Улиастай-Налайхын автозамыг хүлээж авснаар нэмэлт ажлууд хийгдэж эхэлнэ | News.MN

Улиастай-Налайхын автозамыг хүлээж авснаар нэмэлт ажлууд хийгдэж эхэлнэ

Улиастай-Налайхын автозамыг хүлээж авснаар нэмэлт ажлууд хийгдэж эхэлнэ

Улиастай-Налайх чиглэлийн 20,3 км автозамын ажлын гарц, гарам хараахан хийгдээгүйн улмаас иргэдийн аюулгүй зорчих эрх ноцтойгоор хөндөгдөж, жолооч нарт эргэх эргэлт байхгүй, хурд хэтрүүлэх гэх мэт асуудлууд тулгамдаж байгаа.  

Тэгвэл өнөөдөр дүүргийн удирдлагууд орц гарцны асуудал, автозамын ажлын талаар Нийслэлийн автозам хөгжлийн газрын  зам барилгын хяналтын хэлтсийн дарга Б.Бум-Эрдэнээс тодрууллаа.

Тэрээр “Тус автозамын ажил нь БНХАУ болон Монгол улсын Засгийн газрын хооронд хийсэн гэрээний хүрээнд эхний ээлжинд батлагдсан зураг төсвийн дагуу Улсын комисст хүлээлгэж өгнө. Үндсэндээ монголын талд энэ ажил шилжих шаардлагатай. Үүний дараагаар иргэдийн хүсэл, шаардлагад нийцсэн өөрчлөлтүүдийг оруулах эрх үүснэ гэсэн тайлбар өгч байна.

Тухайн авто замын ажлын эхний зураг 2016 онд хийгдсэн бөгөөд ямар нэгэн битүүмжгүй, тусгай хэрэгцээт иргэд зорчих боломжгүй 5 гүүрэн гарц төсөвт суусан байжээ. Улмаар 2019 онд өөрчилж хоёр битүүмжтэй гүүрэн гарц болох Баянзүрхийн товчооны гарцан дээр болон МТ колонкын харалдаа хийхээр гүйцэтгэгч талтай тохиролцож байгаа юм. Хүйтний улирал эхэлж байгаатай холбогдуулан ирэх оны 3, 4 дүгээр сард ажил эхэлж, 2022 оны 8 дугаар сард  Улсын комисс хүлээн авснаар ашиглалтад бүрэн орно гэдгийг холбогдох албаныхан хэлж байлаа.

Түүнчлэн иргэд тухайн зам дээр 80 км/цагийн хурдтай явах ёстой гэсэн ойлголтын зөрүүгээс болж  торгуулах асуудлууд гарч байгаа. Тэгвэл Гачууртын уулзвараас Налайх хүртэл 20.3 км зам дээр 60 км-ээс хэтрүүлэхгүйгээр зорчих шаардлагатай гэв.

Эх сурвалж: БЗД

Энэ мэдээнд өгөх таны сэтгэгдэл?
1
ЗөвЗөв
1
БурууБуруу
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
Баярлалаа!

Холбоотой мэдээ

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-11-11 202.21.104.2

Энэ Налайхын зам, Яармагийн замд явган хүний гүүрэн гарцуудыг бариад өгөөч гэж зөндөө хэлж байна. Чихэнд алт хийсэн ч сэгсэрдаг, ус хийсэн ч сэгсэрдэг улс уу.

Avatar

Зочин 2021-11-11 202.21.104.2

Хурд хэмжигч камерууд байршуулах хэрэгтэй. Бас аваар ослын хажуугийн хармаа түр зогсолтын талбай гаргах хэрэгтэй юм билээ. Тиймгүйгээс ослын үед ёстой таг зогсдог газар байна лээ дээ.

Avatar

Зочин 2021-11-11 103.80.210.183

үхлийн зам хэвээрэ байгаа юм биш үү? гарц алга зогсох газар ч алга. мал гарах нүх ч алга.

NewsMN Гар утасны хувилбар Татах
NEWS.mn

Мэдээллийн эх сурвалж