Монгол Улсын Ерөнхийлөгч У.Хүрэлсүх спортын салбарынхны хөдөлмөр гавьяаг үнэлж, маргааш/2021.11.11/ шагнал гардуулахаар болжээ. Тухайлбал,

• Токиогийн паралимпийн алт, Риогийн паралимпийн хүрэл медальт, пауэрлифтингийн дэлхийн аваргын алт, мөнгөн медальт, Азийн наадмын аварга, гавьяат тамирчин Э.Содномпилжээд Хөдөлмөрийн баатар цол
• Токиогийн олимпийн хүрэл медальт, дэлхийн аварга, Азийн аварга, Азийн наадам, дэлхийн Мастерсийн 15 алт, мөнгө, хүрэл, медальт, Гиннесийн амжилтын эзэн, Гавьяат тамирчин М.Уранцэцэгт Хөдөлмөрийн баатар цол
• Пауэрлифтингийн дасгалжуулагч Д.Баттулгад гавьяат дасгалжуулагч цол
• Чөлөөт бөхийн үндэсний шигшээ багийн ахлах дасгалжуулагч Б.Баттулгад гавьяат дасгалжуулагч цол
• Хүндийн өргөлтийн үндэсний шигшээ багийн дасгалжуулагч Ц.Хосбаярт гавьяат дасгалжуулагч цол
• Токиогийн олимпийн мөнгөн медальт Саид Моллаейд гавьяат тамирчин цол
• Токиогийн олимпийн хүрэл медальт Ц.Цогтбаатарт гавьяат тамирчин цол
• Токиогийн олимпийн хүрэл медальт Б.Болортуяад гавьяат тамирчин цол тус тус хүртээнэ.