Иргэд вакцинаас биш өвчин тахлаас айх УЧИРТАЙ! | News.MN

Иргэд вакцинаас биш өвчин тахлаас айх УЧИРТАЙ!

Иргэд вакцинаас биш өвчин тахлаас айх УЧИРТАЙ!

Иргэд вакцинаас биш өвчин тахлаас айх УЧИРТАЙ!

Яг нэг жилийн өмнө дотооддоо халдвар алдаж, дээр дооргүй учраа олохгүй сандралдаж, улсаараа хөл хорионд орж байснаа бодвол Монгол Улс иргэдээ дархлаажуулах хангалттай вакцины нөөцтэй болсон, энгийн амьдралдаа ч аажмаар шилжиж байна. Үндсэндээ цар тахлыг сүүтэй цай, адууны мах, аарц чацарганаас эмчлэхгүйг бас ойлгохтойгоо болж.

Гэвч, “дайны хажуугаар дажин” гэгчээр вакцин бол хор гэсэн суртал ухуулга хийгчид ч цөөнгүй. Молоког орос хүүхний хөхний сүү гэж ойлгодог байсан үеэсээ монголчууд огт өөрчлөгдсөнгүй.  Дэлхийн брэндээр гоёж, ганган утас барьж, тансаг машины хөлөглөж, орчин үеийн орон сууцанд амьдарч байж шүү!

Саяхандаа, олон нийтийн сүлжээнд “тэнэж” яваад санамсаргүй “Covid-19-ийн вакциныг эсэргүүцэгчдийн нэгдсэн групп” руу орчихов.  Тэнд “вакцин судлаачид” хар мянгаараа цугларч, жирэмсэн хүн хийлгэвэл муу болох тухай ам уралдан бичицгээжээ. Хүүхэд нь эрүүл бус төрж байна  гэнэ. Ирээдүйд хорт хавдартай болно л гэнэ, өвдөхөөрөө эмчид биш ламд ханддаг, ажил хийхээс илүү могой шейрлэж мөнгө олно гэж боддог, Сарандаваагийн лекцинд сууж, саранд түрийвчээ даллавал баяжина гэх хүмүүс хэдийдээ ч вакцин судлаачид болчихсон юм бүү мэд.

Уг нь вакцины III тун хүн төрөлхтөний амьд үлдэх аврал, энгийн амьдралдаа шилжих ганц боломж болохыг эмч мэргэжилтнүүд, эрдэмтэд судлаачид хэлж, зөвлөсөөр байгаа л даа. Даанч анагаахын эрдэмтний үгээс илүү таксины жолоочийг үгийг сонсдог “народ” шүү дээ, бид.

 АШУҮИС-ийн дэд захирал Г.Батбаатар  covid-19-ийн эсрэг вакцин аюулгүй, амьд вирус агуулдаггүй учир ямар нэг өвчин үүсгэхгүй, хүний удмын мэдээлэлд нөлөөлөх ямар ч үндэслэлгүйг ярилцлага өгөх бүртээ сануулдаг.  УОК-ын Эрдэмтдийн зөвлөлийн нарийн бичгийн дарга О.Батбаяр “дельта хувилбартай тэмцэх гол стратеги бол вакцины III тун. Вакцины III тун нас баралтаас 92 хувь хамгаалахын зэрэгцээ 7-14 хоногт эсрэг биет дөрөв дахин өссөн үр дүн үзүүлж” байгааг ч хэлдэг. Атал дунд сургуулийн багш нар дунд, төрийн байгууллагын ажилтнууд дотор л яагаад гуравдугаар тунг заавал хийлгэх ёстойг өдий хүртэл ойлгохгүй яваа хүн цөөнгүй байна.

Яг өнөөдрийн байдлаар Монгол Улсын нийт хүн амын 69.4 хувь буюу 2.2 сая хүн нэгдүгээр тунд, 65.9 буюу 2.1 сая хүн хоёрдугаар тундаа хамрагджээ. Дархлаа сэргээх гуравдугаар тунг 475 мянган хүн буюу нийт хүн амын ердөө 15 хувь нь хийлгэжээ.  Ядаж нэг сая хүн бүүстэр тунгаа хийлгэвэл халдварын тохиолдол нэлээд буурахаар байгааг Эрдэмтдийн зөвлөл ч, ЭМЯ ч анхааруулах болсон.

ЭМЯ-ны зөвлөснөөр вакцины хоёр тунтай 18-аас дээш насны иргэд гурван сарын дараа дархлаа сэргээх нэмэлт тунд хамрагдах шаардлагатай.  Харин вакцины хоёр тунтай ч Covid-19-ийн халдвар авч өвчилсөн бол эдгэрснээс хойш 21 хоногийн дараа гуравдугаар тунд хамрагдах юм байна.

Хэдийгээр сүүлийн өдрүүдэд  PCR-аар батлагдсан тохиодлуудын тоо эрс буурч, улсын хэмжээнд өнгөрсөн 24 цагт Улаанбаатарт 672, орон нутагт 342 тохиолдол  бүртгэгджээ. Өнөөдрийн байдлаар эмнэлэгт 11,310 хүн хэвтэн эмчлүүлж байгаа бол гэрийн ажиглалтад 28,589 хүн байна. Өөрөөр хэлбэл, өдөртөө зургаа долоон мянгаараа илэрч байсан халдварын тоо хумигдсан нь сайн мэдээ. Гэхдээ тайвширах асуудал биш. Дахиад халдварын дөрөв дэх давалгаа гарч болзошгүй, иргэдийнхээ амь нас эрүүл мэндийг хамгаалахын тулд III тунгаа хийлгээд өгөөч ээ гэж гуйгаад байгаа хэрэг.  Гуравдахь тунг хийлгээгүй иргэдийг үзвэр үйлчилгээний газраар үйлчлүүлэхдээ түргэвчилсэн шинжилгээ хийлгэхийг шаардаж байгаа нь зөв. Таны эрх бусдын эрхээр хязгаарлагддаг. Тэгэхээр өөрийнхөө болон бусдын амь насыг хамгаалах нь  иргэн хүний  үүрэг юм.

Цар тахлаар өдгөө 2000 гаруй хүн амиа алджээ. Энэ өвчнөөр хөгшин хүн гэлтгүй хүүхдүүд ч амь насаа алдах болсон. Үхлээс аврах ганц аврал нь Монголд ч гэлтгүй дэлхий нийтийн хувьд бүүстэр тун болсон.

Израйль иргэддээ дархлаа сэргээх нэмэлт тунд хамруулж байгаа бол Япон ирэх сараас эхлүүлэхээр төлөвлөж байна.  Дэлхийн анагаахын эрдэмтэн судлаачид манай Сарандаваагийн фанатуудаас  илүү “юм уншсан” байж таараа.  Үндсэндээ иргэд вакцин /шинжлэх ухаан”-аас айх биш өвчин тахлаас айх  учиртай.

Covid-19-өөр өвчилж, эдгэсэн ч, цаашдаа биед ямар хор үлдэхийг хэн ч судлаагүй байгаа. Одоогоор зүрх дэлсэх, ядрах, сульдах, цээж өвдөх, ханиалгах, нойргүйдэх шинж тэмдэг ажиглагдаж буйг иргэд ч, эмч мэргэжилтнүүд хэлэх болсон.  Тиймээс вакцин, бас дахин вакцин.

Ж.ЭРХЭС

Энэ мэдээнд өгөх таны сэтгэгдэл?
9
ЗөвЗөв
8
ТэнэглэлТэнэглэл
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

14 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Иргэн 2021-11-11 103.26.195.217

3 дахь тундаа хамрагдацгаая! Өөр гарц байхгүй!

Avatar

Зочин 2021-11-11 193.239.232.102

Шилдэг тавтай морилно уу секс болзоо сайт — https://mysp.ac/50fjz

Avatar

Зочин 2021-11-11 192.82.70.237

Иргэд өвчин, тахлаас биш хугацаа нь.дууссан, годогдол вакцины туршилтаас л айх УЧИРТАЙ!

Avatar

Зочин 2021-11-11 202.9.46.148

Захиалгат бичлэг байна. Вакцины хор уршигыг гүйцэд судлаагүй цар тахлыг намжаах оролдлого хийж байгаа шүү дээ. Энэ хэзээ ч устаж алга болхгүй хамрын ханиад шиг лүргэлж мөнхөд байна шүү дээ. Дархалаагаа л дэмжиж амьдрах ёстой шүү

Avatar

Зочин 2021-11-11 192.82.67.70

үхэр монголууд яг л үхэр. ер нь малтайгаа их төстэйг.

Avatar

иргэн 2021-11-11 103.26.193.249

ЭМЯам өөрөө вакциныхаа учрыг олохгүй ард түмнээ итгэлгүй болгосон шүү дээ..

Avatar

Зочин 2021-11-11 31.151.236.21

АМЬДРАЛ гэдэг нь хүн төрөлхтний ҮНЭ ЦЭНИЙН(OF VALUES) ДЭЭД нь, бас нийтлэг ЭРХ АШИГ. Тэгэхээр эрүүл аюулгүй амьдрах нь надад чамд танд бидэнд тэдэнд хэрэгтэй. Нийтлэг эрх ашиг, үнэт зүйл дээрээ эгнэгт ЭЕИЙГ хичээж эрхэмлэн НЭГДЭЖ чаддаг ард түмэн хөгжилд хүрч ОРШИХУЙН ДАРХЛААТАЙ болдог. Манайхан чадна шүү дээ, 3 дах тунадаа хамрагдацгаая!!!

Avatar

Зочин 2021-11-11 103.26.194.126

Mongolchuud zalhuu bolohoor yam unshihgui tegeed zugeer l neg negniihee yarisan tsu yariag neg ih meddeg yam shig l tsaash davs hujir nemj baigaad l daraagiin hundee yarina tegeed bur tuuniigee unen bolgood ter tsuu yarind ni bur itgechihsen yavdag yamar saindaa biznes hiij mungu olohiin tuld lamaar nom unshuulj merge tulug taviulaad l sanaa ni amraad yavaad ugdug neg iimerhuu l humuus huuchnii ugshirsen uzleesee salah ogt durgui,yamiig chin setgeleesee hiij hugjuulehdee muu iimerhuu l humuus.

Avatar

Badarch taxar 2021-11-11 59.153.115.66

Зарим хүмүүс вакцинаас үхтэлээ айж !! Хятад вакцин нь хятад корона орос вакцин нь орос корона файзёр вакцин нь дёльта корона тараагаад өгөөд байна гэж ойлгоод байгаа !! Ийм эргүү хүмүүс их байна ихэнхи нь дээд сургууль төгссөн боловсролтой хүмүүс !!

Avatar

Зочин 2021-11-11 202.55.191.130

Би буруу санаагүй бол 2 тун хийлгэчих л юм бол цар тахалын ард гарчих гээд байна гээд наад их юм уншиж мэдсэн ЭМЯ, эрдэмтдийн зөвлөл чинь энэ хаваржингаа ярьсан биш билүү? Тэр нь төдий л үр дүнтэй болоогүйг бүгд мэдэж байхад одоо 3 дахь тунг л хийлгэчих юм бол яг болох гээд байна гээд байхаар чинь хэн итгэх юм бэ?

Avatar

Зочин 2021-11-11 103.26.194.126

tegeed bid yadaj l 60 huvi hamgaallaa,shine tutam hugjuulj baigaa bolohoor dutuu tootsij aldah yam bh,chi tegeed vaktsin hiilgeheer uhchih geed baigaa yam uu tegeed uvchin tussan hoinoo em taria vaktsin geed l guine shuu dee ugui bol tun udahgui chad hiine yamar sanagdaj bn

Avatar

Зочин 2021-11-11 66.181.180.116

Ганцхан манайд биш дэлхий даяар тийм юм болсон. Одоо 3 дахиа хийлгээд л явж байна. Вакцин бол ламын үрэл биш. Итгэж залбирч хүртдэг эд биш. Хийж үзээд, тусаж байна уу, тусахгүй байна уу, хамгаалж байна уу, хамгаалахгүй байна уу, харж байгаад шийддэг эд. Ямар өвчин гэдгээсээ болно, ханиадны вакцин 50 хувь хамгаалбал хангалттай гэж үздэг энэ тэр гээд мөн ч олон хэлж байна.

Avatar

Магнай 2021-11-11 199.243.108.66

Нөгөө гандангийн үрэл юу болсон бэ?

Avatar

Зочин 2021-11-11 66.181.161.8

мөнгө олох шилдэг арга одоо янз янзын юм гарна хүмүүс бие биеэ а**х асуудал дээр бооцоо таввьж байна удахгүй галав юүлэх вий .

NewsMN Гар утасны хувилбар Татах
NEWS.mn

Мэдээллийн эх сурвалж