдэнэбүрэнгийн УЦС-аас 5-6 дахин өндөр үнэтэй байна. Татаас гэхэд 6-8 тэрбум төгрөгийг жил бүр олгодог. Баруун бүс дотогшоо урсгалтай арвин нөөцтэй, тиймээс тооцож энэ ажлыг хийх ёстой.

Эрдэнэбүрэнг барих нь Монгол Улсын том эрх ашигт нийцнэ. Энэ төслийн гол бүтээгдэхүүн нь ус. Тэгэхээр Ховд голын урсац ямар байх вэ.

УИХ-ын гишүүн Х.Булгантуяа:
 
-Бид энэ төслийг дэмжээд байгаа юм. Иргэд олон нийтэд зөв мэдээлэл өгөхийн төлөө тодруулж байгаа асуултад бүтэн хариулбал зүгээр байна. Сүүлийн 20 жилд 15 аймгийн цахилгааны татаасанд улсаас хэдэн төгрөг гаргасан бэ. 9.8 тэрбум төгрөгөөс 3.5 нь багийг нүүлгэн шилжүүлэхэд зарцуулагдах юм байна. Үлдсэнийг тооцоод үзэхээр нэг айлд 20 сая төгрөгийн нөхөн олговор өгөх юм байна гэж харагдлаа. Нөхөн олговор, нүүлгэн шилжүүлэлттэй холбоотой жишиг гаргахгүй бол дараагийн том төслийн процедур болох гээд байна. Эдийн засгийн үр өгөөж нь ямар байх вэ.
14 : 51
2021-12-10

"Тайширын УЦС-ыг наад хүмүүстээ үзүүлээч!"

УИХ-ын гишүүн Н.Алтанхуяг:

-МАН-ынхан Их хурал гээд цалгардаж байна шүү. Баяр цэнгээн, хурлаа зогсоогоод, улс орныхоо асуудалд анхаарал тавиач ээ. Намын шинэ даргатай болж. Одоо та нар албан тушаалын хэнээгээ зогсоогоод, улс орны амьдрал руу орооч ээ. Юмны үнэ галзуу хурдтай өсч байгааг мэдэж байна уу. Цалин нэмэгдэхгүй байхад ард түмний амьдрал яаж байна гэж бодож байгаа улсууд вэ. Их холын, тэнгэрийн юм ярихаа боливол яасан юм бэ. Юмны үнийг багасгах тал дээр ажил хийж өгөхгүй байна. Эхлээд Дарханы замаа дуусгаж болохгүй юу? Шинэ даргатай боллоо. Хүч чинь нэмэгдээ байлгүй. Арай хэтэрч байна шүү. МҮОНТ-ийн нэвтрүүлгээр ороход сайтаасаа устгачхаж болохгүй. Төрийн байгууллагууд АН-аар тоглодгоо зогсоо. Шүүхийн тамгын газрын үүрэг гүйцэтгэгчийг самарлаа.

Улсын Их Хурлын гишүүн С.Бямбацогтоос Байгаль орчин, аялал жуулчлалын сайд Н.Уртнасанд хандаж, Эрдэнэбүрэнгийн усан цахилгаан станцын бүтээн байгуулалтын ажлыг эхлүүлэх тохиолдолд байгаль орчинд үзүүлэх нөлөөлөл болон бусад асуудлын талаар тавьсан асуулгын хариуг сонсож байна.

Байгаль орчны сайд Н.Уртнасан:

-ОХУ-аас импортоор авч буй эрчим хүчний хэрэглээнд 2020 онд 64.1 тэрбум төгрөг зарцуулсан. Үүнээс баруун бүсийн аймгууд эрчим хүчний хэрэглээний 70 орчим хувийг буюу 16.9 тэрбум төгрөгийн эрчим хүчийг ОХУ-аас авч ашиглаж байна.

-Эрдэнэбүрэнгийн УЦС ашиглалтад орсноор баруун таван аймгийн эрчим хүчний хэрэгцээг хангана. Усны тухай хуулиар эрчим хүчний зориулалтаар ус ашиглах аж ахуйн нэгжүүдэд Усны газар жил бүр гаргаж, сав газрын захиргаатай гэрээ байгуулан ажиллаж байна. УЦС-д усны нөөц, ашигласны төлбөрийг Засгийн газрын 2013 оны 323 дугаар тогтоолын дагуу борлуулалтын орлогын таван хувиар тооцож байна. Эрдэнэбүрэнгийн УЦС-д ТЭЗҮ-д урьдчилсан тооцооллоор нэг кв цаг эрчим хүчийг өөрийн өртгөө нөхөх 19 жилийн хугацаанд 6 цент буюу 171 төгрөгөөс ихгүй байхаар тусгасан. УЦС жилд хэрвээ 366 сая кв цаг эрчим хүч үйлдвэрлэж, нэг кв цаг эрчим хүчийг 171 төгрөгөөр баруун бүсийн эрчим хүчний ситемд нийлүүлэхэд борлуулалтын орлогын таван хувиар тооцож, усны нөөц ашигласны төлбөрт жилдээ гурван тэрбум 330 сая төгрөг төлүүлэхээр урьдчилсан тооцоо гаргаж байна.

УИХ-ын гишүүн М.Оюунчимэг:

-Гурав, дөрвөн айлын эсэргүүцлээр 3.5 сая хүн амын амьжиргаа улс орны стратегийн ач холбогдол бүхий бүтээн байгуулалтыг өнөөдөр хүртэл гацаагаад байж болохгүй. Нэг хүний эрх нөгөөгөөр хязгаарлагдана. Тиймээс 280 сая ам.долларын, 20 мегаваттын хүчин чадлаар 15 аймгийг бүрэн хангах, баруун таван аймгийг хангаад зогсохгүй төвийн хүчний үлдэгдэл энергиэ өгөх гэх мэт чухал бүтээн байгуулалттай ажлыг хаа хаанаа анхаарч, төр зайлшгүй хийх ёстой. Ямар ч байсан компани нь шалгараад, дөрөвдүгээр сард ажил эхлэх ёстой юм байна.

УИХ-ын гишүүн Б.Энх-Амгалан:

-Монголын төр юмаа мэддэггүй. Ноён уулыг хамгаалалтад авъя гэхээр Сэлэнгийн сумын ИТХ хамгаалалтад оруулахгүй, бид ухна гэж зогсож байсан түүх бий. Улс орны хөгжлийг гацаадаг байдал Ховдод гарч байна. Энийг анхаарах цаг болсон. Тайширын УЦС-ыг наад хүмүүстээ үзүүлээч. Дэлхийн газрын зурагт Эрээн нуур гэдэг том нуур үүссэн. Эрээн голын урсацыг сайжруулах тал дээр байгаль орчныхон анхаарах болсон. Баруун бүс 17 тэрбумаас импортоор тог авч байна. Үйлдвэрлэл хөгжих бололцоо алга байна.

Байгаль орчны сайд Н.Уртнасан:

-Эрдэнэбүрэн УЦС төслийн нөлөөлөлд өртөж буй гурван аймаг, дөрвөн сумын есөн багийн иргэд, Иргэдийн хурлаас өнөөдрийн байдлаар Өмнөговь аймгийн ИТХ-аас дэмжихгүй санал ирүүлээд байна. Өнгөрсөн хугацаанд Баянгол сумаас бусад иргэдийн нийтийн хурал дэмжихгүй байр суурьтай байсан бол гурван удаа иргэдийн нийтийн хуралд төслийн нөлөөлөл, нарийвчилсан үнэлгээний тайланг удаа дараа танилцуулж, том төслийн экологи, эдийн засгийн ач холбогдлыг нутгийн иргэдэд, мөн орон нутгийн удирдлагууд зөв ойлгуулж, удаа дараа дэд ажлын хэсгүүд үр дүнтэй ажилласны үр дүнд нэг багаас бусад иргэдийн нийтийн хурал дэмжсэн байр суурьтай байна.

УИХ-ын гишүүн Б.Баярсайхан:

-Эрдэнэбүрэнгийн УЦС-ын ажлыг аль болох түргэтгэж, явуулах шаардлагатай. Ганцхан Ховд аймгийн асуудал биш. Ялангуяа Завхан аймгийн Эрчим хүчний асуудал үүнд хамаарч буй. Баян-Айргийн уул уурхайн компанийн цианит угааж байгаа Улаагчин хар нуур байгалийн үзэсгэлэнт газар, Мухартын голын ус татрах аюул нүүрлэж байгаа талаар би удаа дараа асууж байна. Усны мэргэжлийн байгууллагын дүгнэлтээр энэ орчмын гүний ус наймаас арван метр доошилсон гэсэн дүгнэлт гарсан. Өнгөрсөн оны арванхоёрдугаар сараас газрын гүнээс ус шүүрч эхэлсэн.

УИХ-ын гишүүн Т.Аубакир:

-Эрдэнэбүрэнгийн УЦС-ыг барихыг дэмжиж байна. Эрчим хүний найдвартай, тогтвортой байдал, найдвартай эрчим хүчээр хангах бодлого маш зөв. Мэдээж ажил хийхэд аж ахуйн чанартай маргааныг шийдвэрлэх нь тодорхой. Нэгд, айл өрхийн өвөлжөө, хаваржаа таарч байна. Нүүхэд нөхөн төлбөр хэдий хэмжээний мөнгө байдаг юм бэ Аймгийн иргэд улсын бүтээн байгуулалтыг дэмжихийг эсэргүүцэхгүй байна. Дэлхийн дулааралтай холбоотой Ховд голын усны нөөц жилээс жилд багассан. Үүнийг анхаарна биз.

УИХ-ын Х.Болорчулуун:

-Эрдэнэбүрэнгийн УЦС нэг баригдчихвал зардал нь бага, ашигтай л даа. Гэхдээ зээл авахдаа бодолтой байхгүй бол зээл нэрээр бизнес хийж, гаднын орнуудын дайрлагад зөндөө өртлөө. Ерөнхийд нь дэмжиж байна. Гэхдээ 90 мегаваттын цахилгаан станцын өртөг 270 сая ам.доллар. Нүүрснийхээс гурав дахин үнэтэй байна. 19 жилд өртгөө нөхнө гэж байна. Энэ бол бизнес биш. Дээрх 19 жил нь цаашлаад 30 жил болох юм уу? Хөршүүдийн тусламж нэрээр зээл өгдөг бизнес заримдаа хэрээс хэтэрч байна.

УИХ-ын гишүүн О.Цогтгэрэл:

-Эрдэнэбүрэнгийн УЦС бүс нутгийн, Монгол Улсын эрчим хүчний бие даасан хараат бус байдалд асар том үүрэг гүйцэтгэх төсөл гэж үздэг. Зарчмын хувьд дэмждэг. Нөгөөтэйгүүр нөхөн олговор, тэнд сэтгэл дундуур байгаа иргэдийн асуудал, 150-200 иргэний асуудлыг зайлшгүй бид ярих ёстой.

Байгаль орчны сайд Н.Уртнасан:

-Албан бус мэдээллээр, нэг иргэнд гурван сая төгрөг гэдэг ойлголт тухайлсан иргэн бүрээр гараагүй. Нүүлгэн шилжүүлэхтэй холбоотой зардлыг 9.5 тэрбум гэж тооцоолж гаргаад буй учраас тухайн гурван аймаг, дөрвөн сумын зургаан багийн 1100 хүнд хамаарал бүхий эдийн засгийн тооцоог хэрхэн яаж, гаргах тал дээр Эрчим хүчний яам нямбай ажиллаж, нөхөн олговортой холбоотой зардлыг өсгөх шаардлагатай гэсэн дүгнэлтийг ажлын хэсэг урьдчилсан байдлаар гаргасан. Хүн тус бүрт 3-5 сая төгрөг гэдэг нь албан бус мэдээлэл. Цаашдаа нөхөн олговортой холбоотой зардлыг илүү нарийвчилж гаргах шаардлагатай.

УИХ-ын гишүүн Б.Пүрэвдорж:

-Эрчим хүч бол үйлдвэрлэлийн түлхүүр байдаг. Эрчим хүчний 90 хувийг их долоо хэрэглэдэг. Эрчим хүчийг атгасан орон хөгжлийг тодорхойлж байна. Тиймээс үйлдвэрлэл, чөлөөт бүс байгуулаад, татварын хөнгөлөлт өгөөд, янз бүрээр тарифыг багасгаснаас илүү хямд эрчим хүчтэй газар үйлдвэрлэл хамгийн сайн хөгждөг. Тиймээс Эрдэнэбүрэнгийн УЦС зайлшгүй баригдах ёстой. Тэгж байж баруун бүстээ хямд эрчим хүч ашиглах, гадаад руу татвар төлөгчийн мөнгийг гаргахгүй эрчим хүчээ хямд үнээр хэрэглэх боломж бүрдэнэ. Мөн Ховд аймагт үсрэнгүй хөгжил ирнэ гэж тооцож байна.

Хэрвээ хямд эрчим хүчтэй болчихвол Ховд аймаг үйлдвэрлэлийн диваажин болно. 9.7 тэрбум төгрөгийн нөхөн олговрын асуудал яригдаж байна. Энэ бол бага байна.
 
14 : 36
2021-12-10

УИХ-ын чуулганы нэгдсэн хуралдаан эхэллээ

УИХ-ын чуулганы нэгдсэн хуралдаан эхэллээ. Өнөөдрийн хуралдаанаар:

  • Чөлөөт бүсийн тухай хуульд нэмэлт, өөрчлөлт оруулах тухай хуулийн төсөл /Засгийн газар 2021.10.06-ны өдөр өргөн мэдүүлсэн, эцсийн хэлэлцүүлэг/
  • Газрын тосны бүтээгдэхүүний тухай хуульд нэмэлт оруулах тухай хуулийн төсөл /Засгийн газар 2021.11.29-ний өдөр өргөн мэдүүлсэн, анхны хэлэлцүүлэг/
  • “Эрдэнэт үйлдвэр” ХХК, “Монголросцветмет” ХХК-ийн талаар авах зарим арга хэмжээний тухай” Улсын Их Хурлын тогтоолын төсөл /Засгийн газар 2021.04.29-ний өдөр өргөн мэдүүлсэн, хэлэлцэх эсэх/ "Их хуралдай” танхимд
  • Улсын Их Хурлын гишүүн С.Бямбацогтоос Байгаль орчин, аялал жуулчлалын сайд Н.Уртнасанд хандаж Эрдэнэбүрэнгийн усан цахилгаан станцын бүтээн байгуулалтын ажлыг эхлүүлэх тохиолдолд байгаль орчинд үзүүлэх нөлөөлөл болон бусад асуудлын талаар тавьсан асуулгын хариуг сонсох “Их хуралдай” танхимд.
Энэ мэдээнд өгөх таны сэтгэгдэл?
4
ЗөвЗөв
3
ТэнэглэлТэнэглэл
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

27 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2021-12-10 64.119.26.156

Төр засгийн шийдвэрийн эсрэг хөдөөний харанхуй ард иргэдийг турхирч байгаа хэдхэн л хүн байгаа, за ер нь бол 2-3-аас хэтрэхгүй дээ. Тэднийг нь барьж аваад, төр засгийн эсрэг гэмт хэрэг өдүүлсэн гээд л ял тулгахад бусад нь хонь болно доо. Ер нь бол баруун 3 аймгаас УИХ-д сонгогдсон хэдэн малнуудыг нутаг руу нь хөөж, цаад ард түмэндээ учрыг нь хэлж ойлгуулж, хэл амгүй болго гэсэн үүрэг даалгавар өгөөд хэд хоног явуулаач, тэгээд л болно шүү дээ. 20000 төгрөгийн төлөө л саналаа өгдөг улс шүү дээ.

Avatar

Зочин 2021-12-10 66.181.190.83

*л ху,Цогтгэрэл 2 хэлсэн үгээ бусадтай харьцуулж дүгнэлт хий ялангуяа *л ху бол бүрэн хоцрогджээ өнөө л хэрүүлээ хэлээд сууж байх юм.

Avatar

Бек 2021-12-10 66.181.165.91

Бямбацогт гишүүн Эрдэнэбүрэнгийн УЦС-ын тухай мэдээлэлийг Уртнасан сайдаас илүү мэдэж байгаа. Өөрөө асуулт асуугаад . . . Хариултыг өөрөө бэлдэж өгөө биз. Ккк

Avatar

Зочин 2021-12-10 192.82.87.123

УВС АЙМГИЙН ӨМНӨГОВЬ СУМЫН ЗАСАГ ДАРГА ӨЛЗИЙ ГЭЭЧИД ГАНЦААРАНД НЬ БАРЬЖ АВЧРААД 10 ЖИЛИЙН ЯЛ ӨГЧИХ.ТЭГЭЭД БУСАД НЬ ХОНЬ БОЛНО.ЯАСАН ИХ ТӨР ЗАСГИЙН ШИЙДВЭР ЭСЭРГҮҮЦДГИЙН. ДЭЭРЭЭ ТӨОТЭЙ ГЭДГЭЭ МАРТЖЭЭ

Avatar

Зочин 2021-12-10 185.220.101.140

!!!!!!! Шилдэг тавтай морилно уу секс болзоо сайт — https://mysp.ac/50fjz

Avatar

Зочин 2021-12-10 66.181.183.45

Х.Болорчулуун гишүүн усан цахилгаан станц барьж байгуулах өртөг өндөр байдгийг мэдмээр юм. 19 жилийн дотор өртөгөө нөхөж байгаа бол боломжийн үзүүлэлт юм. Цааш нь 100 жил ажиллах боломжтойг бодолцох хэрэгтэй. Харин анхаарах зүйл нь голын усны нөөц болон барилга байгууламж нь уулархаг бүсийн газар хөдлөлтөт тэсвэрлэх тооцоог нарийн хийх хэрэгтэй. Аль ч улсад ГЭС барихад тухайн барилга байгууламжийн бүсэд орсон иргэдийн аюулгүй байдлыг хангах зорилгоор нүүлгэн шилжүүлэх асуудал гардаг.

Avatar

Зочин 2021-12-10 202.179.25.141

Орос, Хятадын нормативаар УЦС өртөгөө 7-10 жилд нөхөх журамтай

Avatar

Зочин 2021-12-10 150.129.142.101

ХОВДЫН ЭРДЭНЭБҮРЭН , БАЯН-ӨЛГИЙН БАЯННУУРЫНХАН УВСЫН ӨМНӨГОВИЙНХОН ШИГ ҮНЭЭ ӨСГӨЖ ЧАДАХГҮЙ АРЧААГҮЙ МАЛНУУД . НҮБ н ТҮГЭЭМЭЛ ТУНХАГТ ХҮН ӨӨССӨН ТӨРСӨН НУТАГТАА ДУРААРАА АМЬДРАХ ЭРХТЭЙ ГЭЭД Л НААД ЗАХ НЬ

Avatar

Зочин 2021-12-10 111.220.50.43

Ажил гацаагаад байгаа Увсын Өмнөговь сумыг тусгаар улс болгоод Монголоос хасчих оо!!

Avatar

Зочин 2021-12-10 202.9.46.60

Ерөөсөө хөгжлийн гол түүчээлэгч хүч, гол зүтгүүр нь эрчим хүч шүү. Дээр үед Ленин багш Зөвлөлт засаг дээр нэмэх нь цахилгаанжуулалт тэнцүү коммунизм юм гэсэн гээд үг байдаг байсан даа. Эрчим хүчгүй бол ямар ч үйлдвэрлэл, ямар ч хөгжил яригдахгүй гэдгийг монгол хүн бүр ухаарч эх орныхоо хөгжил дэвшлийн төлөө алив бүх төрлийн цахилгаан станц бариулахын төлөө талархан дэмжиж тэмцэх ёстой шүү. Энэ бол та бидний энэ сайхан орны эзэн болж төрсний үүрэг гэж ойлгоход болно.

Avatar

Зочин 2021-12-10 202.126.94.99

Улс терчдед долигонохгуй чадвартай мэргэжлийн эрдэмтдийг угийг сонсох хэрэгтэй! Энэ хэдэн гишууд толгой хоосон, юу дуртайгаа мэдэмхийрч байдаг, итгэх прга байхгуй!!!

Avatar

Зочин 2021-12-10 103.229.122.11

Монголын эдийн засгийн хөгжлийн томоохон төслүүдийг гацаадаг Болорчулуун ганцаар эсэргүүцсэн утгатай үг хэлжээ?!! Энэ хүн яагаад Монголын эсрэг тэмцдэг хүн бэ гэдгийг Тагнуулын Ерөнхий газар шалгах хэрэгтэй шүү!!!

Avatar

Зочин 2021-12-10 103.57.95.116

Төр нь хүчгүй нам хүчтэй ард түмний эрх ашиг гэж үгүй,ашиг хонжоо,нэр нүүр хөөцалдөгч нар толгой дээр гарсны шинж төр төмөр нүүрээ үзүүл хорь цагд,торго хяд

Avatar

Иргэн 2021-12-10 64.119.18.221

Ийм үзэгдэл ганц энэ суманд биш Өмнөговь болон бусад аймгийн дийлэнх суманд бий. УБ хотод ямар ч төсөл хэрэгжүүлсэн иргэдээсээ асуудаггүй, дүүрэг, хорооны иргэдээр хэлэлцүүлж байсныг мэдэхгүй л юм байна. Хэдэн малчдаас УИХ-д сонгогдох санал авах гэсэн хөдөөний гишүүдийн лобигоор баталсан хууль нь чөдөр болж байгаа юм. УИХ хуулиа эргэж харах хэрэгтэй болж дээ. Чааваас даа биднээр ийм бичүүлээд суулгаж байдаг арчаагүй УИХ шүү

Avatar

зочин 2021-12-10 43.228.130.188

ккк эсэргүүцээд байгаа нөхдөд нуур хэрэггүй, цахилгаан хэрэггүй тул улсын зардлаар бүгдийг нь малтай нь хамт Сүхбаатар Дорнод аймагт эсхүл өмнөговь аймагт нүүлгэн байршуул… монголчуудад нүүрс шатаахгүй үнэ багатай цахилгаан хэрэгтэй байна.

Avatar

зочин 2021-12-10 43.228.130.188

кккк 66.181.161.110 гэсэн нөхөр кккк УБ-ын хүн л байна даа. малчин гэчихжээ ъъ

усыг цуглуулж нуур болгоод УЦС болгож ашиглах хамгийн зөв технологи,,,, монголын ихэнх гол мөрний ус шууд урсаад л гадаад гараад явдаг….иймд ядаж цуцлуулаад нуур үүсгэхэд нуурын орчны эко систем сайхан болно, загас үржүүлж болно…дээр нь усны уналтыг ашиглаад цахилгаан гаргаад авна олон талын ашигтай … ямар нүүрсний уурхай шиг дахин дахин газар ухах биш дээ..

Avatar

Өмнөговь сумын малчин 2021-12-10 66.181.161.110

Муусайн адгийн шаар бэртэгчингүүдээ та нарт бүхэл бүтэн Өмнөговь сумын ард түмний амь амьдрал юу ч бишүү. Бид эцсээ хүртэл тэмцэнэ. Та нараар нутаг орноороо тоглуулахгүй

Avatar

Зочин 2021-12-10 66.181.161.17

Чи одоо юу гэж бодоод эсэргүүцээд байгаа юм бэ Орчин үед цахилгаангүй бүтдэг юм нэг ч байхгүй Хэрэв УЦС баигдчихвал орон нутагт нь илүү их боломж хөгжил ирнэ Бүр баруун аймгууд тэр чигээрээ хөгжих боломж Гэтэл шантааж хииж мөнгө олох гэсэн малчидын нэр барьсан хэдэн хүмүүс бхйгаад байгаа нь ил байна Энэ чинь монгол улсын эрх ашиг Тэр хэдэн хүнии эрх ашгиин төлөө монголчууд ниитээрээ хохирох ёсгүй Естой ардчиллын зарчимаар олонхиин эрх ашгииг цөөнх хүндэтгэх ёстой

Avatar

Зочин 2021-12-10 66.181.182.80

Хуцдаг халтар вэ. Улсад 5 төгрөгний татвар өгчхөөд том том баа. Нийтийн баялгийг ямар ч үнэ төлбөргүй ашиглаж, нутаг орноо өөрсдөө доройтуулж, цөлжүүлж, зөвхөн амин хувиа борлуулж, улсаас халамж хүртээд хэвтэж байдаг улс бол малчид.

Avatar

Зочин 2021-12-10 202.179.2.147

Хэдэн ямаа самнасан ноолуураа х***а мотоциклийн сэг болгоод гэрээ тойруулж байдаг, тулга тойрсон харанхуй товариш. наадах сум чинь чиний биш бид бүгдийн газар нутаг. ирээдүйгээ боддогүй ухна

Avatar

Зочин 2021-12-10 66.181.161.23

УЦС нь ТЭЦ-тэй харьцуулахад бараг үнэгүй цахилгаан үйлдвэрлэдэг, мөн өглөө үдшийн өндөр ачахллыг нөхөх хамгийн боломжтойгоороо давуу учир барих нь зөв

Avatar

зочин 2021-12-10 202.9.40.182

Заавал усан цахилгаан станц барих ёстой юм уу,Зүгээр ТЭЦ БАРЬЖ БОЛОХГҮЙ ЮМ УУ

Avatar

Зочин 2021-12-10 202.126.88.214

Хожмын өдөр хэн ч хариуцлага хүлээхгүй шүү дээ. Өнөөгийн өөрт унах ашгийг л харж байна даа.
Мунхаг толгойтууд хэт ирээдүй хаашаа чиглэж юу болж болохыг анхаараах ухаарах хүсэл бодол
үл хадгалана. Үнэхээр бүдүүлэг шүү. Үнэхээр

Avatar

Зочин 2021-12-10 192.82.75.54

28 мянган га газар чинь яаж 3 сумын 270 орх айлын оволжоо хаваржаа баг таж байсан байна аа далимдуулж улсаас монго жавших гэсэн хумуусийн аманд орох хэрэггуй Естой томор нуур гаргах хэрэгтэй

Avatar

Зочин 2021-12-10 59.153.115.113

Яг үнэн. Өлив долив зан, хэл ам ихээрээ Увсчууд манлайлна шүү. Тэдэнд эх орон биш мөнгө л чухал.

Avatar

Зочин 2021-12-10 62.55.205.86

Болорчулуун маш чухал асуудал хөндсөн байна. Гадаадын зээл тусламж нэрээр баахан өр тавьдаг, хээрийн боохойтой нийлсэн тэжээврүүдийн асуудлыг одоо ярих цаг болсон. Үүний тод жишээ Рио Тинто, үүнээс цааш их юм бий. Хөршид 10 төгрөгөөр хийдэг ажлыг манайд 100 төгрөгөөр хийдэг.

Avatar

Зочин 2021-12-10 192.82.70.23

Алтанхуяг аливаа асуудлыг хэт төвийлгөн сүржигнэх юмаа жаахан ажил хэрэгч сайд байсан хүн намбатайхан ярьж байгаа ч масст таалагдах гэж хэтэрчих юм . хаа очи ж пүрэвдорж арай ажил хэрэгч ярчих лаа

NewsMN Гар утасны хувилбар Татах
NEWS.mn

Мэдээллийн эх сурвалж