УИХ жолоочийн даатгалын тухай хуулийг дэмжсэнгүй | News.MN

УИХ жолоочийн даатгалын тухай хуулийг дэмжсэнгүй

УИХ жолоочийн даатгалын тухай хуулийг дэмжсэнгүй

УИХ жолоочийн даатгалын тухай хуулийг дэмжсэнгүй

УИХ дахь МАН-ын бүлэг Жолоочийн даатгалын тухай хуулийн шинэчилсэн найруулгын төслийг дэмжихгүйгээ илэрхийлсэн. УИХ-ын чуулганы Пүрэв гаригийн  нэгдсэн хуралдаан дээр УИХ-ын гишүүн С.Ганбаатар “МАН-ын бүлэг даатгалын компаниудад худалдагдаж, барьцаалагдсан. Хахууль авсан. Жолоочийн албан журмын даатгалыг УИХ-ын чуулганаар хэлэлцэх ёстой. МАН-ын бүлэг үүнийг эргэж нэг хараач" гэх горимын санал гаргасан. Улмаар УИХ өчигдөр /2021.11.19/ дээрх хуулийн төслийг хэлэлцээд хэлэлцэхээс татгалзан  хууль санаачлагч Т.Аюурсайхан нарын гишүүдэд буцаав.

ЖОЛООЧИЙН ЭРХ ЗҮЙН БАЙДАЛ ӨМНӨХ ХУУЛИАС ДЭЭРДСЭН ЗҮЙЛ АЛГА

Чуулганы үеэр УИХ дахь МАН-ын бүлгийн дарга Д.Тогтохсүрэн "УИХ дахь МАН-ын бүлэг уг хуулийн төслийг дэмжих боломжгүй гэдэг дээр санал нэгдсэн.  Учир нь жолоочийн эрх зүйн байдал өмнөх хуулиас дээрдсэн зүйл алга. Оруулж ирсэн хуульд Даатгалын корпораци, Үндэсний зөвлөл байгуулах асуудал тусгагдсан байсан. Нэгэнт хэвшсэн асуудлыг Даатгалын үндэсний зөвлөл гэдэг байгууллагаар шийдүүлэх нь буруу. Тиймээс үүнийг төр биш хувийн хэвшил зохицуулах нь зүйтэй гэж үзсэн. Хоёрдугаарт, даатгуулагчийн даатгалын мөнгөөр нөхөн төлбөр олгохоос гадна, сургалт сурталчилгаа явуулах, тээврийн хэрэгсэл жолоодох эрхээ хасуулсан иргэдийг давтан сургалтад хамруулах зэрэгт зарцуулах гэж байгаа нь буруу учраас  дэмжих боломжгүй"гэв. 

БИД ХУВИЙН ХЭВШЛИЙГ ДЭЭРЭМДЭХ ГЭЭГҮЙ

Тус хуулийн төслийг санаачлагч УИХ-ын гишүүн Т.Аюурсайхан "УИХ-ын их олон гишүүн даатгалын компаниудын өмнөөс асуулт асуусан. Харин сонгогч иргэдийнхээ эрх ашгийг хамгаалж асуулт асуусан нь ховор. Ийм тэнцвэргүй хэлэлцүүлэг явагдсан. Даатгалын компаниуд улстөрчдийн санхүүжүүлдэг. Тэд зүй бус ашгаа арван  жил хамгаалуулж байна. Би цааш нь үүнийг бодит жишээтэй нь ярина. Бид хувийн хэвшлийг дээрэмдэх гээгүй. Даатгалын компаниуд зөвхөн хэвлэл мэдээллийн пиарт  зохиулж 300 сая төгрөг зарцуулсан. Би бүлгийн хурал дээр хэний ямар компани үүнийг тараагаад байгаа талаарх мэдээллийг нэртэй нь хэлсэн" гэдгийг онцлов.

ДААТГАЛЫН КОМПАНИУД 120 ТЭРБУМЫН АШИГТАЙ АЖИЛЛАДАГ

УИХ-ын гишүүн С.Ганбаатар "Жолоочийн даатгалын тухай хууль бол өөрөө өөрсдийнхөө төлөө эрсдэлээ хамтаар үүрэх байсан хууль. Энэ нь хувийн өмчтэй хүмүүсийн эрх ашгийг хамгаалах хууль. Үүнийг төрд авах асуудал яригдаагүй. Би уг нь энэ хуулийг чимээгүй дэмжинэ гэж бодсон. Жолоочийн даатгалыг төрд авна гэх хар пиарыг даатгалын 14 компанийн эзэд хийсэн. Зарим гишүүд бас ийм утгагүй зүйл ярьсан.  Даатгалын 14 компани 230 тэрбум төгрөгийг төрийн албан журмын даатгалаар жолоочдоос хурааж авдаг. Үүнээс 110 тэрбум төгрөгийг нөхөн олговорт буцааж өгдөг. Үлдсэн  120 тэрбум төгрөг эдгээр компанийн орлого болдог. Төрийн нэр барьж авдаг гэсэн үг. Өөрөөр хэлбэл, монополь эрхтэй, төрөөс тусгай зөвшөөрөл авсан 14 компани энэ мөнгийг зарцуулж байна.  Үндсэн хуульд төрөөс эдийн засгийг зохицуулна гэж заасан. Төр авна гээгүй зөвхөн  зохицуулалт л хийх гэж байсан. Амь амиа бодоорой гэсэн хатуу ширүүн байдлыг зөөллөх гэж энэ бодлогыг санаачилсан" гэлээ.

Энэ мэдээнд өгөх таны сэтгэгдэл?
2
ТэнэглэлТэнэглэл
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

12 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Заагч 2021-11-20 202.9.47.0

Ялзарсан даатгалаас татгалзая.

Avatar

Зочин 2021-11-20 217.79.178.53

!!!!!!!! Шилдэг тавтай морилно уу секс болзоо сайт — https://mysp.ac/50fjz

Avatar

Зочин 2021-11-20 192.82.72.57

Тогтохсүрэн гуай тогтохгүй байх замаа засчихлаа. Сэтгүүлчид ажиллаж цаад нууцыг нь дэлгэх сэдэв бэлэн болов.

Avatar

МАНгарууд ш дээ 2021-11-20 203.98.77.51

Нямдорж би энэ хуулийг зохиосон ш дээ саймшраад хуцаад байсан яагааад байгаа онохгүй байна. Дахин Сайд болонгуутаа тэр оноо моноо зохиогоод дарамтлаад эхэлсэн ш дээ. Цалигнгаараа амьдардаг гээд хуцаад байсан амьсгаа Ард даатгалаас мөнгө авч байгаа цаагуураа муу хятадын гөлөг бүгдийг нь огцруулаач энэ жолооч нар юундаа давраагаад байгаа юм бэ

Avatar

ХУУЛЬЧ 2021-11-20 192.82.64.190

ДААТГАЛ ОВООЖ ОЦОЙСОН МӨНГӨ ОЛДОГ ГАЗАР БИШ Л ДЭЭ ,,,,,,ТИЙМ БАЙСАН БОЛ ӨДИЙД ТЭТГЭВРИЙН ХӨГШЧУУД 1,000,000/НЭГ САЯ /ТӨГРӨГИЙН ТЭТГЭВЭР АВАХ БАЙСАН БИЗ,,,,,УГ НЬ ДААТГАЛЫН ҮЙЛЧИЛГЭЭ САЙН ДУРЫН БУЮУ АЛБАН ЖУРМЫН БАЙДАГ Л ДАА ,,,,ТЭГЭЭД ТЭР ТЭТГЭВЭРИЙН ДААТГАЛАА 1995 ОНООС АЛБАН ЖУРМЫН БОЛГООД ИРГЭДЭЭ БАЯЖУУЛАХ НЬ ЯАСАН ЮМ БОЛ ,,,,БУСДЫН АЖЛЫГ БУЛААСНААС ТӨР, ЗАСАГ САЙН АЖИЛЛАХ УЧИРТАЙ ДАА ,,,,,

Avatar

Зочин 2021-11-20 66.181.167.243

Даатгалын компаний орлого банкуудыг даваад эхлэчихсэн байгаа

Avatar

иргэн 2021-11-20 103.212.118.148

Дэмжээгүй эсрэг санаг өгсөн гишүүдийг ил тод болгоочээ. Улаан нүүрэн дундуур нь ялзарсан өндөг шидэх юмсан. Хэлэлцүүлгийн явцад сайжруулаад явах боломжтой шүү дээ. Сэтгэлгүй хүмүүст шалтаг мундахгүй гэгчээр ийм үлбэгэр ашиг сонирхолд ил цагаан дөрлүүлсэн парламент засагтай бид азгүй юм. Монголчууд бид байгаа газраа эргэлдэн ухантсаар л үнэт зүйлсээ амин хувь ашиг сонирхолоор зольсоор цаг хугацаа харавсан сум мэт өнгөрч айлын хүүхдүүд мөрөөдлөө биелүүлж үлгэрийн мэт ертөнцийг бүтээсээр байх юм.

Avatar

Зочин 2021-11-20 202.126.89.73

Ганбаатар галзуу нь компаниуд 50 гаруй тэрбум олдог гэж байхад 120 тэрбум гэж хуцаад суух юм даа.Угаасаа тодорхой тооцож болох асуудал.

Avatar

зочин 2021-11-20 202.126.90.62

Жолооч нар Авилгачдыг тэжээх тавилинтай дуугуй д төлцгөө

Avatar

Зочин 2021-11-20 103.57.95.208

Төр даатгалын хувийн хэвшилд хэт давуу эрх олгож байна. Ингэж болохгүй. Хэрэв тийм бол бусад хувийн хэвшилд адилхан давуу эрх өг

Avatar

Зочин 2021-11-20 150.129.142.174

Улсын төсөв түүхэн дэх хамгийн алдагдалтай хууль баталсныхаа дараа даатгалын сангаар шархаа нөхөх гэсэн боловч бүтсэнгүй ээ

Avatar

Зочин 2021-11-20 192.82.91.217

Муусайн луйварёид. МАН олон нийтийн эрх ашгийг хамгаалахгүй бна. Аюурсайхан Ганбахтар нарын зөв. Энэ хууль заавал батлагдах ёстой. МАН-ын бүлэг хахууль авч бна

NewsMN Гар утасны хувилбар Татах
NEWS.mn

Мэдээллийн эх сурвалж