Гадаад руу зорчих иргэдийн анхааралд | News.MN

Гадаад руу зорчих иргэдийн анхааралд

Гадаад руу зорчих иргэдийн анхааралд

Гадаад руу зорчих иргэдийн анхааралд

Визний зөвшөөрлийн хүсэлтийг ирэх сарын 1-нээс цахимаар хүлээн авахаар болжээ. Үүнтэй холбоотойгоор хил нээж магадгүй гэсэн таамаг иргэдийн дунд байгаа бөгөөд гадаад руу зорчих иргэдэд шаардлагатай мэдээллийг нэгтгэн хүргэж байна.


ӨНӨӨДРӨӨС ХОЙШ ТӨЛӨВЛӨГӨӨТ 16 НИСЛЭГ ХИЙНЭ

Арваннэгдүгээр сарын олон улсын нислэгийн хуваарийн дагуу энэ сард нийт 39 удаагийн тусгай нислэг төлөвлөсөн. Тухайлбал Сөүл, Токио, Истанбул, Алматы, Франкфурт чиглэлд агаарын тээврийн "МИАТ" ТӨХК, Хүннү Эйр, Аэромонголиа компани болон Korean Аir, Turkish Аirlines, Asiana Аirlines компани нислэг үйлдэх хуваарьтай байгаа юм. Өнөөдрөөс буюу 25-наас хойш нийт 16 нислэг хийх бөгөөд гадаад руу зорчих иргэд халдвар хамгаалалтын дэглэмээ сайтар баримтлахыг анхааруулж буй.

Хуваарьт нислэгээс гадна зорчигчдын хүсэлт, эрэлтийг харгалзан агаарын тээвэрлэгчид нисэн очих улсын хилийн хориг, хязгаарлалтгүй тохиолдолд захиалгат нислэг үйлдэнэ. Тиймээс гадаадын улс оронд зорчих иргэдийн гол анхаарах зүйл нь вакцины нэмэлт тундаа хамрагдсан, Covid-19-өөр өвдөөд эдгэснээ нотлох баримттай байх нь чухал.

Улс орон бүр ямар вакцинтай иргэдийг хилээр нэвтрүүлэх зохицуулалт нь өөр өөр байгаа. Харин спутник вакцины тунтай АНУ, Канад зэрэг улс руу зорчих гэж буй иргэд дөрөв дэх тунгаа ХӨСҮТ-д өргөдөл гаргаад хийлгэсний үндсэн дээр явж байгаа гэдгийг анхаарах нь зүйтэй.

ИРЭХ САРЫН 1-НЭЭС ВИЗИЙН ХҮСЭЛТИЙГ ЦАХИМААР АВЧ 5 ХОНОГТ ШИЙДВЭРЛЭНЭ

Гадаадын иргэн, харьяатын газар иргэдийн биечлэн ирэх ачааллыг бууруулах, үйлчилгээний шат дамжлагыг багасгах зорилгоор үйлчилгээгээ үе шаттайгаар цахимжуулж эхэлжээ. Тодруулбал, бүх төрлийн визийн зөвшөөрлийн хүсэлтийг арванхоёрдугаар сарын 1-нээс цахимаар хүлээн авахаар болсон байна.

Визний зөвшөөрөл гэдэг нь виз олгох эрх бүхий байгууллагаас Монгол Улсаас хилийн чанадад суугаа Дипломат төлөөлөгчийн газарт гадаадын иргэнд виз олгохыг зөвшөөрч олгосон баримт бичгийг хэлдэг бөгөөд Гадаадын иргэн, харьяатын газраар үйлчлүүлж буй иргэдийн дийлэнх хувь нь уг үйлчилгээг авдаг.

Энэхүү үйлчилгээ цахимжсанаар гадаадын иргэнийг урьж буй иргэн, аж ахуйн нэгж, байгууллагууд заавал биечлэн ирж цаг хугацаа алдахгүйгээр байгаа газраасаа https://immigration.gov.mn/mn/ сайтад хандан, визийн зөвшөөрлийн хүсэлтээ илгээх боломжтой болж байна.

Визний зөвшөөрлийн хүсэлтийг яаралтайгаар ажлын гурван хоног, энгийнээр ажлын  хоногт багтаан шийдвэрлэнэ. Цахимаар визний зөвшөөрөл хүсэх иргэд: 

  • https://immigration.gov.mn/mn/ хандах,
  • “Визний зөвшөөрөл” хэсэг рүү нэвтэрч, тухайн иргэний ирэх хугацаа, зорилгод тохирсон ангиллыг сонгох,
  • Мэдээлэлтэй танилцаж, “Цахимаар үйлчилгээ авах” хэсгийг дарах,
    Цахим үйлчилгээний системд бүртгүүлж, нэвтрэх эрх үүсгүүлэх
  • Бүрдүүлсэн баримт бичгээ зааврын дагуу оруулж, хүсэлтээ илгээж
  • Визийн зөвшөөрлийн дугаарыг бүртгэлтэй утасны дугаарт мессежээр илгээх юм байна.

Харин гадаадаас ирэх иргэд нислэгийн хуваарийн дагуу тасалбар захиалахдаа агаарын тээвэрлэгчдэд шууд хандах аж.

ГАДААД УЛС ОРНООС МОНГОЛД ИРЖ БАЙГАА ИРГЭД ДАРААХ ШААРДЛАГЫГ БИЕЛҮҮЛЭХ ЁСТОЙ

Бусад улс орноос Монгол руу ирж байгаа иргэдэд дараах шаардлагыг тавьж байгаа. Үүнд:

  • Хилийн боомтоор нэвтрэхээс өмнөх 72 цагийн дотор PCR шинжилгээ хийлгэсэн, шинжилгээний “сөрөг” хариутай байна. Өвдөөд эдгэрсэн тохиолдолд эдгэрснийг нотлох баримт бичгийг үзүүлэн хилээр нэвтэрнэ.
  • Түүнчлэн Covid-19-ийн эсрэг вакцины бүрэн тун авснаас хойш 14 хоногийн хугацаа өнгөрсөн бол, эсвэл өвдөөд эдгэрснийг нотлох баримт бичигтэй тохиолдолд гэрийн тусгаарлалтад орохгүй юм.
  • Харин, Covid-19-ийн эсрэг вакцинд хамрагдаагүй, бүрэн тун хийлгээгүй, бүрэн тунд хамрагдсанаас хойш 14 хоног болоогүй, вакцины дараах 14 хоног өнгөрсөнч гэр бүлийн болон асран халамжинд байгаа 0-18 насны вакцин хийлгээгүй хүүхэдтэй хамт ирсэн хүн долоо хоногийн хугацаанд гэрийн тусгаарлалтад байх шаардлагатай.

Эдгээр тохиолдолд ирсэн даруйд оршин суугаа нутаг дэвсгэрийн харьяа өрхийн эмнэлэгтээ гадаадаас ирж, гэрийн тусгаарлалтад орсон тухайгаа мэдэгдэн, өрхийн эмчийн хяналтад орно. Гэрийн тусгаарлалтын хугацаанд гэртээ зочин урихгүй байх, олон нийтийн газар явахгүй байх зэрэг халдвар, хяналтын дэглэм сахихаас гадна биеийн халууныг тогтмол хянаж, Covid-19-ийн сэжигтэй шинж тэмдэг илэрвэл яаралтай өрхийн эмнэлэгтээ хандаж,  PCR шинжилгээнд хамрагдах хэрэгтэй. Эмнэл зүйн шинж тэмдэг илрээгүй тохиолдолд хөл хориог дуусгаж хэвийн амьдралын горимд шилжих аж.

Энэ мэдээнд өгөх таны сэтгэгдэл?
4
ЗөвЗөв
1
ГайхмаарГайхмаар
1
БурууБуруу
0
ХахаХаха
0
ХөөрхөнХөөрхөн
0
ХарамсалтайХарамсалтай
0
ТэнэглэлТэнэглэл
Баярлалаа!

Холбоотой мэдээ

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-11-25 104.244.75.225

======= Шилдэг тавтай морилно уу секс болзоо сайт — https://mysp.ac/50fjz

Avatar

Зочин 2021-11-25 192.82.78.143

Хараа хяналтгүй нээгээд гоё юм болох байхдаа. Дараагийн давлагаанаар уулзацгаая. хахаха

Avatar

Зочин 2021-11-25 202.179.26.191

нээхгүй яадаг юм бэ, монголчууд бүгд л өвдөөд эдгэрсэн. одоо хилээ нээж хэвийн амьдралдаа орцгооё. шинэ давалгаа ирнэ хөл хорьё гэдэг хүмүүс бол зүгээр сууж цалин авдаг төрийн хувалзнууд л байгаа

NewsMN Гар утасны хувилбар Татах
NEWS.mn

Мэдээллийн эх сурвалж