Хүннү-Археологийн шинэ нээлтүүдийг дэлгэлээ | News.MN

Хүннү-Археологийн шинэ нээлтүүдийг дэлгэлээ

Хүннү-Археологийн шинэ нээлтүүдийг дэлгэлээ

Хүннү-Археологийн шинэ нээлтүүдийг дэлгэлээ

Үндэсний түүхийн музейд өнөөдөр /2021.11.30/ “Хүннү-Археологийн шинэ нээлт” тусгай үзэсгэлэн нээлтээ хийлээ.


Шинжлэх ухааны академийн Археологийн хүрээлэн, ОХУ-ын ШУА-ийн Сибирийн салбарын Археологи-этнографийн хүрээлэнтэй хамтарч 2006-2015 оны хооронд Ноён уулын дурсгалт газарт Хүннүгийг язгууртны дөрвөн булш, дагуул дөрвөн булшийг орчин үеийн арга зүйн дагуу малтлага судалгаа хийсэн ховор бүтээлүүдээс тус музейд дэлгэн харуулав.

Малтлагаар нийт 1300 гаруй биет олдвор хэрэглэгдэхүүн илрүүлэн олсон бөгөөд тэдгээрээс 400 гаруй бүтээлийг ийнхүү олон нийтэд дэлгжээ. Энэ судалгааны үр дүнд өмнө нь бүтэн байдлаар илэрч байгаагүй нэхмэл эдлэл, Ромын эзэнт гүрнээс гаралтай мөнгөн хөөмөл чимэг, домгийн амьтдын дүрст адууны мөнгөн тоног зэрэг ховор олдворууд илэрсэн нь Хүннү судлалд шинэ эх хэрэглэгдэхүүн бий болгосон “шинэ нээлт” болсон байна.

Монголын эртний нүүдэлчдийн анхны төрт улс Хүннү гүрний ихэс язгууртны булш, оршуулга бүхий Ноён уулын дурсгал нь Хүннү судлалд томоохон байр суурь эзэлдэг. 1924-1925 онд Оросын судлаач П.К.Козловын удирдсан “Монгол-Түвдийн шинжилгээний анги” Ноён уулын дурсгалт газар анх археологийн малтлага судалгаа хийснээр Хүннүгийн соёлын биет өвийг нээж олсон бөгөөд уг үйл явдлыг ХХ зууны их нээлтийн нэг гэж үздэг.

Энэхүү тусгай үзэсгэлэнд Ноён уулын дурсгалт газарт Монгол-Оросын хамтарсан экспедицийн малтлага хийсэн Хүннүгийн язгууртны булшнаас илэрсэн олдворуудаас сонгосон 200 гаруй дэсийн 400 орчим зүйлсийг дэглэн үзүүлж байна.

Археологийн малтлага судалгааны ажлын дараа олдвор хэрэглэгдэхүүний сэргээн засварлалт, лабораторийн нарийвчилсэн шинжилгээний ажил бүрэн хийснээр энэ жил судалгааны үр дүнг олны хүртээл болгох боломж ийнхүү бүрджээ. Үзэсгэлэнг ШУА-ийн Археологийн хүрээлэн, Монголын Үндэсний музей хамтран зохион байгуулж байгаа бөгөөд Соёлын Яам, Соёл урлагийг дэмжих сангийн санхүүжилтээр хэрэгжүүлж буй төсөл юм.

Энэ мэдээнд өгөх таны сэтгэгдэл?
3
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

6 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-11-30 185.100.87.72

!!!!!!!!! Шилдэг тавтай морилно уу секс болзоо сайт — https://mysp.ac/50fjz

Avatar

Зочин 2021-11-30 64.119.21.127

Козловын Ноён уулын булшны олдворуудаа Оросоос нэхээд авах МАНгар бн уу. Гэрээ нь, олон улсын конвенци практик нь бн ш дээ.

Avatar

Хотын уугуул иргэн 2021-11-30 66.181.178.113

Ямар зорилгоор нэхэх гээд байна. Авч ирж байгаад урд хөрш руу гаргаж зарах уу. Тэндээ байсан нь дээр.. Арслантай гүүрний 2 арсланг аль хэдийнээ хулгайд алдсан шүү.

Avatar

Dr. louis 2021-11-30 31.210.96.77

Та бөөрөө зармаар байна уу?
Та санхүүгийн хямралын улмаас бөөрөө мөнгөөр зарах боломжийг хайж байна уу? Та юу хийхээ мэдэхгүй байна уу? Өнөөдөр бидэнтэй dr.louisclinic@gmail.com хаягаар холбогдоорой, бид танд бөөрөнд сайн үнэ санал болгох болно. Яаралтай бөөр хэрэгтэй байна манай эмнэлэгт эсвэл +60166647826 утсаар холбогдоорой
Имэйл: dr.louisclinic@gmail.com
WhatsApp: +60166647826
Үнэ: $650,000usd!!

Avatar

Guest 2021-11-30 103.26.195.117

Chi yasan shunaltai muu hujaa ve?

Avatar

Зочин 2021-11-30 17.150.210.43

$780000 bsnaa tataad $650000 bolchij bgamu?

NewsMN Гар утасны хувилбар Татах
NEWS.mn

Мэдээллийн эх сурвалж