Жүжигчин Киану Ривз болон Винона Райдер нарын "гэрлэлт" нь Холливудын хамгийн урт настай гэрлэлтүүдийн нэг байж мэдэх юм.

Райдер бид хоёр 1992 онд  Дракула киноны Румынд болсон хуримын зураг авалтын үеэр  "адислал хүртэж гэрлэчихсэн" гэж Ривз нэгэнтээ хэлж байжээ. Ривз хэлэхдээ “Бид жинхэнэ санваартнуудтай хамтарч хуримын ёслолын зураг авалтаа хийж байлаа. Ингээд бид гэрлэлээ гэж Винона хэлж байсан, Коппола ч бас. Тийм болохоор бид бурханы адислал дор гэрлэчихлээ л гэж би бодсон” гэжээ.

Хоёр жүжигчин 2018 онд "Destination wedding" нэртэй романтик инээдмийн кинонд дахин хос болсон. Тухайн үед "Entertainment weekly"-д өгсөн ярилцлагадаа, "Өөрсдийгөө гэрлэчихсэн хосууд гэж боддог" гэж Райдер хэлж байжээ.

Райдер тэр хуримын ёслолын үеэр “Зөвшөөрч байна” гэж хэлснээ болон бусад зүйлсийн талаар Ривзэд сануулан, “Чи санаж байна уу? Тэгэхэд Валентины өдөр байсан шүү дээ” гэж асуухад, “Өө бурхан минь, бид гэрлэчихжээ” гэж Рийвс хариулж байв.

ЭХ СУРВАЛЖ: CNN

М.НАРАНЖАРГАЛ