ХААН Банк ТоС форумд амжилттай оролцлоо | News.MN

ХААН Банк ТоС форумд амжилттай оролцлоо

ХААН Банк ТоС форумд амжилттай оролцлоо

Байгаль орчин, нийгэмд ээлтэй үйл ажиллагааг нэвтрүүлэх, тогтвортой хөгжил, ногоон эдийн засгийн өсөлтийг дэмжих зорилгоор 2013 онд Монголын арилжааны банкууд Тогтвортой санхүүжилт (ТоС)-ийн хөтөлбөрт нэгдэж, ТоС-ийн 8 зарчмыг  хэрэгжүүлж эхэлсэн билээ. Үүнээс хойш ТоС хөтөлбөр нь банкны салбараас тэлж, Тогтвортой санхүүжилтийн холбоо болон өргөжжээ. Тодруулбал, олон салбарт хариуцлагатай бизнес эрхлэхэд зориулан банкууд санхүүгийн дэмжлэг үзүүлэхдээ байгаль орчин, нийгэмд учруулж болзошгүй эрсдэлийг тооцох тогтолцоогоо улам сайжруулж, ногоон эдийн засгийг хөгжүүлэхэд хувь нэмрээ оруулж байгаа юм.

ТоС холбоо улирч буй ондоо хийсэн ажлаа дүгнэн, ирэх жилийн төлөвлөгөөг хэлэлцдэг ээлжит форум “Эерэг өөрчлөлтийг санхүүжүүлье!” уриан дор  болж, өнөөдөр өндөрлөлөө. Энэ удаагийн арга хэмжээг биечилсэн болон цахим хэлбэрээр зохион байгуулснаараа онцлог болсон билээ. Форумын хүрээнд зохион байгуулсан “Тогтвортой бизнесийн салбарууд” хэлэлцүүлэгт  ХААН Банкны Байгууллагын банк хариуцсан дэд захирал Т.Ууганбаяр оролцон банкны тогтвортой санхүүжилтийн үйл ажиллагаа, ногоон зээл, түүнийг санхүүжүүлэх эх үүсвэрийг хэрхэн татдаг, энэ чиглэлд амжилттай хэрэгжүүлж буй ажлын туршлагаасаа хуваалцсан байна.

Тэрбээр “ТоС хөтөлбөрт нэгдсэн тэр үеэс эхлэн банкууд байгаль орчин, нийгмийн эрсдэлийн удирдлагын дотоод бодлого журмаа сайжруулахын зэрэгцээ тогтвортой санхүүжилтийн эх үүсвэрийг өөрсдөө олон улсаас татах чадамжаа улам бэхжүүлсээр ирлээ. Цаашид харин бид харилцагчдаа чадавхжуулах, ногоон зээл, санхүүжилт дэмжлэгээр дамжуулан дотоодын бизнесүүдээ байгальд ээлтэй, ногоон болгох, хариуцлагажуулах ажилд хамтдаа зүтгэх цаг иржээ” гэж онцолсон билээ.

Ташрамд, энэхүү хэлэлцүүлгийн үеэр ХААН Банкны ногоон зээлийн бүтээгдэхүүнийг цахимаар танилцуулж, нийгмийн хариуцлагын хүрээнд хийж буй ажлууд, Даян дэлхийн гэрээний гишүүнчлэлийн талаарх мэдээлүүдийг хуваалцсан юм. Мөн энэ сарын 16-25-ны хооронд тогтвортой санхүүжилтийн тухай мэдээллийг олон нийтэд  хүргэх ТоС Форум 2021 аяныг өрнүүлж ажилласан байна.

ТоС-ын 8 зарчмын дагуу байгаль орчинд ээлтэй, тэгш эрх, хүртээмжийг нэмэгдүүлэх, соёлын өвийг хамгаалах, ногоон эдийн засгийн өсөлтийг дэмжих, ил тод хариуцлагатай байдлыг дэмжихэд ХААН Банк манлайлан ажиллахыг зорьж буй.

Энэ мэдээнд өгөх таны сэтгэгдэл?
1
ЗөвЗөв
1
ТэнэглэлТэнэглэл
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

NewsMN Гар утасны хувилбар Татах
NEWS.mn

Мэдээллийн эх сурвалж