"Элсэн чихэр, ургамлын тос, бор будааг үйлдвэрлэх боломжтой" | News.MN

"Элсэн чихэр, ургамлын тос, бор будааг үйлдвэрлэх боломжтой"

"Элсэн чихэр, ургамлын тос, бор будааг үйлдвэрлэх боломжтой"

"Элсэн чихэр, ургамлын тос, бор будааг үйлдвэрлэх боломжтой"

Хүнс, хөдөө аж ахуй, хөнгөн үйлдвэрийн сайд З.Мэндсайхан болон газрын дарга нар салбарын цаг үеийн асуудлаар өнөөдөр /2021.11.16/мэдээлэл хийлээ. Энэ үеэр дотоодод анх удаа цагаан будаа тариалж, 10 тонныг хураасныг онцлов. Цаашид бор будаа болон ургамлын тос, сахар хүртэл тариалахаар төлөвлөжээ. Дотоодын хүнсний хэрэглээтэй холбогдуулан салбар яамны Хүнсний үйлдвэрийн бодлогын хэрэгжилтийг зохицуулах газрын дарга Л.Чой-Ишээс тодрууллаа.


Замын-Үүд-Эрээний боомт хаагдсантай холбоотой нарийн ногооны хомсдол үүссэнийг төмөр замаар тээвэрлэж зохицуулахаар болсон. Өнөөдрийн байдлаар хэчнээн вагон ачааг татан авав. Нарийн ногоог дотоодод үйлдвэрлэх чиглэлд хэрхэн анхаарч байна вэ?

-Хил хаагдсантай холбоотой нарийн ногоо тасалдсан. Иймд 60 вагон татан авахад импортын нарийн ногоо, бусад бүтээгдэхүүний үнэ тогтвортой болно гэж тооцож буй. Энэ сарын 9-өөс хойш нийт 35 вагон татан авсан. Харин ургамлын тосны үнийн өсөлтийг гүйцэхгүй байна. Одоогоор бид дотоодод үйлдвэрлэлийн хэмжээнд хүрээгүй байгааг та бүхэн мэднэ. Хэрэв үйлдвэр байгууллаа гэхэд 54 нэр төрлийг 30 нь нарийн ногоо байх ёстой.

Үүнтэй холбогдуулан Засгийн газрын хуралдаанаар өвлийн хүлэмж, хөрсгүй тариалалтуудыг нэмэгдүүлснээр өвлийн улиралд нарийн ногооны тариалалтуудаа нэмэгдүүлж дотоодын хэрэгцээг хангах боломж бүрдүүлнэ гэж үзсэн. Хөгжлийн банкнаас тодорхой хэмжээний санхүүжилт гарна байх. Ер нь хөрөнгө оруулалт байж үйлдвэрлэл хөгжинө.

Цагаан будааг дотоодод тариалсан бол бусад өргөн хэрэглээний бор будаа, элсэн чихэр, ургамлын тосыг дотоодод үйлдвэрлэх боломжтой гэсэн үг үү?

-Монгол Улс  27 орчим сая ам.долларын хүнсний бараа бүтээгдэхүүн импортолдог. Үүнийг дотоодын үйлдвэрлэл рүү шилжүүлэх боломжтой. Тухайлбал, ургамлын тосны тариалалттай ч боловсруулах үйлдвэр нь хөл дээрээ босч чадахгүй байна. Хэрэв дотоодын үйлдвэрлэлээ гааль, НӨАТ-аас чөлөөлбөл богино хугацаанд дотоодод үйлдвэрлэх боломжтой. Бидний хувьд тариалалт хийх боломжгүй бүтээгдэхүүн байхгүй гэдгийг цагаан будаа тариалсан аж ахуйн нэгжүүд харууллаа.

Бид анх удаа дотооддоо цагаан будаа 10 тонныг тариаллаа. Худалдааны төвүүдээр “Хөсөг” нэртэйгээр худалдаалагдаж байгаа. Цаашид бор будааг тариалах боломжтой. Ийм туршлага ч бидэнд бий. Экспортлох зорилгоор аж ахуйн нэгжүүд тариалж байсан. Гэвч манай зах зээлийн хэрэглээ нь бага ч өсөх магадлалтай бүтээгдэхүүнүүдийн нэг.

Мөн шар будааны тариалалт дотоодод боломж нь бий. Элсэн чихрийн тухайд дотоодод тариалалтыг Зүүнхараа, Баруунхараад өмнө нь тодорхой хэмжээний туршилтууд эхлүүлсэн. Бидэнд тариалах боломжтой. Гэхдээ зэх зээлийн үнээ импортын бүтээгдэхүүний үнэтэй харьцуулах ёстой. Чихрийн нишингэ, чихрийн манжинг тариалж авдаг. Манай улсад чихрийн манжинг тариалах боломжтой учраас туршилтаа эхлүүлсэн. Эдийн засгийн үр ашгаа тооцож үзнэ. Одоогоор ТЭЗҮ-д ажиллаж байна.

Импортын бараа бүтээгдэхүүнээс гадна дотоодод гурилын үнэ нэмэгдээгүй атал гурилан бүтээгдэхүүний үнэ өсч байгаа шалтгаан нь хил хаагдсантай холбоотой юу?

-Гурилын үнэ тогтвортой байна. Харин гурилан бүтээгдэхүүний  үнэ өсч байгаа нь орц найрлагатай холбоотой болов уу. Хил хаагдсанаар ургамлын тос, элсэн чихэр, чанамал зэрэг  импортоос хамааралтай үнийн өсөлт, хомсдол үүссэн. Бид бүхний анзаарснаар хамгийн тулгамдаж буй асуудал нь сав баглаа боодол. Тухайлбал, “Талх чихэр” компанийн үндсэн нэрийн бүтээгдэхүүн “Атар” талхны сав баглаа боодлын гажилт үүссэн тул  нөөцөөс хамаарч  нийлүүлэлт хийх зохицуулалт хийсэн. Бүр сүүлдээ савлагаагаа хүртэл сольсон. Мөн сав баглаа боодлыг 100 хувь татан авахад урд хөршид хөл хорионы улмаас үйлдвэрүүд доголдсон болов уу гэж харж байна. Мөн тээврийн асуудал ч давхар яригдаж байна.

Олон улсын байгууллагын зөвлөмжүүдийг харахад Хятад ирэх оны гурав, дөрөв, тавдугаар сард хөл хорионы улмаас үйлдвэрлэлийн хувьд гажиг үүсч болзошгүй гэж болгоомжилж байна. Иймд хүнсний бараа бүтээгдэхүүний гол орц, сав баглаа боодол зэргээ нөөцлөхөөс гадна бусад орны татан авалтад анхаарахыг аж ахуйн нэгжүүдэд зөвлөж байна.

Тэгэхээр дахин хүнсний хомсдол үүсч болзошгүй гэсэн үг үү. Эрсдэлээ хэрхэн тооцож байна?

-Хэдийгээр Эрээний тал арваннэгдүгээр сарын 24-нөөс хилээ нээх мэдээлэл байгаа ч бид ачааллыг нэгэн зэрэг хуваарилах зорилгоор бусад боомтоор татан авах боломжийг бүрдүүлэхээр ажиллаж байна.  Одоогийн байдлаар хамгийн найдвартай нь төмөр замын тээвэр. Гэвч ачаалалтай байгаа. Нэн түрүүнд,  нүүрсний барьцалдуулагч, шатахуун, эмнэлгийн ачааг татан авч байна. Дараа нь хүнсний бүтээгдэхүүний импорт эрэмбэлэгдэж байгаа юм.

Бидний зүгээс гол нэрийн бараа бүтээгдэхүүнийг татан авахад голлон анхаарч байна. Хэдийгээр хил нээгдлээ гэхэд  тодорхой хэмжээний ачаалал үүснэ. Үүнээс урьдчилан сэргийлж Ханги-Мандал, Гашуунсухайт, Бичигтийн боомтоор хүнсний бараа бүтээгдэхүүнийг хяналттай,  явуулын лаборатори байгуулах боломжийг бүрдүүлэх шийдвэрийг салбарын яамнаас гаргаад байна.

Өнөөдрийн байдлаар Бичигтийн боомт нээгдсэн бол өнөөдрөөс Ханги-Мандал боомт ажиллана. Мөн Гашуунсухайт боомт тогтмол ажиллаж байгаа. Гэхдээ аж ахуйн нэгжүүдийн хувьд Эрээнд ачаа нь бөөгнөрсөн тул татан авахад тодорхой хэмжээний зардал гарах, Хятадын талын хяналтаас лавлагаа авснаар хөдөлгөөнд орохын тулд цаг хугацаа зарцуулж байна.

Энэ жил ургац арвин байсныг салбарын яам онцоллоо. Гэхдээ хүнсний ногооны доттоодын хэрэгцээний 60 хувийг дотоодод хангахаар байна. Жилийн жилд ургац хураалтыг цаг агаартай холбон тайлбарладаг ч хүнсний ногооны дотоодын хэрэгцээг 100 хувь хангахад хэрхэн анхаардаг вэ?

-Хүнсний ногооны тариалалт өрхийн аж ахуйн хэмжээнд байна. Үүнийг бид томоохон үйлдвэрлэл, аж ахуйн нэгжийн хэмжээнд байлгах шаардлагатай. Үүний тулд технологийн шинэчлэлт хийх, хөрөнгө оруулалт чухал байна. Тиймээс 2022 оноос хүнсний ногооны тариаланчдын зөвлөгөөнийг зохион байгуулж, шаардлагатай санхүүжилт олгоход анхаарна. Ерөнхийдөө цар тахал бидэнд дотоодын үйлдвэрлэлийг бүрдүүлэх таатай нөхцөлийг бүрдүүллээ.

Махны үнэ тогтвортой барих чиглэлд хэрхэн анхаарч байна?

-Махны үнэ сүүлийн долоо хоногт тогтвортой байна. Тухайлбал, хонины махны үнэ найм дахь долоо хоногт буурсан үзүүлэлттэй. Цаашид махны үнэ буурах болов уу гэж харж байна. Шалтгаан нь, цаг агаар тогтвортой байгаа тул махны бэлтгэл орон нутагт жигд биш байгаатай холбоотой болов уу.

Энэ мэдээнд өгөх таны сэтгэгдэл?
7
ЗөвЗөв
1
ХахаХаха
1
ТэнэглэлТэнэглэл
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

17 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-11-16 202.179.24.188

ЧЭЧХҮ ҮЗЭЛ, ХОЙД СО,БИД БҮХНИЙГ ХИЙНЭ,ЦАЦАГТ ХЯРУУЛ ӨСГӨ

Avatar

зочин 2021-11-16 66.181.160.15

Цагаан будааг БНСВУ -д намганд тариалдаг юм билээ. Тийм учраас бүх ажиллагаа гараар хийгддэг. Өдөржин халуун наранд том малгай толгой дээрээ тавиад намган дотор ажилладаг. Ганц ажлын мал нь бөхтэй үхэр байсан боловч тоо тогой нь цөөрсөн. Техник ажиллах боломжгүй хүнд хөдөлмөрийг гүйцэтгэж будаагаа хурааж авдаг учраас ганц ширхэг будаа хаяхыг цээрлэдэг. Манайхаар бол сүү газар дусвал магнайдаа хүргэдэгтэй адил хүндэтгэдэг. Манайд цагаан будааг ихээр тариалаад ашигтай ажиллахад хүнд.

Avatar

Зочин 2021-11-16 192.82.78.115

Боломжоо сайн тооцож бүтэх боломжтой зүйл ярих хэрэгтэй.Сэлэнгийн гурилын үйлдвэрийн дэргэд бүр 1960 оны үед шар будааны цех байгуулж, хэд хэдэн САА-аар бог будаа тариулуулж,улсаас их анхаарсан ч үр дүн гаргаж чадаагүй.Мөн Зүүнхараад чихрийн манжин тариулж бүр 4000 тонныг хураагаад боловсруулах үилдвэр бүтээгүй бүрэн зогссон.Ургамалын тосны ургамал 20 гаруй жил тарьж байгаа ч болосруулж буйа газар хаана байна.Хэрэгжүүлэхэд хүнд ажилд анхааралтай ханд. Хөрөнгө үр дүнгүй зарж хохирох бий…

Avatar

Зочин 2021-11-16 202.9.40.179

тос үйлдвэрлээд их дэлгүүрт зардаг байв даа. их ганган шил ярлик наагаад үнэтэй туссан уу яасан. тэгж их гангалах хэрэггүй шд.

Avatar

ok 2021-11-16 64.119.22.169

эрээнийг хилийг шууд хаах хэрэгтэй, тэгэхгүй бол улс хэзээ баян иргэдтэй болохгүй, үргэлж феодалын үеийн наймаачин сэтгэхүйтэй гаруудаар дүүрнэ, хэзээ ч монгол хүн бүтээгч болхгүй, яахын нэг юм хийж тархиа ажлуулсанаас, бэлэн эрээнээс хулхи юм оруулж ирээд, дээр нь нэмээд л монголчууддаа шуласан нь дээр шдээ ер нь яаж ч бодсон, үүн дээр төр л том зоригтой алхам хийх хэрэгтэй шдээ, эхний ээлжинд хүнс, ногоо, жимс , дээр нь монголчууд өөрсдөө хийж болх бүх зүйлсийг эрээнээс оруулж ирэх юм бол

Avatar

Зочин 2021-11-16 192.82.78.115

Харин энгэж туйлширч болохгүй.Манай ардчилагч нэртэй туйлширагчид, яг ийм зүйл ярьж, улс оронд хохиролтой зүйл сэдэж, бүхнийг баллаж сүйрүүлчих гээд байдаг.Улс орны хувь заяа ямар байх нь төр засгийн толгойд ямар хүмүүс сонгож ажиллуулах, ард иргэд хэнийг байнга дэмжихээс ихээхэн шалтгаална.Гэтэл бид энэ асуудалд тууштай биш, байнга гуйвж дайвж,буруу алдаатай сонголт хийж, хууртаж хохирсоор байна. Гэтэл манай хоёр хөрш бусдаас эрс ялгаран, яаж суга хөгжиж,эсрэг талаа тэвдүүлж байна вэ.

Avatar

Зочин 2021-11-16 202.126.89.161

Ургамлын тос Монголд үйлдвэрлэх ямар ч шаардлага байхгүй

Avatar

ok 2021-11-16 64.119.22.169

харин тийм нэл хор шдээ, би сүүлийн үед ёстой хэрэглээхээ болиод 3н жил болж бнаа, шар тос, цагаан тос, оливын тос хэрэглэдэг болсон, одоо бүүр нөгөө бидний голоод байдаг боовон тосноос чинь новшийн эд байсан бналээ,

Avatar

Зочин 2021-11-16 202.126.89.161

Солиороол. Хонь үхрийн махны өөх байхад ургамлын тосоор үхсэн үлийгээ хийхдээд байгаан. Тэр чинь хор шүү дээ

Avatar

биби 2021-11-16 202.179.21.193

түүхий эд, хүнсний бүтээгдэхүүн гээд бүгд хятадаас хамааралтай болжээ
яанадаа монгол улс маань

Avatar

Гочоо 2021-11-16 64.119.19.126

Эрх баригчид дандаа ирээдүйн боломж ярих юмдаа. Хийсэн бүтээсэн зүйл бараг байхгүй. Хэрвээ боломж ярьж ард түмний хүлээлт саналыг авах гэж байгаа бол ирээдүйд монголд сансрын хөлөг үйлдвэрлэж супер компьютер хийх боломж ч байгаа бас хамгийн сайн онгоц машиныг ч хийх боломж бага шүү

Avatar

Лавлаа 2021-11-16 192.82.74.99

Гурвалжин будаа, бог будаа, ургамлын тосны тухайд дотооддоо үйлдвэрлэх боломжтой байх аа Харин цагаан будааны тухайд өртөг зардлаа сайн тооцох л хэрэгтэй. Элсэн чихрийн талаар томоохон төсөл боловсруулаад туршилт судалгаа хийж Украинаас тоног төхөөрөмж авах хэмжээнд яригдаж байгаад таг болсон Зардал, үр ашгаа сайн тооцох юм байгаа биз Манай хэрэглээ тийм ч өндөр биш Импортоор авахад хямд байвал бид заавал өөрсдөө хийнэ гэдэг нь өрөөсгөл Болоцоотой зүйлээ сайн хийгээд өөрийгөө хангах, улмаар өгөх

Avatar

Зочин 2021-11-16 202.9.40.179

цочир хүйтрэл зуны цасан дунд цагаан будаа ургаад л. ёстой жуулчин татна даа. хэхэ

Avatar

Зочин 2021-11-16 66.181.169.6

Ургамлын тос үйлдвэрлэх үйлдвэр байгуулсан ч ажиллаж чадсангүй хаагдсан биз дээ. Гаднаас оруулж байгаа тос н хамаагүй хямд юмуу. Одоо бол бүүр үнэтэй болчихлоо. Дотоодын үйлдвэрлэлээ дэмжихгүй байна шүү дээ

Avatar

Зочин 2021-11-16 66.181.167.95

б**с арчих цаасаа ч хийж чадахгүй бж том том "б**х" юм даа. баахан пестицидтэй ногоо тарьсан болж бгаа шүү.

Avatar

Иргэн 2021-11-16 192.82.74.10

Ургамалын тосыг дотооддоо үйлдвэрлэнэ гэсэн яасан.
Тэр үйлдвэр юу болсон вэ?

Avatar

kritishah 2021-11-16 103.208.71.16

Thank you for sharing such a good information.
https://www.igmguru.com/cloud-computing/devops-certification-training/

NewsMN Гар утасны хувилбар Татах
NEWS.mn

Мэдээллийн эх сурвалж