Авлигачдын толгойг илсэн хялбаршуулсан журам | News.MN

Авлигачдын толгойг илсэн хялбаршуулсан журам

Авлигачдын толгойг илсэн хялбаршуулсан журам

Авлигачдын толгойг илсэн хялбаршуулсан журам

Монгол Улсын Ерөнхий сайд Л.Оюун-Эрдэнэ сүүлийн үед авлигатай тэмцэнэ гэх суртал ухуулгыг ихээр хийх болсон. Гэвч авлигын хэргийг хялбаршуулсан журмаар шийдвэрлэсээр байгаа цагт авлига ялна. Хамгийн сүүлийн жишээ гэвэл "Эрдэнэс Монгол" компанийн гүйцэтгэх захирал асан Д.Хаянхярваагийн хэрэг. Түүний хувьд хэргээ хялбаршуулсан журмаар шийдвэрлүүлсэн. Ингэснээр Д.Хаянхярваагийн  нийтийн албанд томилогдох эрхийг найман жилээр хасч, 210 сая төгрөгийг улсын орлого болгож, 40 сая төгрөгөөр торгох шийдвэр гаргасан байдаг.

Өөрөөр хэлбэл, Д.Хаянхярваа 2.8 тэрбум төгрөгийн хахууль аваад 40 сая төгрөгөөр торгуулаад өнгөрсөн нь уг хуулийн цоорхой. Цаашлаад авлигын хэргийг өөхшүүлж байгаагаас өөрцгүй.

Эрх мэдэлтнүүд гүтгэн доромжилсон, гүжирдсэн гэж жирийн иргэдийнхээ үг хэлэх эрхэнд халдаж, үзэл бодлоо илэрхийлснийх нь төлөө Зөрчлийн хуулиар яллах болсон атал тэрбум тэрбумын авлигын хэрэгтнүүдээ торгосон төдийгөөр толгойг илж байгаа нь doublestandart юм.

Эрүүгийн хэргийг хялбаршуулсан журмаар шийдвэрлэх журмын талаар АТГ-ын Тамгын хэлтсийн дарга, эрхэлсэн комиссар З.Баасаннямаас тодруулахад "Хялбаршуулсан журмаар хэрэг хянан шийдвэрлэх нь олон улсад хүлээн зөвшөөрөгдсөн зөв зүйтэй зохицуулалт. Гэхдээ Монголын Эрүүгийн хуульд төгс зохицоогүй зүйл, заалтууд бий. Нэгдүгээрт, ямар гэмт хэргийг хялбаршуулах, ямрыг нь хялбаршуулахгүй байх вэ гэдэг хязгаарыг тавиагүй. Хоёрдугаарт, нийгэмд учруулсан хохирлоо 100 хувь төлөөд гэм буруугаа, хариуцлагаа хүлээж байгаа тохиолдолд энэ журмыг  үгүйсгэж болохгүй.  Уг хуулийн заалтыг зөвхөн авлига албан тушаалын хэрэг дээр ашиглаад байна уу гэвэл үгүй.

Эрүүгийн хуульд заасан эрүүл мэндийн халдашгүй байдлын эсрэг, өмчлөх эрхийн эсрэг, хөдөлгөөний аюулгүй байдал, тээврийн хэрэгслийн ашиглалтын журмын эсрэг, хүрээлэн байгаа орчны эсрэг гэмт хэргийг ихэвчлэн хялбаршуулсан журмаар шийдвэрлэж байна. Авлигын хэрэгт нөлөө бүхий хүмүүс холбогддог учраас  шийдвэрлэхэд хугацаа их шаардагддаг. Гурван шатны шүүхээр яваад хэргийн хөөн хэлэлцэх хугацаа дууссан гэх үндэслэлээр хэрэгсэхгүй болдог. Харин хэргийг хялбаршуулсан журмаар шийдвэрлэсэн тохиолдолд хэрэг мөрдөн байцаалтад 14 хонож прокурор 72 цагийн хугацаанд хянаад ажлын тав хоногт шүүх шийдвэрлэнэ.  Хялбаршуулсан журмаар хэргийг шийдвэрлэх нь хэрэг шалгах хугацааг багасгаж байгаа юм. Эрүүгийн хуульд өөрчлөлт оруулж авлигын хэргийг хялбаршуулсан журмаар шийдвэрлэхгүйгээр  ялыг чангатгах зохицуулалт хийх боломжтой” гэлээ.

Харин АТГ-ын дарга З.Дашдаваа “Ялангуяа төрийн өндөр албан тушаалтны халдашгүй дархан байдалтай холбоотой хуулийн зохицуулалтыг эргэж харах, авлига, албан тушаалын гэмт хэрэг үйлдсэн тохиолдолд халдашгүй байдлын зохицуулалт үйлчлэхгүй байх хэмжээнд хүртэл холбогдох хуулиудад өөрчлөлт оруулах шаардлагатай байна. Мөн авлигын гэмт хэргийг тодорхойлсон байдлыг нарийн тодорхой болгох, оногдуулж байгаа ял шийтгэлийн хэлбэр, хэмжээг чангатгах, хөөн хэлэлцэх хугацааг уртасгах зэрэг тохируулга заавал хэрэгтэй байгааг” онцолсон юм.

Прокурорын байгууллагаас 2020 онд 5117 хэргийг хялбаршуулсан журмаар шийдвэрлүүлэхээр шүүхэд шилжүүлсэн байна. Үүнээс шүүх 4678 хэргийг буюу 91.4 хувийг шийдвэрлэсэн бол 2021 оны эхний таван сарын байдлаар 1892 хэргийг хялбаршуулсан журмаар шийдвэрлүүлэхээр шүүхэд шилжүүлжээ. Үүнээс 475 буюу 78 хувийг хэлэлцэн шүүгдэгчид эрүүгийн хариуцлага оноосон байна. 

“Транспарэнси интернэшнл” төрийн бус байгууллагаас гаргадаг Авлигын төсөөллийн индексийн 2020 оны дүнгээр Монгол Улс 35 оноогоор 180 улсаас 111 дүгээр байрт эрэмбэлэгджээ. Үүнээс харахад  албан тушаалын хэрэгтнүүд, авлигачдыг өөгшүүлсэн хуулиудаа эргэн харах, зүйл заалтуудыг өөрчлөх цаг болжээ.

ХЭРГЭЭ ХЯЛБАРШУУЛСАН ЖУРМААР ШИЙДВЭРЛҮҮЛСЭН АЛБАН ТУШААЛТНУУД

2019 онд УИХ-ын нэр бүхий 49 гишүүн Жижиг, дунд үйлдвэрлэлийг хөгжүүлэх сан /ЖДҮХС/-гаас эрх мэдэл, албан тушаалын байдлаа урвуулан ашиглаж, хамаарал бүхий компанидаа олон тэрбумын зээл авсан нь тодорхой болж, нийгэмд багагүй шуугиан тарьж байлаа. Уг асуудлаас болж зарим гишүүд эхнэр хүүхэд, ээж ааваа "танихгүйд хүрсэн" бол зарим нь тойрогтоо ажлын байр нэмэгдүүлэх, сонгогчдоо бодлогоор дэмжих үүднээс зээл авч өгсөн гэх тайлбар хийж байсан билээ. ЖДҮХС-гийн зээлийг намын бүлгийн гишүүд, албан тушаалтнуудад тэгш, хүртээмжтэй олгосон хүн нь Хүнс, хөдөө аж ахуйн сайд асан Б.Батзориг. Тэрбээр албан тушаалын байдлаа урвуулан ашиглаж, нийт есөн аж ахуйн нэгжид 8.6 тэрбум төгрөгийн урт хугацааны, хөнгөлөлттэй зээлийн санхүүжилт олгох шийдвэр гаргасан. Улмаар 2020 оны наймдугаар сард Б.Батзоригт гэмт хэрэг үйлдсэн гэм буруугаа хүлээн зөвшөөрч, хэргээ хялбаршуулсан журмаар хянан шийдвэрлүүлэх хүсэлт гаргаж нийтийн албанд томилогдох эрхийг таван жилийн хугацаагаар хасч, 40 сая төгрөгөөр торгох ялаар шийтгэсэн юм.

Нийслэлийн Прокурорын газрын ерөнхий прокурор асан Ш.Нямдоржийн эрүүгийн хэргийг Чингэлтэй дүүргийн шүүх хэлэлцээд түүнийг 14 сая төгрөгөөр торгож гэрээс нь хураасан 199 сая төгрөгийг улсын орлого болгохоор шийдвэрлэжээ. Ш.Нямдорж нь АТГ-ын байцаагчдад гэртээ нуусан мөнгөө хууль ёсны болохыг тайлбарлаж чадаагүй  байдаг. Гэвч, хэргийг нийслэлийн Прокурорын газраас хялбаршуулсан журмаар шийдвэрлүүлэх санал хүргүүлсний дагуу шүүх ч сарын дотор гялс манас шийдвэр гаргаж, түүнд торгуулийн ял оноогоод шоронгоос сулласан.

Авто тээврийн үндэсний төвийн тээвэр /АТҮТ/  зохицуулалтын хэлтсийн дарга асан Д.Батбаяр мөн л авлигын хэргээ хялбаршуулсан журмаар шийдүүлж, нийтийн албанд томилогдох эрхийг зургаан жил хүртэлх хугацаагаар хасч, 57 сая төгрөгийг улсын орлого болгож, 6 сая төгрөгөөр торгуулаад л өнгөрсөн. АТГ-аас 2019 оны сүүлээр тус байгууллагад  гэнэтийн шалгалт хийхэд  Д.Батбаярын  албан өрөөнөөс нь 57 сая төгрөгийн авлигыг илрүүлж байв. Түүний хэргийг 2020 онд шүүх эцэслэсэн юм.  Тэрбээр, улс хоорондын ачаа тээврийн “С” зөвшөөрөл олгохдоо тээврийн компанийн захирлуудаас удаа дараа хахууль авсан хэргээ ийн хялбаршуулсан журмаар шийдвэрлүүлсэн. 

Энэ мэдээнд өгөх таны сэтгэгдэл?
13
ТэнэглэлТэнэглэл
2
БурууБуруу
1
ЗөвЗөв
1
ХахаХаха
1
ХарамсалтайХарамсалтай
0
ХөөрхөнХөөрхөн
0
ГайхмаарГайхмаар
Баярлалаа!

Холбоотой мэдээ

20 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-12-08 202.55.191.130

hulgaichuudiig zarlahdaa ehner huuhdiinh ni zurgiig tsug tavih juram garga!!!

Avatar

Зочин 2021-12-08 98.37.80.18

ATG hulgaichdaar duurchee

Avatar

Зочин 2021-12-08 107.189.14.77

Шилдэг тавтай морилно уу секс болзоо сайт — https://mysp.ac/50fjz

Avatar

Зочин 2021-12-08 202.179.24.207

huun heleltseh hugatsaa gj bh yosoishdee. gem hiigeegui hunig tegeeel olon jil tsagdaagin uud saihiulah yumuu??

Avatar

Onoch 2021-12-08 202.126.89.236

Хөөн хэлэлцэх хугацааг хэт богино хийддэггүй номтой юмм. ОУ-н практик нь тийм. Жишээ хар. Прокурор цагдаа шүүхийг ажлаа хийдэг болгох гэж бгаа юм гэж хэлээд хугацааг багасгасан байдаг. Харин эсрэгээр нь нааш цааш бөмбөгдөж бгаад эцэст нь шүүх дээр хугацаа дууссан гэж суллаж эхэлсэн практик тогтсон байдаг.

Avatar

Зочин 2021-12-08 64.119.17.240

Авилгалыг цэцэглүүлсэн МАН тай улс төрийн хариуцлага тооцож чадахгүй ард түмэн түүний золиосыг төлж байна

Avatar

Зочин 2021-12-08 202.179.21.230

Авилгал бол монголыг сүйрүүлж байгаа хамгын гол аюул Гэтэл авилгачид хөөн хэлэлцэх хугацаа гэдэг заалтаар мултарчихдаг байсныг засаад орхитол одоо хялбаршуулсан журам гэдгээр бас л мултарчихдаг боллоо Мэдээж өндөр албан тушаалтан болон их хэмжээнии авилгалын хэргүүдиин хүлээх хариуцлагыгбүр их чангалах Ж НЬ ; насаар нь хорих бүх хөрөнгииг нь хураах насаар нь төриин албанд ажиллуулахгүй болгох гэх мэтээр хүн халширхаар заалт оруулахгүй бол Хаянхярваа шиг тербумыг аваад 40саяаар торгуулаад

Avatar

ГДР 2021-12-08 203.91.115.39

Авилга авагчид өөрсдөө зрориулж гаргасан хуулийг маш яаралтай өөрчилж , даварсан хулгайч нарыг эргүүлэн хэрэг үүсгэх хэрэгтэй байна. МАН-одоо хийхгүй юм бол хэзээ хийх юм бүх эрх мэдэл байна.

Avatar

Зочин 2021-12-08 43.242.243.65

herev nadad taalagdahgui bol bi hyatadaas tuslamj guih uu MANgaruudaa ta nar iim yam huseed baigaa yam uu

Avatar

Зочин 2021-12-08 43.242.243.65

Avilgald nam,hamaatan sadan,naiz nuhud hamaarahguigeer shiitgel huleej,urshuulguigeer handah estoi,getel hurungu mungutei,tanil taltai, erih medeltei luivarchid,hulgaich nar hevlel medeelliig ashiglaj tednii tuslamjtaigaar hulgai luvaraa hiiseer bn ene ni undesnii ayulgui baidald nuluuluh hemjeend ochij bn uunii todorhoi jishee ni iim yavdliig dalimduulj uursudduu davuu baidal olgoh gej,busad ulsaas tuslamj guij mash notstoi baidal uusgej baigaa Erdeneburengiin usan tsahilgaan stantsi yam

Avatar

Зочин 2021-12-08 192.82.68.8

МАН-ын их хурал дээр тодорхой яриад шийдэх нь зүйтэй гэсэн асуудлыг сөхөж байгаа нь цаанаа зорилготой.МАН дутагдлаа засвал АН-ХАНД ТҮҮНИЙГ ДЭМЖДЭГ ХЭВЛЭЛИЙНХЭНД хэлэх юмгүй болно

Avatar

Зочин 2021-12-08 202.126.89.171

Ойлгохгүй байна МАНгасаа

Avatar

Зочин 2021-12-08 103.80.210.183

авилгач хулгайчдын сүүлд баталсан хуулиудыг хүчингүй болгоод ялаа нэхэн сэргээж ялд дууд

Avatar

Зочин 2021-12-08 202.126.89.195

hereg shiidwerleh hugatsaandaa gol n bish ogch baigaa yl n hylbarshaad baigaa n ard tumnii durguig hurgeed baigaa busuu

Avatar

Зочин 2021-12-08 103.57.95.116

Авилга ав насаараа идэх хоолоо ол,хялбаршуулж хэргээ хаа ,намдаа хандиваа өг ,харин жирийн иргэд шоронд ор өнчин ишгээ ч төл гэсэн хууль бнадаа

Avatar

МАН намд итгэж сонголт хийсэн малуудад хэлхэд: та нарын зовох цаг ирлээ хаха 2021-12-08 202.55.188.86

Дөнгөж сонгосон зовлон чинь эхлэж бхад юу юугүй шамирахгүй шүү МОНГОЛчуудаа. Үр хойчоор чинь зовоох зовлон айсуй!!!

Avatar

Зочин 2021-12-08 202.126.90.71

Зөвхөн ажил гэрт нэгжлэг хийхэд нуусан хөрөнгө байвал улсын орлого болгоод хэлэн төгрөгөөо торгодог юм байна. Цаадуулчинь одоо ч цаашид ч өмнө ч энэ төрлийн хөрөнгийг гэрт, ажил, оймсондоо нуудаггүйг та маш сайн мэдэж байгаа. Олон улс оронд хөрөнгийг хураадаг хуультай гэсэн тэр цагт авлига багасана даа. Манай орон авлигыг улам өөгшүүлж байгаагаас өөрцгүй. Улам л цэцэглэнэ

Avatar

Зочин 2021-12-08 202.9.40.81

Хуулинд нь байгаа бол тэр журмаар л явна. Байхгүй юмыг хэрэглээд байгаа мэт ойлголтыг боловсролгүй хүмүүст ойлгуулаад цаад харанхуй нөхөд нь босох уу мэсээр ярих уу гэж тэнэгтэж байна. боловсролгүй, бүдүүлэг массыг битгий түрхирч гэмт хэрэг хийлгэх гээд бай МАНАН-гийн сайт минь. МАНА-гийн толгойлогч бол М.Энхболд,Ц.Элбэгдорж тэргүүтэй хүмүүс гэдгийг бүгд мэднэ

Avatar

Зочин 2021-12-08 64.119.22.172

Авилга авбал төрийн албанд дахин томилогдох эрхгүй болгоно гэж тодорхой хэлээд байна үүнийг дагаад авилга буурна.Энэ авгай шиг буруу битгий гуйвуулж хялбаршуулахын тулд хохирлыг 100 хувь харагдуулаад дээр нь ял өгдөг юм.

Avatar

Зочин 2021-12-08 66.181.178.179

ҮҮНИЙГ ЗОГСООХ АРГА БАЙНА УУ, АРДЫН НАМ,ЕРӨНХИЙЛЭГЧ НАР ЯРЬЖ БАЙГААГААСАА ӨӨР ЮМ ХИЙГЭЭД БАЙНА. ҮНДСЭН ХУУЛИЙН ЦЭЦЭД ӨГӨХ ҮҮ, ЖАГСАХ УУ, ЭСВЭЛ ЕРӨӨСӨӨ БОСОЖ ГАЛ МЭСЭЭР ЯРИХ УУ

NewsMN Гар утасны хувилбар Татах
NEWS.mn

Мэдээллийн эх сурвалж