МҮОХ-ны хараат бус сонгуулийн комисст хэн хэн орох вэ? | News.MN

МҮОХ-ны хараат бус сонгуулийн комисст хэн хэн орох вэ?

Ардын хувьсгалын 100 жил

МҮОХ-ны хараат бус сонгуулийн комисст хэн хэн орох вэ?

МҮОХ-ны хараат бус сонгуулийн комисст хэн хэн орох вэ?

Монголын үндэсний олимпийн хороо (МҮОХ)-ны VIII чуулган хойшилж, гишүүдийн ээлжит бус хурал энэ сарын 20-нд товлогдсон. Энэхүү ээлжит бус хурлаар чуулганы шинэ товыг зарлаж, хараат бус сонгуулийн комиссыг шинээр байгуулах аж.

Уг VIII чуулганаар Олимпийн хороог удирдах ерөнхийлөгч, дэд ерөнхийлөгч нарыг сонгох байлаа. Гэвч МҮОХ-ны Гүйцэтгэх зөвлөлийн нэр бүхий гишүүнээс хараат бус сонгуулийн комисст хандсан гомдол ирүүлжээ. Тодруулбал, “Хараат бус сонгуулийн комиссын гишүүд бусдын нөлөөнд авталгүй, хараат бусаар үйл ажиллагаагаа явуулах чадамжгүй байна, сонгуулийн үйл ажиллагааг шударга явуулна гэдэгт эргэлзэж байна” гэжээ. Мөн комиссын нэгэн гишүүн эрүүл мэндийн байдлаас шалтгаалан үүрэгт ажлаасаа чөлөөлөгдөх хүсэлт ирүүлсэн байна.

Хараат бус сонгуулийн комисс нь дүрмийн дагуу гишүүн байгууллагуудад мэдээлэл хүргүүлж, чуулганы төлөөлөгчид болон нэр дэвшигчдийн анкет, материалыг хүлээн авах зэрэг бэлтгэл ажлыг шат дараатай гүйцэтгэн ажилладаг.

Тэгвэл сонгуулийг будилаантуулах магадлалтай хараат бус сонгуулийн комисст хэн хэн багтаж байсан бэ?

  • Монголын хуульчдын холбооны өмгөөлөгч Б.Батзаяа
  • Эрх зүйч, эдийн засагч О.Одбаяр
  • Монголын өмгөөлөгчдийн холбооны өмгөөлөгч Ж.Энхчулуун

Өмгөөлөгч Б.Батзаяагийн хувьд Монгол Улсын Ерөнхийлөгч асан Х.Баттулгад өмгөөллийн үйлчилгээ үзүүлж байсан, сайн найз нь гэх.  Харин эрхзүйч, эдийн засагч О.Одбаярын хувьд Сү.Батболдын дотны анд төдийгүй "Алтай холдинг"-ийн захирлаар ажиллаж байсан түүхтэй. Гэтэл Олимпийн хорооны ерөнхийлөгчийн гол өрсөлдөөн Х.Баттулга болон Сү.Батболдын хүү Б.Баттүшиг нарын хооронд болно гэж олон нийт харж байна. Тэгэхээр хоёр талаас өөрсдийн хүнээ сонгуулийн комисст оруулчихсан байжээ.

О.Одбаяр, Сү.Батболд нар сагсан бөмбөгийн ахмадын УАШТ-ий үеэр

Одоо хамгийн сонирхол татаж байгаа нь шинээр байгуулагдах хараат бус сонгуулийн комисст хэн хэн орох вэ гэх асуулт. МҮОХ-ны дүрмийн 14.4.1-д зааснаар:

  • МҮОХ-ны чуулганы өмнөх МҮОХ-ны гишүүдийн хурлаар хараат бус, бие даасан сонгуулийн комисс байгуулна.
  • Комисс нь нэр дэвшигчдийн материалыг хүлээн авахаас эхлэн сонгуулийн үр дүнг мэдээлэх хүртэлх сонгуулийн бүх үйл ажиллагааг хариуцна.
  • Комисс нь даргыг оролцуулсан гурван хүний бүрэлдэхүүнтэй байна. Сонгуулийн комиссын гишүүдийн хэн ч сонгуульд нэр дэвшигч байж болохгүй бөгөөд санал өгөх эрхгүй. Гишүүд нь хараат бус, төвийг сахисан байх ба дор хаяж нэг гишүүн нь хуулийн салбарт ажилласан туршлагатай байна.

Ямартай ч хуулийн салбарын, төвийг сахисан хүн энэхүү сонгуулийн комисст орох аж. Гэхдээ урьдын адил хоёр талаас өөрсдийн хүнээ зүтгүүлж, бие биеэ хардан хяналт тавих биз ээ.

Энэ мэдээнд өгөх таны сэтгэгдэл?
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

МҮОХ-ы гишүүд дундаасаа сонгох 2021-12-07 192.82.72.15

МҮОХ-ы гишүүд дундаасаа, сонгуульд нэр дэвшээгүй, хууль эрх зүйн мэдлэгтэй, нөлөөнд автахгүй, төвийн сахисан хүнийг сонгох хэрэгтэй дээ.

Avatar

Зочин 2021-12-07 192.82.78.166

Сү ч, хулгар ч шалгарсан хулгайч нар МҮОХ-ноос юу авах гээд дайраад байгаа юм болдоо…

Avatar

зочин 2021-12-07 202.55.188.90

За ёстой спортын халуун тогоонд чанагдсан хүн л Монголд болох олон олон тэмцээний гол зохион байгуулагч, удирдагч, гадаад дотоодын олон олон чанга эрсүүдэд шагналыг нь гардуулагч байсан нь дээр биз дээ. Тэрнээс биш хэнд ч мэдэгдэхгүй нэг залуугаас шагнал авах нь битгий хэл тоож Монголд ч ирэхгүй байж мэдэх л юм. Олон олон уралдаан тэмцээн зохион байгуулах гээд дэлхийн хүчтэнгүүд ирэх гээд хүлээгээд байдаг, хэн гээч спортын алдартан нь урих бол гээд хүлээж байгаа нь тодорхой..

Avatar

Зочин 2021-12-07 66.181.178.113

За тэгээд алалцаад байждээ…Мань мэт яахав дээ ..хоосон хараад суухаас өөрч яах ч билээ

Avatar

зочин 2021-12-07 64.119.16.105

Женко л санаатай самраад байнаа биз дээ, энэ хүнийг одоо бүх салбараас шахаж гавьяных нь амралтанд гаргах болсон байхаа, улс орны хөгжил дэвшилд их ч гай боллоо, одоо бас спортын салбарыг самрах санаатай

Avatar

Амараа 2021-12-07 103.212.119.91

Жэнко с** аль хэдийн худалдаад авчихсан шдээ

Avatar

БАТТУЛГААС Л ООР ХУН БОЛООСОЙ 2021-12-07 122.201.22.160

БАТТУЛГААС Л ООР ХУН БОЛВОЛ ХЭН Ч БАЙСАН БОЛНОО

NewsMN Гар утасны хувилбар Татах
NEWS.mn

Мэдээллийн эх сурвалж