Соёлын сайд Ч.Номин Төрийн ордонд гишүүдэд төмс тараасан нь олон нийтийн сүлжээнд багагүй шүүмжлэлд өртөв. Шинэ яамны сайд Ч.Номин нь улс төрийн туршлагагүй гэгддэг бөгөөд сайдын тангараг өргөх ёслолоос авахуулаад олны хэл амны бай болсон гэхэд хилсдэхгүй. Харин энэ удаа тэрбээр Төрийн ордонд гишүүдэд төмс тараажээ. Иргэд түүнийг төрийн ордонд төмс тараахаас илүүтэй өөрт оногдсон ажлаа хийхийг сануулж, сошиалаар шүүмжилж эгдүүцэх нэгэн ч байна.

Дашрамд дурдахад ирэх оны төсөв батлагдаж Соёлын сайдад 272 тэрбум 407.9 сая төгрөг тусгагдаж, урсгал зардал 116 тэрбум 564.8 сая, хөрөнгийн зардал 155 тэрбум 843.1 сая төгрөг байхаар төсөв батлагджээ.