Улсын хэмжээнд өнгөрсөн 24 цагийн хугацаанд хийсэн шинжилгээгээр Covid-19-ийн 286 тохиолдол шинээр батлагджээ. Мөн хугацаанд хоёр хүн нас барснаар манай улсад Covid-19-өөр нийт 1955 хүн амиа алдсаныг бүртгээд байна.

ЭМЯ-наас мэдээлснээр, шинээр халдварласан тохиолдлын 149 нь нийслэлд, 137 нь хөдөө орон нутагт батлагджээ. Орон нутгаас хамгийн олон буюу 19 тохиолдол Говьсүмбэр аймагт бүртгэгджээ.

Эмнэлэгт хэвтэн эмчлүүлж буй 3626 хүний 71 нь нэн хүнд, 1385 нь хөнгөн, 1740 нь хүндэвтэр, 430 нь хүнд оноштой байна.