“Энхийг сахиулах ажиллагаанд монгол эмэгтэйчүүдийн оролцоо” сэдэвт хурал боллоо | News.MN

“Энхийг сахиулах ажиллагаанд монгол эмэгтэйчүүдийн оролцоо” сэдэвт хурал боллоо

“Энхийг сахиулах ажиллагаанд монгол эмэгтэйчүүдийн оролцоо” сэдэвт хурал боллоо

Монгол Улсын Ерөнхийлөгчийн Тамгын газар, Гадаад харилцааны яам, Үндэсний аюулгүй байдлын зөвлөлийн Стратеги судалгааны хүрээлэн, Батлан хамгаалахын эрдэм шинжилгээний хүрээлэн хамтран “Энхийг сахиулах ажиллагаанд монгол эмэгтэйчүүдийн оролцоо” сэдэвт эрдэм шинжилгээний хурлыг Үндэсний батлан хамгаалахын их сургуульд зохион байгууллаа.

Эрдэм шинжилгээний хурлыг Монгол Улсын Ерөнхийлөгч, Зэвсэгт хүчний Ерөнхий командлагчийн ивээл дор 2021 онд Монгол Улсад зохион байгуулах Олон улсын энхийг сахиулагчдын чуулга уулзалтын бэлтгэл ажлын хүрээнд зохион байгуулж байгаа юм.

Хуралд Монгол Улсын Ерөнхийлөгчийн Аюулгүй байдал, батлан хамгаалах бодлогын зөвлөх Ц.Тогоо, Батлан хамгаалахын дэд сайд Б.Баярмагнай, НҮБ-ын Суурин зохицуулагч Тапан Мишра, ХБНГУ-ын Фридрих Эбертийн сангийн Суурин төлөөлөгч Бенедикт Ивановс болон бусад албаны хүмүүс, НҮБ-ын энхийг дэмжих ажиллагаанд үүрэг гүйцэтгэсэн алба хаагчид оролцлоо.

Монгол Улсын Ерөнхийлөгчийн зөвлөх Ц.Тогоо эрдэм шинжилгээний хурлаар НҮБ-ын энхийг сахиулах ажиллагаанд үүрэг гүйцэтгэсэн эмэгтэйчүүдийн туршлага, сургамжийг дүгнэн хэлэлцэж байгаа нь цаашдын оролцооны бодлогыг шинжлэх ухааны үндэстэй тодорхойлох, төр, засгийн болон салбарын удирдлагын шийдвэр гаргуулахад ихээхэн ач холбогдолтой гэдгийг онцоллоо.

НҮБ-ын энхийг сахиулах ажиллагаанд 1957 онд анх удаа эмэгтэй энхийг сахиулагч үүрэг гүйцэтгэсэн байна. 2021 оны 9 дүгээр сарын байдлаар НҮБ-ын энхийг сахиулах 12 ажиллагаанд 76 мянга гаруй цэрэг, цагдаагийн алба хаагч үүрэг гүйцэтгэж байгаагийн 7 хувь нь эмэгтэйчүүд байна.

Монгол Улсаас анх удаа 2005 онд Баруун Сахарт явагдаж буй НҮБ-ын энхийг сахиулах “MINURSO” ажиллагаанд ахмад Н.Нямжаргал цэргийн ажиглагч офицероор үүрэг гүйцэтгэсэн юм.

Өдгөө Монгол Улс НҮБ-д цэрэг хандивлагч орнуудаас эмэгтэй энхийг сахиулагчдын тоогоороо 26 дугаар байрт эрэмбэлэгдэж байгаа бол Этиоп болон Руанда улсууд тус бүр 500-аас илүү эмэгтэй энхийг сахиулагчдыг ажиллагааны газар оронд илгээснээр жагсаалтыг тэргүүлж байна.

Эх сурвалж: president.mn

Энэ мэдээнд өгөх таны сэтгэгдэл?
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-11-18 49.0.179.166

Нөгөө … Анжела сайн уу? гэдэг шиг л юм хийж цаг мөнгө үрэх юм даа

Avatar

Зочин 2021-11-18 185.220.102.253

>>> Шилдэг тавтай морилно уу секс болзоо сайт — https://mysp.ac/50fjz

Avatar

zochin 2021-11-18 202.21.100.210

Zartsiig ch bolov hiigeed l yavj baiyaa. Uuruur manaih uudluhgui ee. 2 ih gurnii dund havchuulagdsan Chingisiin zulzaga.

Avatar

Зочин 2021-11-18 2.136.17.240

Энхийг сахиулах гэж дээ барууны орныхны зарцын ажил шүү дээ 😂💩 одоо энэ тэнэглэлээ болимоор юм аа

NewsMN Гар утасны хувилбар Татах
NEWS.mn

Мэдээллийн эх сурвалж