"Онцгой байдлынхан дэлхийн хэмжээнд үүрэг гүйцэтгэнэ гэдэгт эргэлзэхгүй байна" | News.MN

"Онцгой байдлынхан дэлхийн хэмжээнд үүрэг гүйцэтгэнэ гэдэгт эргэлзэхгүй байна"

"Онцгой байдлынхан дэлхийн хэмжээнд үүрэг гүйцэтгэнэ гэдэгт эргэлзэхгүй байна"

Монгол Улсын Ерөнхийлөгч, Зэвсэгт хүчний ерөнхий командлагч  У.Хүрэлсүх Онцгой байдлын ерөнхий газарт ажиллалаа.

Тус газрын дарга, хошууч генерал Г.Ариунбуян Монгол Улсын Засгийн газар, Бүгд Найрамдах Франц Улсын Засгийн газрын Санхүүгийн хэлэлцээрийн хүрээнд хэрэгжүүлж байгаа Агаараас эрэн хайх, аврах ажиллагааны анги нэгж шинээр байгуулах төслийн талаар танилцууллаа.

Төслийн хүрээнд агаараас эрэн хайх, аврах ажиллагааны хэрэгслээр тоноглосон хоёр нисдэг тэргийг угсарч дуусан, агаарт шалгах техникийн нислэг үйлдээд байна. Эдгээрийг сураггүй болсон иргэдийг хайх, хүнд өвчтөнүүдийг тээвэрлэх, ой, хээрийн түймрийн үед гал сөнөөгч, шүхэрчдийг зөөвөрлөхөд ашиглахаар төлөвлөжээ.

Нисдэг тэрэгнүүд нэг цэнэглэлтээр 650 км зайд нислэг үйлдэх боломжтой, цагт 550 мянган төгрөгийн зардал шаарддаг нь одоо ашиглаж байгаа нисдэг тэрэгнүүдээс найм дахин хямд гэсэн үг юм. Одоогоор 12 нисгэгч, 12 механик, авианик, ослын үеийн яаралтай тусламж үзүүлэх гурван эмчийг сургаж байна.

Монгол Улсын Ерөнхийлөгч дараа нь Онцгой байдлын ерөнхий газрын алба хаагчидтай уулзлаа. Онцгой байдлын байгууллага улс орныхоо төдийгүй бүс нутаг, дэлхийн хэмжээнд үүрэг гүйцэтгэх чадвартай болж бэхжинэ гэдэгт эргэлзэхгүй байгаагаа илэрхийллээ.

Мөн бүрэн эрхийнхээ хугацаанд онцгой байдлын албаны үүрэг гүйцэтгэх чадварыг эрс сайжруулж, гамшгаас урьдчилан сэргийлэх, хамгаалах, тэмцэх үндэсний чадамжийг дээшлүүлэхийн төлөө нягт хамтран ажиллахаа хэлэв.

Цаашид:

  • Гамшгийн менежментийн арга технологи, байгууллагын бүтэц, зохион байгуулалт, техник, технологийн шинэчлэлээ хурдтай хийх;
  • Гамшгаас хамгаалах улсын албадыг бэхжүүлж, ажлыг нь төлөвшүүлэх, ажлын уялдаа холбоо, чадварыг нэмэгдүүлэхэд онцгой анхаарах;
  • Үндэсний аврах бригадыг ямар ч нөхцөлд, хаана ч үүрэг гүйцэтгэх чадвартай болгон бэхжүүлэх;
  • Байгалийн аюулт үзэгдэл, ялангуяа газар хөдлөлтийн гамшгийн эрсдэлийг үнэлэх, шинэ технологи, инновацийг нэвтрүүлэх;
  • Газрын тос боловсруулах үйлдвэр, хий дамжуулах хоолой, усан цахилгаан станц зэргийн барих болон ашиглалтын үед аюулгүй байдлыг нь хангах, хяналт тавих мэргэжилтнүүдийг бэлтгэх;
  • Гамшгаас хамгаалах зарлан мэдээлэл, дохиоллын цахим системийн найдвартай байдлыг хангах зэрэгт анхаарч ажиллахыг үүрэг болголоо.

Мөн хүнс, газрын тосны бүтээгдэхүүн хадгалах зориулалттай иж бүрэн механикжсан агуулах барих, гамшиг, осолтой тэмцэх, хойшлуулшгүй сэргээн босгохтой холбоотой төсөл, хөтөлбөр хэрэгжүүлэх, олон улсын жишигт нийцсэн Гамшгийн үеийн шуурхай удирдлагын төв байгуулах, аврах ажиллагааны багаж, тоног төхөөрөмж, нэг бүрийн хамгаалах хэрэгслийн хангалтыг сайжруулах, энхийг сахиулах ажиллагаанд Онцгой байдлын байгууллагын оролцоог нэмэгдүүлэх шаардлагатайг тэмдэглэлээ.

Эх сурвалж: PRESIDENT.MN

Энэ мэдээнд өгөх таны сэтгэгдэл?
1
ТэнэглэлТэнэглэл
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

1 Сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-11-09 185.129.61.5

> Шилдэг тавтай морилно уу секс болзоо сайт — https://mysp.ac/50fjz

NewsMN Гар утасны хувилбар Татах
NEWS.mn

Мэдээллийн эх сурвалж