Украины хувь заяаг Путин, Байден нар шийднэ | News.MN

Украины хувь заяаг Путин, Байден нар шийднэ

Украины хувь заяаг Путин, Байден нар шийднэ

Украины хувь заяаг Путин, Байден нар шийднэ

ОХУ-ын ерөнхийлөгч Владимир Путин, АНУ-ын төрийн тэргүүн Жо Байден нарын цахим уулзалт маргааш (2021.12.7) болно. ОХУ-аас цэргийн хүчээ Украины хилийн дагуу байршуулсан эгзэгтэй үед Байден, Путин нарын уулзалт олон улсын анхаарлыг татаж байна. Барууныхны зүгээс Оросыг хэзээ мөдгүй Украиныг эзлэн түрэмгийлэх нь гэж хардан хариу арга хэмжээнүүдээ боловсруулж эхэлсэн бол Москвагийн зүгээс Умард Атлантын цэргийн эвсэл (NATO) ОХУ-ын хилд ойртсоор буй тул хамгаалалтаа чангатгаснаа тайлбарлажээ. Удирдагч нарын уулзалтын гол мэтгэлцээн нь Путин үнэхээр Киев рүү дайрахаар бэлтгэсэн үү эсвэл хөрш Украиныг “NATO”-гийн бааз болгохын эсрэг Байденыг дарамтлах зорилготой юу гэдгийг тодорхойлох. АНУ болон ОХУ-ын хооронд геополитикийн өргөн хүрээтэй санал зөрөлдөөн, маргаан байдаг. Тухайлбал, хоёр орон Оросын тэрс үзэлтнүүдийг хатуу шийтгэдэг хүний эрхийн асуудлаас эхлээд Сирийн дэглэмийг дэмжсэн Москвагийн байр суурь зэрэг олон улсын асуудалд эсрэг байр суурьтай.

Харин ОХУ-аас 175 мянган цэрэг, армийн техникээ Украины хилийн дагуу төвлөрүүлсэн нь ирэх 2022 оны эхээр дайралт хийхээр төлөвлөж байна гэж АНУ-ын тагнуулын агентлагаас мэдээлжээ. Тагнуулын мэдээлэл АНУ төдийгүй Европ даяар түгшүүрт байдлыг үүсгээд байгаа юм. Гэхдээ олон улсын шинжээчдийн зүгээс Путин шууд Украин руу дайралт хийж олон улсын эсэргүүцэлтэй тулж, шинэ хориг арга хэмжээнд орохгүй гэж харж байна. Гэхдээ зарим шинжээчид нөхцөл байдлыг илүү хүндээр тусган авч байгаа аж. Тухайлбал, Карнеги Москва төвийн улс төрийн судалгааны төвийн зөвлөх Татьяна Становая хэлэхдээ “Путин бооцоогоо огцом өсгөсөн. Тэр цаашид дүр үзүүлэхээ больсон. Тэр сэтгэл шулуудсан алхам хийхэд бэлэн болсон” гэж AFP агентлагт өчигдөр ярьжээ.

БАЙДЕНЫГ СОРИХ НЬ

АНУ-ын 78 настай ерөнхийлөгчийн өмнө тулгарсан гадаад бодлогын том сорилт нь Украины асуудал болж байна. Байден, Путин нар Мягмар гаригийн  (2021.12.7) үдэд цахим уулзалт хийнэ. Тэд анх 2011 онд Кремльд нүүр тулж уулзсан. Тухайн үед Жо Байден дэд ерөнхийлөгч байсан. Тэд дараа нь 2014 онд Женевт уулзаж, Украин дахь Оросын цэргийн хүчний асуудлыг хэлэлцэж байв. Сүүлд энэ оны зургадугаар сард Жо Байден анх удаа АНУ-ын ерөнхийлөгчийн хувиар Путинтэй Женевт уулзсан. Үүнээс хойш Путины зүгээс Байденд үзүүлэх дарамтаа нэмэгдүүлж, тэдний дунд зөрчил хурцадлаа. Тодруулбал, Байден өнгөрсөн Баасан гаригт (2021.12.3) Украин руу дайрвал ОХУ үнэхээр хүнд нөхцөл байдалд орно гэдгийг анхааруулсан юм. Нөгөө талд Путин нь барууныхан болон Киевт хандан “улаан зураас”-ыг давахгүй байхыг сануулжээ. Хариуд нь Байден “Хэний ч улаан зураасыг хүлээж авахгүй” гэсэн юм.

NATO

Украины засгийн газар NATO-той харилцаа тогтоож, гишүүнээр элсэхээс ОХУ нь ихэд болгоомжлон, ийнхүү цэргийн хүчээр дарамталж байна гэж зарим шинжээчид үзэж байна. Тухайлбал, ОХУ-ын гадаад хэргийн сайд Сергей Лавров өнгөрсөн Пүрэв гаригт АНУ-ын талд хандан NATO эвсэл ОХУ-ын хилд илүү ойртохгүй гэх “аюулгүй байдлын баталгаа” өгөхийг хүсч буйгаа илэрхийлсэн. Энэ талаар Татьяна Становая хэлэхдээ, “NATO баталгаа өгөхгүй бол ОХУ-аас Украин руу дайрна” гэжээ. ОХУ нь Украиныг эзлэн түрэмгийлэхийг үгүйсгэж, эсэргээрээ Хар тэнгис дэх Барууны өдөөн хатгасан үйл ажиллагааг буруутгаж байна. “NATO” өнгөрсөн 2020 оны зургадугаар сард Украиныг боломжит хамтрагчаар нэрлэж, гишүүнээр элсэх асуудлыг хөндсөн нь ийнхүү нөхцөл байдлыг хурцатгах үндэс болжээ. ОХУ нь 2014 онд Киевт төрийн эргэлт гарсныг далимдуулан Крым хойгийг Украинаас буцаан авсан. Киевт төрийн эргэлтээр Оросыг дэмжигч ерөнхийлөгчийг зайлуулсныг эсэргүүцэн Украины баруун хязгаарт салан тусгаарлах бослого өрнөснөөр 13 мянга гаруй хүн амь үрэгдсэн билээ.

Энэ мэдээнд өгөх таны сэтгэгдэл?
3
ГайхмаарГайхмаар
1
ХахаХаха
1
ХарамсалтайХарамсалтай
1
БурууБуруу
0
ЗөвЗөв
0
ХөөрхөнХөөрхөн
0
ТэнэглэлТэнэглэл
Баярлалаа!

Холбоотой мэдээ

14 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-12-06 202.126.90.34

Оросыг 16 ремпубликээс нь салгах ёвроп дахь нөлөөг нь устгах ажлыг АНУ улс хийсэн шүүдээ.Натог нааш татахгүй дунд тусгалын пуужингаа устгая гэж хэлж Донолд Рейгён Горбачёвийг хужрч 2500 цөмтйн дунд тусгалын пуужигг нь устгуулж оросыг задруулж тархай бутархай бллгоод хүчгүйдүүлээд Натог бүр Украйных нь хилрүү авчраад ирсэн өөрсдөө амлалтаа зөочсөн улс шүүдээ.Орос одоо Чёчен цэргүүдээ эхлээд Нато Амёрикийг наадуул чинь өлхөн устгага тэгэнгүүт нь цөмийн зэвсгээ ашигла .Нато Гёрманчууд больчих нь до

Avatar

Украйн ТТУ, Хар тэнгис олон улсын нутаг 2021-12-06 112.72.9.126

Путин Орос, ЗХУ ын дээрэнгүй бодлого нөлөөний бүсээ сэргээх, өөрийн ард түмнээ ардяилсан эрх чөлөөтэй болохоос айсандаа яаж ч мэдэхээр болж байга
Гитлерийг Герман үндэстнүүдийг л хамгаална гэхэд итгэн Мюнхэд буудт хийж Чехословакийг эзлүүлснээр Дэлхийн 2 р дайн өдөөх бодолцрр олгосныг баруун мөртаагүй

Avatar

Зочин 2021-12-06 185.220.101.164

*** Шилдэг тавтай морилно уу секс болзоо сайт — https://mysp.ac/50fjz

Avatar

Зочин 2021-12-06 202.9.40.193

Муусайн барууны нохой толгойтнууд дандаа бусдын хэрэгт хошуу дүрхээ болих хэрэгтэй нэг өдөр тэнгэрийн ташуур тэднийг нам дарах болно халуун тамд бүгд сөнөх болтугай

Avatar

Зочин 2021-12-06 66.181.191.239

Үнэндээ НАТО бага багаар ОХУ -ын хил рүү ойртож байгаа учир Оросууд зүгээр суухгүй нь тодорхой.

Avatar

РАВДАН 2021-12-06 66.181.161.24

УГААС ШИЙДЧИХСЭН. УКРАЙН БОЛ ОРОСЫН НӨЛӨӨНИЙ БҮС ГЭЭД ТОХИРЧИХСОН.!

Avatar

Оноч 2021-12-06 119.40.98.106

Гэхдээ, нэг асуудал байгаа. АНУ шууд хүлээн зөвшөөрч болохгүй нэг асуудал нь Украйны өмнө хүлээсэн 1 үүрэг. Нутаг дэвсгэрийн бүрэн бүтэн байдалд баталгаа өгсөн. Орос, Америк 2-лаа. Тэгж байж цөмийн зэвсгийг нь авсан юм. Одоо харин орос болохоор тэр хамаагүй, украйнд байгаа оросууд тэгж хүсээд гээд муричаад байгаа юм. Нөгөө талаар Баруун Оросыг ийм байдалд оруулсан. Цаанаас нь тэлээд байхаар, одоо тэгээд яахавдээ… хэцүү ч юм. АНУ ил хүлээн зөвшөөрч чадахгүй байх.

Avatar

РАВДАН 2021-12-06 66.181.161.24

АМЕРИКЧУУД 5 ТЭРБУМ ДОЛЛАР ЗАРЦУУЛААД ХООСОН ХОЦРОХ ХЭЦҮҮ Л БАЙГАА. УКРАЙН ОРОС 2 БОЛ ҮНДСЭНДЭЭ ШАШИН ШҮТЛЭГ УГСАА ГАРАЛ ХЭЛ СОЁЛЫН ХУВЬД САЛГАЖ ОЙЛГОХОД БЭРХ ҮНДЭСТЭН.

Avatar

Зочин 2021-12-06 202.126.89.177

Xudlaa tsetsrexeed yaxab margaash yu boloxiig chi baitugai burxad ch medexgui gants ynen ni ukrain bol putinii guilgachin oros bish

Avatar

болдоо 2021-12-06 150.129.143.113

энэ балиар хулмас оросыг бүрмөсөн бөмбагдах хэрэгтэй …..

Avatar

Оноч 2021-12-06 119.40.98.106

Тэгээд яаж ч хүсээд яаж ч чадахгүй нь дээ. Одоо тэгээд яахав, атаархадаг л байхдаа. Нэгэнт оросыг дийлэхгүйгээс хойш, жаахан маажиж хорлох юм бодно байгаа.

Avatar

РАВДАН 2021-12-06 66.181.161.24

ОРОСЫН ПОЛЬШ ГАРАЛТАЙ ЖАНЖИН ЗАЛУУ ХҮҮХНҮҮДТЭЙ ЗУГААЛААД БАЙЖ Л ДЭЭ. ТЭГТЭЛ СТАЛИНД ТЭР ЖАНЖНЫГ МАТАЖ ГЭНЭ. СТАЛИН ТЭР МАТААЧИД ГҮЭЭ ТЭГЭЭД БҮГДЭЭРЭЭ РОКОСОВСКИЙД АТААРХАЦГААЯ Л ДАА ГЭЖ ХЭЛЖЭ!

Avatar

Лхагва очир 2021-12-06 66.181.161.23

Одоояахвэдээ нэгэнт орсыг яөж ч чадахгүйгээс хойш дэмий л атаархан хорсож үсээ үгтээхээс Боломж гаовал жоохон хорлож хохироох арга хайдаг байхдаа

Avatar

Маргааш хар 2021-12-06 112.72.9.126

СүрхийПутингаа

NewsMN Гар утасны хувилбар Татах
NEWS.mn

Мэдээллийн эх сурвалж