Монголын оюутны спортын холбооны ээлжит чуулган боллоо | News.MN

Монголын оюутны спортын холбооны ээлжит чуулган боллоо

Монголын оюутны спортын холбооны ээлжит чуулган боллоо

Монголын оюутны спортын холбооны ээлжит чуулган боллоо

Монголын оюутны спортын холбооны (МОСХ) ээлжит чуулган нь 2021 оны арваннэгдүгээр сарын 19-нд Горхи-Тэрэлжийн байгалийн цогцолборт газрын "Red Rock" хурал, амралтын төвд амжилттай зохион байгууллаа. Чуулганд төв ба орон нутгийн тухайлбал Архангай, Баян-Өлгий, Говь-Алтай, Дархан-уул , Дорноговь, Увс, Ховд зэрэг аймгуудын 30 орчим их, дээд сургууль, коллежийн 70 гаруй багш, оюутан, удирдах ажилтнууд оролцов. Урилгаар спортын холбоод, байгууллага, МОХ-ны удирдлагууд оролцсон.

Чуулганаар МОСХ-ны 2017-2021 оны үйл ажиллагааны тайланг МОСХ-ны Ерөнхийлөгч, ОУОСХ-ны Ерөнхий санхүүч Д.Баясгалан, хяналтын зөвлөлийн тайланг Мон-Алтиус БТДС-ийн захирал, хяналтын зөвлөлийн дарга М.Өсөхбаяр, 2022-2025 оны ажлын стратегийн зорилтыг МОСХ-ны Ерөнхий нарийн бичгийн дарга, Азийн ОСХ-ны дэд ерөнхийлөгч Д.Жаргалсайхан, МОСХ-ны дүрмийн шинэчилсэн найруулга, зохион байгуулалтын асуудлыг ХААИС-ийн захирал, МОСХ-ны дэд ерөнхийлөгч Т.Хэрүүга нар хэлэлцүүлэн, удирдан явуулав.

Хэлэлцсэн асуудалтай холбогдуулан, ерөнхий санал,шүүмжлэл явагдан төлөөлөгчид идэвхтэй оролцон, төгсөлд нь 11 тогтоолыг батлан гаргав. Төлөөлөгчид МОСХ-ны 2017-2021 оны үйл ажиллагаа амжилттай явагдсан гэж санал нэгтэй сайшаан үзж, цаашид хэрэгжүүлэх ажлын зорилтыг тодорхойлсон байна. Мөн  МОСХ-ны дүрмийн шинэчилсэн найруулгыг хэлэлцэн батлав.

Чуулганаар зохион байгуулалтын асуудал хэлэлцэн МОСХ-ны Ерөнхийлөгчөөр, ОУОСХ-ны ерөнхий санхүүч Д.Баясгаланг сонгон батлав. МОСХ-ны дэд Ерөнхийлөгчөөр ХААИС-ийн захирал Т.Хэрүүгаг,  МОСХ-ны Ерөнхий нарийн бичгийн даргаар  гавьяат дасгалжуулагч Д.Жаргалсайхан нарыг 2025 оныг хүртэл дөрвөн жилээр сонгов.  Удирдах зөвлөлд ЭТТ ХК-ийн захиргаа удирдлагын газрын дарга Х.Батсайхан, ҮБТДС-ийн дэд захирал, ШУ-ны доктор Л.Гүндэгмаа, МУИС-ийн БТ-ын тэнхимийн эрхлэгч Л.Эрдэнэпүрэв, Сити их сургуулийн ТУЗ-ийн дарга Д.Мөнх-Эрдэнэ, МУБИС-ийн БТС-ийн захирал Г. Энхсайхан, ШУТИС-ийн БТ-ын тэнхимийн эрхлэгч О.Баатарзоригт, “Аварга” БТДС-ийн багш Г. Ундрах, Оюутны сагсан бөмбөгийн холбооны Ерөнхийлөгч О.Тэнүүн нарыг нэр дэвшүүлэн Чуулганы төлөөлөгч нарын дундаас сонгож баталсан байна.

Хяналтын зөвлөлийн даргаар Мон-Алтиус БТДС-ийн захирал М.Өсөхбаяр, гишүүнд МУБИС-ийн профессор, гавьяат багш Л.Цэрэнсодном, Говь-Алтай АШУҮИС-ийн захирал М.Банзаагаяа нарыг сонгон батлав. Ийнхүү МОСХ-ны ээлжит VIII Чуулган 2020 оны 11 дүгээр сард явагдах байсан ч, ковидын улмаас нэг жилээр хойшлогдон ийнхүү үүргээ амжилттай биелүүлэн өндөрлөлөө.

Чуулганы төгсгөлд “Монгол Улсын оны шилдэг оюутан тамирчин”-ны шагналыг гардуулан  2020 оны шилдэг тамирчнаар Ази тивийн оюутны шатрын онлайн тэмцээний хошой аварга, Мон-Алтиус БТДС-ийн оюутан, ДШХМ, Э. Хулан, 2021 оны шилдэг тамирчнаар Азийн тивийн оюутны аварга шалгаруулах чирлидингийн онлайн тэмцээний мөнгөн медаль хүртсэн, ҮБТДС-ийн оюутан, спортын мастер  Б.Шүрэнцэцэг нар шалгарч МОСХ-ны “Шилдэг оюутан тамирчин”-ны өргөмжлөл, цом, үнэ бүхий зүйлээр шагнагдсан байна.

Энэ мэдээнд өгөх таны сэтгэгдэл?
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-11-22 185.220.100.254

!!!!!!! Шилдэг тавтай морилно уу секс болзоо сайт — https://mysp.ac/50fjz

Avatar

Зочин 2021-11-22 66.181.181.61

Спортын холбооны ажилтнаа цалинжуулдаг, байнгын үйл ажиллагаатай, ажлын байрны өрөөтэй, туршлага, чадвартай мэргэжилтэнүүдтэй байхад ажил явна даа.

Avatar

ЗОЧИН 2021-11-22 202.21.126.30

ГҮЙЭ ОВОО ШДЭЭ. ХЭРҮҮЛ ТЭМЦЭЛ, ХУВААГДАЛ, ХАРААЛГҮЙ ГАНЦ ХУРАЛ БОЛЖ. ХЭЛ ҮГ ИХТЭЙ СПОРТ ХОЛБООД САНАА АВААСАЙ, САГСАН БӨМБӨГ ЭНЭ ТЭР ГЭЭД ХЭЦҮҮ ШҮҮ. УЛЦГАР ӨВГӨН ЦЭВЭРБАЛ ЭНЭ ТЭР ОДОО БАЙРАА ТАВЬЖ ӨГӨХ БОЛСОН ДОО.

NewsMN Гар утасны хувилбар Татах
NEWS.mn

Мэдээллийн эх сурвалж