"Монголд ийм мөсөн талбай үгүйлэгдэж байлаа" | News.MN

"Монголд ийм мөсөн талбай үгүйлэгдэж байлаа"

"Монголд ийм мөсөн талбай үгүйлэгдэж байлаа"

"Монголд ийм мөсөн талбай үгүйлэгдэж байлаа"

Мөрөөдөл биелэх "Мөсөн өргөө" өнөөдөр /2021.11.13/ УОК-ын зөвшөөрлийн дагуу 50 хувийн дүүргэлттэй нийтийн чөлөөт гулгалтын арга хэмжээгээ эхлүүллээ. Өнөөдөр гэр бүлийн өдөрлөг болсон бөгөөд хүрэлцэн ирсэн хүн бүр халдвар хамгааллын дэглэмээ чанд мөрдөж, амралтын өдрөө ая тухтай дурсамж дүүрэн өнгөрүүлэв.

"Мөсөн өргөө"-г зорин ирж, тэшүүрээр гулган, үлгэрийн баатруудын тоглолт үзэн, Арена лаунж, кофе шопоор үйлчлүүлэн, цагийг хөгжилтэй, дурсамж дүүрэн өнгөрүүлэх боломжтой.

Гэр бүлээрээ "Мөсөн өргөө"-д айлчилсан зочдын сэтгэгдлийг сонслоо.

"Монголд ийм гоё бүтээн байгуулалт сүндэрлэсэнд баяртай байна. Амралтын өдөр салхинд гаръя гэхээр үнэхээр явах газар хомс байсан. Ийм орчинг хүсч, хүлээж байсан. Хэт бөөгнөрөл үүсгэхгүй ийм сайхан үйл ажиллагаа зохион байгуулж байгаад баяртай байна. Манайх гэр бүлээрээ ирсэн. Том охин маань талбай дээр гулгаж байна"

"Гэр бүлээрээ цагийг өнгөрүүлэх Мөсөн өргөө баригдсанд баяртай байна. Өнөөдрийн арга хэмжээ гоё болж байна. Монголд ийм мөсөн талбай үгүйлэгдэж байлаа. Энэ бүтээн байгуулалтыг хийсэн хамт олондоо баярлалаа. Мөсөн спорт хүмүүсийн сэтгэл санааг тайвшруулдаг, сайхан спорт ш дээ. Монголд уран гулгалтын спорт өндөр хөгжих байх"

"Өнөөдөр амралтын өдөр гоё байна. Хүүхдүүд маань дуртай үлгэрийн баатруудаа хараад, дуучин Энжитэй зургаа дарууллаа. Энд ирээд гэр бүлтэйгээ чөлөөт цагаа өнгөрүүлээрэй гэж уриалж байна. Одоо гулгах улирал нь болоогүй ч энд сайхан гулгах боломж бүрджээ"

Энэ өдөр хүрэлцэн ирж хүүхэд багачуудад өөрийн ая дуугаа өргөн барьж, нэг өдрийг дурсамж дүүрэн өнгөрүүлсэн дуучин Энжи ярихдаа "Өнөөдөр Мөсөн өргөөний арга хэмжээнд оролцож байгаадаа баяртай байна. Цаашдаа ирж дуулна. Дуулах бүрт маань хүүхдүүд дэмжиж алгаа ташиж, инээж байгаа нь сайхан байлаа. Хүүхдүүд маань ч энд ирээд сайхан гулгаарай" гэв. Түүний хувьд тун удахгүй шинэ клипээрээ сонсогч олныхоо сонорыг мялаах гэнэ.

"Степпе Арена" ХХК-ийн гүйцэтгэх захирал Н.Батмөнх ярихдаа дан ганц гулгахаас гадна хүүхэд багачуудын хүслийг татах хүүхэлдэйн тоглолт, дуу хөгжим тэдний хүсдэг үзвэр, үлгэрийн баатруудыг амилуулж хөл хорио гээд гэртээ байсан хүүхдүүдийн сэтгэл санааг сэргээх, эцэг эхчүүдийг хүүхдүүдтэйгээ чөлөөт цагаа өнгөрүүлэх үйлчилгээг нэвтрүүлж байна гэдгийг онцолсон.

Мөн сүүлийн үед цахим орчинд мөсөн өргөөний үнэ тарифтай холбоотой мэдээлэл цацагдсан бөгөөд энэ талаар Н.Батмөнх тайлбарлахдаа "Монголын үндэсний компаниуд нийгмийн хариуцлагынхаа хүрээнд татварын дараах эздийнхээ хөрөнгөөр бүтээн байгуулсан олон нийтэд зориулсан үйлчилгээний барилга байгууламж. Байгууламж маань өөрөө өртөг өндөр. Тодруулбал, мөсөө хөлдөөнө, цахилгаан, гэрэл техникийн зардал, агаар сэлгэлт гээд холбогдох хоршиж ажиллах өндөр зардалтай тоног төхөөрөмжүүд бий. Мөн үйлчилгээ үзүүлэх олон ажилтан бий. Бид 40 гаруй ажлын байр шинээр үүсгэж, тэднийхээ цалин нийгмийн даатгалыг төлж байна. Өртөг яривал өндөр. Хэвлэл мэдээллээр өртөг өндөр байна гэсэн мэдээ гарсан байна лээ. Манай үйлчлүүлэгчид өртөг өндөр эсэхийг нь хэлэх байх. Олон улсын түвшинтэй харьцуулахад маш бага зардлаар үнэлгээгээ тогтоосон. Нийгэмд буруу ойлголт өгч байгаад харамсалтай байна" гэлээ.

Мөсөн спортын тамирчид олон улсын түвшний зөөлөн мөс байна гэдгийг онцолж байна.

Өвлийн олимп хаяанд ирсэн энэ үед Монгол үндэсний олимпийн хорооноос тамирчдаа бэлтгэл хийх нөхцөл бололцоогоор бүрэн хангахаа илэрхийлсэн. Тэгвэл хамтарч ажиллах талаар ярихдаа “Бид хэнтэй ч хамтарч ажиллана. Хүсэлт гаргасан хүн  бүртээ ажиллахад бэлэн. Эхнээсээ хамтарч байгаа. Олимпийн хорооноос хүсэлт гаргавал бид таатай хүлээж байна. Өмнө нь ч санал солилцож байсан. Олимпод оролцохоор бэлтгэлээ хийж буй мөсний тамирчидтай бид хамтарч ажиллахад ямар ч асуудалгүй. Шорт трейк, уран гулгалт, хоккейн тамирчид бэлтгэл сургуулилтаа хийж байна. Хоккейн 4-5 клуб хамтын ажиллагааны гэрээ байгуулсан" гэв.

Ирэх долоо хоногоос мөсөн өргөөнд спортын арга хэмжээнүүд зохион байгуулагдаж эхэлнэ. Цар тахлын улмаас тодорхойгүй хугацаагаар завсарласан Монголын хоккейн лигийн 2019-2020 оны лигийн хагас шигшээ тоглолтууд нөхөн явагдана. Мөн Монголын оюутны сагсан бөмбөгийн холбооны шинэ улирлын нээлт энэхүү ордонд болох хуваарьтай байна. Мөн урлаг соёлын арга хэмжээнүүд ч Мөсөн өргөөнд зохион байгуулагдах боломжтой бөгөөд эхнээсээ ч захиалгууд ирж байгааг захирал ярилаа.

Энэ мэдээнд өгөх таны сэтгэгдэл?
32
ЗөвЗөв
4
БурууБуруу
3
ХахаХаха
1
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
Баярлалаа!

Холбоотой мэдээ

18 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-11-13 202.21.111.170

Хоккейнхон ирж уулзаад ярьж хөөрөөд цагийн 250к болсон байна лээ 4 багийн 100гаад хүн тоглоно ш дээ

Avatar

Зочин 2021-11-13 202.21.111.170

Тэр тэшүүрийн холбоо эргүү юм уу 300 сая төгрөгөөр хандгайтад талбай зассан гэсэн 30 саяыг нь энд өгөөд жилийн турш гулгаж болно до эргүү муухай монгол зан энд ч харагдаж байна

Avatar

Зочин 2021-11-13 202.21.111.170

Үнэгүй юм үнэгүй байдаг гэхдээ харин ч эднийх гайгүй байна 25 мянган төгрөгөөр шангрилад 2 пиво авч уух уу

Avatar

Зочин 2021-11-13 66.181.180.137

Бидны зарим маань үнэхээр болоогүй байнаа. Төрөөс биш татвар төлөгч таныг мөнгөөр биш цөөхөн хэдэн хүн сэтгэл нийлээд Монгол хүүхэд залуучуудад зориулаад ийм ордон бариад өглөө. Одоо тэгээд яалгах гээд байнаа. Тамирчдыг дэмжье хамтарья гээд байна ш дээ. Очооч…. ярилцааж, та нарыг удирддаг, зохион байгуулдаг холбоо гэж байдаг биз дээ, төрөөс мөнгө авч бэлтгэл сургуулилтаа хийдэг биз дээ. Төлбөрөө төлөөд гулгах гулна биз, төлбөр нь өндөр гээд гонжигнож буй нэгэн голын хөлздүү мөсөн дээрээ гулга

Avatar

Tr 2021-11-13 150.129.143.222

Steppe Arena – Степ Арена, Степпе биш шүү.

Avatar

Баярмаа 2021-11-13 59.153.115.80

Оху-н уран гулгалтын дасгалжуулагч нарыг урьж хурдан уран гулгалтын тамирчид ялангуяа охидыг бэлдмээр байна. Манайхан уран налархай бүжиглэхдээ сайн ганцхан гулгалт эргэлтийн техникийн дасгалжуулагч даруй хэрэгтэй болов уу.

Avatar

Зочин 2021-11-13 202.179.27.232

мөсөн ордонг хувийн хэвшлийнхэн сэтгэл зүтгэлээрээ хийж бүтээлээ монголчууд юм хийж чадна гэдгийг ч харууллаа, за тэр төлбөр мөнгө яваандаа цэгцэрнэ биз

Avatar

МАНгарууд ш дээ 2021-11-13 203.98.77.51

Цагаан, ногоон гайхуулаад байсан арилжааны чиглэлээр шаачихсан юм бишүү
Яаж тамирчид тийм их үнэтэй бэлтгэл хийх юм бэ.

Avatar

Зочин 2021-11-13 139.5.217.26

П.Цагаан гуай та баг тамирчид бэлтгэл хийх төлбөрийг 50% бууруулна шүү.

Avatar

Зочин 2021-11-13 202.21.108.10

Хуучин байр болгоны гадаа коток байлаа, даанч тэр үеийн сайхан болгоныг Миеэ МАН гарууд идчихсийм. Монголчуудын хийсэн бүтээсэн болгоныг варвар МАН АН ууд сохор зоосны үнэгүй сүйрүүлчихсийм. Тэд одоо тэрбумтанууд.

Avatar

Зочин 2021-11-13 103.57.95.72

Mongold bol tsor gants europe russia usa canadad bol heden 1000 bga

Avatar

Зочин 2021-11-13 185.31.175.252

!! Шилдэг тавтай морилно уу секс болзоо сайт — https://mysp.ac/50fjz

Avatar

Зочин 2021-11-13 64.119.18.242

mash goe iim goe arenatai boloh gej baidgaa!!!! uneheer bayarluushtai ganz saihan uil .

Avatar

Зочин 2021-11-13 64.119.27.164

Оросд ийм талбайд бараг л үнэгүй ордог… Тэр хогын Англи, Америк, Европод цагын 5- 10 амд-оор ордог

Avatar

Зочин 2021-11-13 150.129.141.79

алдаагүй бич нэгдүгээр ангийн сурагч аа

Avatar

Зочин 2021-11-13 202.126.88.200

Тэр Орос,Европтоо очоод үнэгүй үйлчлүүлэх гээд оролдоод үзээч… Чадахгүй байж дэмий солиорохоо боль.

Avatar

Зочин 2021-11-13 139.5.217.98

Бид Ардчилалын буянаар социализмаас Капитализм руу эргэлт буцалгүй орсон.

Avatar

ү 2021-11-13 202.9.46.80

үнэтэй юм хэхэнлээд хогииин хахуулиин оронд арьдрах чадвартай малууддааа

NewsMN Гар утасны хувилбар Татах
NEWS.mn

Мэдээллийн эх сурвалж