Бичлэгээр өрсөлдөгчөө намнах техник "тэтгэвэр"-т гарах уу? | News.MN

Бичлэгээр өрсөлдөгчөө намнах техник "тэтгэвэр"-т гарах уу?

Бичлэгээр өрсөлдөгчөө намнах техник "тэтгэвэр"-т гарах уу?

Бичлэгээр өрсөлдөгчөө намнах техник "тэтгэвэр"-т гарах уу?

Дарга, ялаа хоёрыг сонингоор "алдаг" байсан үе өнгөрч, орчин үед бичлэгээр "устгадаг" болсон гэхэд дэгсдүүлсэн болохгүй. УИХ-ын гишүүн асан Л.Эрдэнэчимэгийн ордонд согтуурхсан бичлэгээс хойш улстөрчид, сайд,  дарга нартай холбоотой гүйцэтгэх ажиллагааны зураг, дүрс, видео болон аудио бичлэг цацагдах нь хэвийн үзэгдэл болсон. Тухайлбал, Монголын улс төрд хамгийн их дуулиан тарьсан бичлэг нь Г.Доржзодовын дэлгэсэн аудио бичлэг байв. "Жаран тэрбум"-ын гэх тодотголтой уг бичлэгт МАН-ынхан төрийн албыг мөнгөөр үнэлж байгаа нь сонсогддог.  Үүнээс болж Ж.Эрдэнэбатын засаг огцорч, М.Энхболд УИХ-ын даргын суудлаа өгсөн байдаг. 

Тэгвэл 2020 оны гуравдугаар сард Татварын ерөнхий газрын хурган дарга нар болон хурандаа нарын  рестораны VIP өрөөнд пивоны шилээр нэгнийхээ толгойг цохиж буй бичлэг задарсан. Үүний дараа өмгөөлөгч Б.Баасанцогт болон бусад шүүгч нарын лифтэн дэх секс "скандал"-ын бичлэг задарч, дуулиан тарьсан юм.  Энэхүү хэрэг явдлын дараа хувь хүний нууц болон гүйцэтгэх ажиллагааны явцад авсан бичлэг, дүрсийг ингээд олон нийтийн ил болгох нь зөв, буруу гэхталцал үүсч байв.

Ийнхүү өрсөлдөгчөө намнахын тулд бичлэг дэлгэдэг, гүйцэтгэх ажиллагааны зургийг ил болгосон явдал одоо ч үргэжилсээр байна. Хамгийн сүүлд "Эрдэнэс Монгол"-ын захирал Д.Хаянхярваа дээр хийсэн гүйцэтгэх ажиллагааны зургийг нийгэмд "хаяж" өгсөн нь мөн л иргэдийн зүгээс шүүмжлэл дагуулсан. 

УИХ-ын чуулганы нэгдсэн хуралдаанаар Хүний хувийн мэдээлэл хамгаалах тухай хуулийн төсөл болон хамт өргөн мэдүүлсэн хуулийн төслүүдийг ид хэлэлцэж байна. Тус хуулийн онцлох заалтаас дурдвал "Ариун цэврийн өрөө, хувцас солих өрөө, нийтийн үйлчилгээний газрын тусгай зориулалтын үйлчилгээний өрөө, караоке, зочид буудлын өрөө, эрүүл мэндийн тусламж, үйлчилгээ үзүүлэх, хэвтүүлэн эмчлэх өрөө зэрэг хувь хүний халдашгүй, чөлөөтэй байх эрхэд илтэд халдахаар байршилд камер байршуулахыг хориглоно" гэжээ. 

Тодруулбал, ресторан болон хоолны газрын VIP өрөөнд камерын бичлэг байх ёсгүй. Харин нийтийн зааланд дууны бичлэг байхгүй, зөвхөн камерын  бичлэг байна. Орц, гарцны хувьд давхартаа 2-3 айл амьдардаг гэж бодоход камерын бичлэгийг тухайн давхарт амьдарч байгаа айлуудын болон хууль хяналтын байгууллагын зөвшөөрлөөр өгөх аж. 

Хувь хүн өөрт болон өөрийн гэр бүлийн гишүүнд хамааралтай мэдээлэл цуглуулах, боловсруулах, ашиглах, хувь хүн өөрийн өмчилж, эзэмшиж, ашиглаж байгаа хөдлөх болон үл хөдлөх эд хөрөнгийг хамгаалах зорилгоор камерын бичлэг байршуулахад хууль үйлчлэхгүй. Энэхүү заалт нь хүссэн хүн бүр өөрийн эхнэр, нөхөр, хамтран амьдрагчийн тухай мэдээлэл цуглуулах замаар хүний эрхэд халдаж болохыг хуулиар зөвшөөрснөөс ялгаагүй мэт.

Харин энэ заалтыг Хууль зүйдотоод хэргийн яамны Хууль зүйн бодлогын газрын дарга П.Сайнзориг "Амьдрал баялаг учраас намтар бичих, гэр бүлийн ургийн мод боловсруулах явцад мэдээлэл цуглуулахад зөвшөөрөл авахгүй" гэж тайлбарлав. Хэрэв тухайн хүний мэдээлэл алдагдвал мэдээлэл цуглуулж, боловсруулж, ашиглаж байгаа тал хариуцлага хүлээнэ. 

Дүрс бичлэгийн төхөөрөмж байршуулах болон бичлэгийг ашиглахад дараах үйл ажиллагааг ХОРИГЛОНО:

  • Нийтийн зориулалттай орон сууцанд оршин сууж байгаа айл, өрхийн орох, гарах хэсгийг хамруулан дүрс бичлэгийн төхөөрөмж байршуулах,
  • Нийтийн зориулалттай орон сууцны дүрс бичлэгийг олон нийтийн мэдээллийн хэрэгслээр дүрст хэлбэрээр түгээх,
  • Дүрс бичлэгт мэдээллийн эзнээс бусад хүний мэдээлэл байгаа тохиолдолд дүрс бичлэгийг харуулах, хуулбарлаж өгөх,
  • Хуульд заасан журмын дагуу мэдээлэл хариуцагч эрх бүхий байгууллага, албан тушаалтанд дууны, дүрсний, дуу-дүрсний бичлэгийн системд байгаа мэдээлэлтэй танилцах, хандаж харах, хадгалагдсан бичлэгийг үзүүлэх, сонсгох, хуулбарлаж өгч болно.
Энэ мэдээнд өгөх таны сэтгэгдэл?
1
ЗөвЗөв
1
ГайхмаарГайхмаар
1
ХарамсалтайХарамсалтай
0
ХахаХаха
0
ХөөрхөнХөөрхөн
0
ТэнэглэлТэнэглэл
0
БурууБуруу
Баярлалаа!

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-11-12 66.181.178.206

Бичлэг хийж нөгөөхийгөө мэдээллийн сайтуудад зарах нь угтаа өөрийгөө ямар хүн, Дүлзэндэх арга юмдаа, амар хялбараар мөнгө олох, тэрнээс биш хийсэн бичлэгээ би энэ хүнийг ингээд буруу юм хийхээр нь бичсийн ингэсийн гээд гараад ирэл дээ

Avatar

Зочин 2021-11-12 185.220.101.36

==== Шилдэг тавтай морилно уу секс болзоо сайт — https://mysp.ac/50fjz

Avatar

Зочин 2021-11-12 202.9.40.208

Дарга нарын хамаатан садан найз нөхдөө төрийн албанд чихдэг ургийн мод элдэв шахаа хийдэг авилга авч байгаа бичлэг баримт биш болох шинжтэй болоод явчихлаа би буруу ойлгочихгоогүй байгаа

Avatar

Зочин 2021-11-12 103.111.68.3

Үүний 1 жишээ нь НЭМГын дарга Бямбадорж гэж нөхөр байна.Урьдах дарга нь ажлаа зүгээр хийж байгаа хүмүүсийг дэмжиж ажиллаад ажил үйлс нь сайн үзүүлэлттэй яваад байдаг Бямбадорж болохоор хэлмэгдүүлэх маягтай далим хайж байгаад мөрөөрөө ажлаа хийж байгаа хүмүүсийг халаад өөрийн танил тал хамаатан садны хүмүүсээ ажилд авдаг хогийн арга барилтай хүн юмаа. Ажлын үзүүлэлт маш муу эмнэлэгийн тусгай зөвшөөрөл олгодог албан тушаалд өөрийнхөө хүнийг тависан .

Avatar

Зочин 2021-11-12 192.82.76.174

дарга, дорго нарын кекс идэж , найрлаж буй бичлэгүүдийг тарааж болохгүй гэж ойлголоо. ххх

Avatar

Зочин 2021-11-12 103.14.36.18

Нэгэнт хийсэн буруу зүйлийг нь бичлэгээр баримтжуулж мэдээлэх нь зөв. Нөгөө талаасаа алив нэг хүнийг унагах зорилгоор ажиллагаа хийн бичлэг хийж буй нь ч буруу зүйл биш, тухай хүн буруу зүйл хийж буй нь түүний хандлага болон ёс зүйгүй хүн болохыг илтгэж үнэн нүүр царайг н илчлэх ач холбогдолтой. Харин хийгээгүй хэргийг хийсэн болгож гүтгэх, бичлэгийг засаж гүжирдэхийг хуулийн дагуу хатуу хариуцлага тооцдог байх нь зүйтэй.

Avatar

Зочин 2021-11-12 72.196.192.250

Sainzorig gej mash muu surlagatai nuhur baisan, odoo bas darga bolood yavchsan. Turiin alban haagchid gej iimerhvv l yumnuud bolchood baigaam daa.

NewsMN Гар утасны хувилбар Татах
NEWS.mn

Мэдээллийн эх сурвалж